Job 11:1-20
11 Xi la stakʼ li Sofar+ ti jaʼ jnaama vinike:
2 «¿Mi yuʼun muʼyuk stakʼobil chkom skotol li kʼusitik chavale,o mi yuʼun jaʼ oy-o arason avaloj ti toj echʼem xakʼopoje?
3 ¿Mi yuʼun tstsʼiji-o krixchanoetik ti jaʼ chaval li kʼusi muʼyuk sbalile?
¿Mi yuʼun muʼyuk buchʼu tstukʼibtasot ta skoj li kʼusi chaval sventa chalabanvane?+
4 Yuʼun xi chavale: ‹Muʼyuk xchopolil li kʼusi chkakʼ ta chanele+xchiʼuk sakun ta sba asat›.+
5 ¡Pe ti xkʼopoj avaʼi li Diosexchiʼuk ti sjam ye ta atojolale!+
6 Vaʼun, jaʼ chakʼ anaʼ li kʼusitik mukul skʼoplal ti chapʼijub-o yuʼune,yuʼun li melel pʼijilale ep kʼusi xuʼ jchantik yuʼun.
Te chavakʼ venta xtok ti chchʼay ta sjol Dios jlomuk li apaltailtake.*
7 ¿Mi yuʼun xchanbe avuʼun skʼoplal li kʼusitik lek nakʼajtik* yuʼun Diose,o mi yuʼun xchanbe avuʼun skʼoplal skotol ta sventa li Buchʼu skotol xuʼ yuʼune?
8 Mas to toyol li pʼijilale, jaʼ mu sta li vinajele. ¿Kʼusi spas avuʼun li voʼote?
Mas to tikʼil yalel, jaʼ mu sta li Mukinale.* ¿Kʼusi xavojtikin avaloj li voʼote?
9 Mas to mukʼ, jaʼ mu sta li balumilexchiʼuk jaʼ mas jamal, jaʼ mu sta li nabe.
10 Mi jelav batel li Diose, mi oy buchʼu laj yikʼ batel xchiʼuk ti stsob li buchʼutik ta snail chapanobbaile,¿buchʼu van xuʼ xalbe ti moʼoje?
11 Yuʼun chakʼ venta mi chloʼlavan li viniketike.
¿Mi te noʼox van skʼeloj kʼalal chil li kʼusi toj chopole?
12 Pe jaʼuk li jun krixchano ti jutuk spʼijilejaʼ to chaʼibe smelolal kʼalal chvokʼ yuʼun jun krixchano li jkot teʼtikal vuroe.
13 Chapano li avoʼontonexchiʼuk yeʼo muyel akʼob ta stojolal.
14 Mi oy kʼusi chopol tspas li akʼobe, jipo lokʼelxchiʼuk mu xavakʼ nakluk ta akarpana li kʼusi muʼyuk tukʼe.
15 Yuʼun mi jech chapase, xuʼ xatoy muyel asat ta skoj ti muʼyuk kʼusi chopol apasoje;xuʼ tukʼ vaʼalot, muʼyuk chaxiʼ.
16 Vaʼun, chchʼay ta ajol li avokole;jaʼ xa noʼox jech chvul ta ajol jech kʼuchaʼal akʼeloj chjelav batel li yok voʼe.
17 Mas to xojobaj li akuxlejale, jaʼ xkom to ti kʼu yelan xojobaj li oʼlol kʼakʼale;li ikʼal osil chil akuxlejale jaʼ jech chkʼot kʼuchaʼal li sob osile.
18 Jun avoʼonton, yuʼun oy spatobil avoʼontonxchiʼuk chakʼel apat axokon, vaʼun mu noʼox kʼusi xanaʼ chbat amochan aba.
19 Muʼyuk kʼusi chaxiʼo kʼalal chbat amochan abaexchiʼuk ep krixchanoetik chtal saʼikot sventa xakʼuxubin.
20 Pe tsok satik li buchʼutik toj chopolike;muʼyuk bu xuʼ xjatavik batelxchiʼuk jaʼ xa noʼox spatobil-o yoʼontonik li lajelale».+
