Job 10:1-22
10 »Jpʼajoj li jkuxlejale.+
Chkal skotol li kʼusi oy ta koʼontone.
¡Ta skoj ti chkil tajek jvokole, chikʼopoj!
2 Xi chkalbe li Diose: ‹Mu xaval ti oy jmule.
Albun kaʼi kʼu yuʼun ti chatsakun ta kʼope.
3 ¿Mi chatabe sbalil ti chavakʼbe yil svokol,ti chapʼaj li yabtel akʼobe,+ti jaʼ lek chavil kʼu yelan chtojobtasvanik li buchʼutik toj chopolike?
4 ¿Mi yuʼun sat krixchano li asate,o mi yuʼun jech chavil osil kʼuchaʼal krixchano ti snaʼ xchame?
5 ¿Mi yuʼun jech akʼakʼalil kʼuchaʼal skʼakʼalil li buchʼutik snaʼ xchamike,o mi jech ajabilal kʼuchaʼal sjabilal li jun krixchanoe,+
6 sventa chatʼun* ta saʼel li jpaltaile*xchiʼuk ti chachajilan ta saʼel li jmule?+
7 Anaʼoj ti muʼyuk jmule+xchiʼuk ti muʼyuk buchʼu xuʼ skoltaun lokʼel li ta akʼobe.+
8 Jaʼ la spatun xchiʼuk jaʼ la spasun li akʼobe,+pe li avie chalajesun ta j-echʼel.
9 Avokoluk, vuleso ta ajol ti ta lum apasojune,+pe li avi une chisut batel ta pukuk* avuʼun.+
10 ¿Mi mu lajuk akʼebun yalel kʼuchaʼal lechexchiʼuk ti la ajuyilanun sventa xiyijub kʼuchaʼal kesoe?
11 Laj avakʼbun jbekʼtal xchiʼuk laj avakʼbun jnukulil,jech xtok, la apasbun jbakil xchiʼuk la ajalbun li jchʼuxuviltake.+
12 Laj avakʼbun jkuxlejal xchiʼuk tukʼil kʼanelal;kʼelbil chabibil li yip jkuxlejal* avuʼune.+
13 Pe ta mukul la anop chapas li kʼusitik liʼe.*
Jnaʼoj ti likem talel ta atojolal li kʼusitik liʼe.
14 Chakʼelun mi la jsaʼ jmule+xchiʼuk muʼyuk chachʼaybun li jpaltaile.*
15 Pe mi oy jmule, ¡toj abol jba un bi!,
akʼo mi muʼyuk onoʼox jmul xtok, mu xuʼ jtoy muyel jsat,+yuʼun solel muʼyuk ichʼbilun ta mukʼ xchiʼuk oy tajek jvokol.+
16 Mi la jtoy muyel jsate, jaʼ jech chatsakun kʼuchaʼal tstsakvan jkot leon,+chavakʼ ta ilel yan velta ajuʼel ta jtojolal sventa chakontrainun.
17 Kʼalal jaʼo xtal noʼox ti jvokole,chavikʼ talel yan testigoetik sventa tskontrainikunxchiʼuk tstsan mas skʼakʼal avoʼonton ta jtojolal,
18 Vaʼun chaʼa, ¿kʼu yuʼun la alokʼesun tal li ta yalajeb jmeʼe?+
Jaʼ lek ti te licham jechuk kʼalal chʼabal toʼox buchʼu yilojune.
19 Jaʼ lek jechuk ti muʼyukuk onoʼox lital ta balumile;jaʼ lek jechuk ti tukʼuk libat ta chʼen kʼalal lilokʼ tal ta chʼutile›.
20 ¿Mi mu jayibuk xa noʼox kʼakʼal kuxulun?+ Akʼo yiktaun jtuk,akʼo mu skʼelun tal sventa xkuxet koʼonton* jlikeluk ti jechuke,+
21 yoʼ to mu xibat li ta yosilal pimil ikʼal* osil*+ti muʼyuk xa chisut tale,+
22 li ta slumal bu ikʼmutsʼan* ta jyalele,jun lum ti bu ikʼ tajeke xchiʼuk ti muʼyuk smelolale,jaʼ te ti bu solel ikʼmutsʼan xa ek li sakil osile».
Tsʼibetik ta yok vun
^ O «chachaj».
^ O «li jchopolile».
^ O «lum».
^ O «li jchʼulel».
^ Literal «Pe amukoj ta avoʼonton li kʼusitik liʼe».
^ O «li jchopolile».
^ O «spatbun koʼonton».
^ O «ikʼpulan».
^ O «ikʼal osil xchiʼuk snakʼobal lajelal».
^ O «ikʼpulan».
