Job 14:1-22
14 »Li krixchano ti vokʼem ta stojolal antsekomkom noʼox+ xkuxlejal xchiʼuk ep svokol.*+
2 Chvokʼ tal jech kʼuchaʼal jtekʼ nichim, vaʼun chtakij;*+j-echʼelbe kʼuchaʼal jun nakʼobal xchiʼuk tsakchʼay batel.+
3 Ta melel, avakʼoj asat ta stojolalxchiʼuk chavikʼ tal sventa xichʼ chapanel.*+
4 ¿Mi xuʼ x-ayan yuʼun junuk tukʼil krixchano li jpasmulile?+
¡Mi junuk buchʼu xuʼ yuʼun!
5 Mi chapbil xa lek li skʼakʼalile,te oy ta akʼob ti jayib u kuxule;avaloj bu noʼox kʼalal xuʼ xkʼot yoʼ mu xjelav batel mas.+
6 Namajeso asat ta stojolal sventa xkux,jaʼ to mi tsuts yuʼun sjunul kʼakʼal+ jech kʼuchaʼal jun jsaʼabtele.
7 Yuʼun oy to patob oʼontonal ta sventa li jtekʼ teʼ eke.
Chkʼelomaj tal yan velta mi laj yichʼ tsʼetelexchiʼuk chchʼi tal li yuni kʼobkʼobtake.
8 Mi molib li yibel ti mukul ta lumexchiʼuk mi takij li xchumanil ta balumile;
9 chchʼi tal yan velta mi kʼot jutebuk voʼ teexchiʼuk chchʼi tal skʼobkʼobtak jech kʼuchaʼal chʼiom teʼ.
10 Pe chcham li jun krixchanoe xchiʼuk chʼabal xa yip te telel.¿Bu chbat kʼalal chcham li jun krixchanoe?+
11 Chchʼay batel li yaʼlel nabexchiʼuk chichʼ lokʼesbel yaʼlel li ukʼume, vaʼun chtakij.
12 Jech xtok, li krixchanoetike chpuchʼiik xchiʼuk muʼyuk xa chlikik.+
Muʼyuk chjulavik, jaʼ to mi laj li vinajele,mi jaʼuk chichʼik tijel xtok kʼalal vayemike.+
13 ¡Ati teuk xanakʼun li ta Mukinale,*+ti teuk xanakʼun jaʼ to mi echʼ li skʼakʼal avoʼontone,ti xavakʼbe lek skʼakʼalil ti kʼu sjalil te oyune xchiʼuk ti xavulesun ta ajole!+
14 ¿Mi xuʼ to xkuxi yan velta mi cham li jun krixchanoe?+
Te ta jmala skotol kʼakʼal ti bu mosoinbilune,*jaʼ to mi kʼot yorail chikol lokʼele.+
15 Voʼot chakʼopoj tal, vaʼun voʼon ta jtakʼbot.+
Chanaʼ tajek* li yabtel akʼobe.
16 Pe li avie, yakal-o chachap skotol li jujutekʼ kakan bu chibate;jaʼ noʼox akʼeloj-o li jmule.
17 Tsʼisbil lek ta koxtal li jmulexchiʼuk apakʼoj lek ta spakʼobil sventa teuk-o kʼejel* li jpaltaile.*
18 Jech kʼuchaʼal jpʼej vits ti chlom yalel xchiʼuk ti chlilij batelexchiʼuk jech kʼuchaʼal chichʼ pitsel lokʼel ta yavil li jpʼej mukʼta tone,
19 jech kʼuchaʼal xkechet ta jemel yuʼun ton li voʼe;xchiʼuk ti chkuch batel lum li yok voʼe,jaʼ jech chalajesbe spatobil yoʼonton li krixchano ti snaʼ xchame.
20 Jech-o chavakʼbe svokol jaʼ to mi chame;+chajel ti kʼu yelan xvinaj li spat xokone xchiʼuk nom chatak batel.
21 Ichʼbil ta mukʼ li xnichʼnabe, pe mu snaʼ;muʼyuk tsots skʼoplal ch-ilatik, pe mu xakʼ venta.+
22 Oy kʼusi kʼux-ip chaʼi ta sbekʼtal;jaʼ noʼox chat yoʼonton kʼalal kuxul toe».
Tsʼibetik ta yok vun
^ O «tsvul tajek yoʼonton».
^ O jaʼ van skʼoplal «chichʼ tuchʼel».
^ O «chavikʼ tal ta snail chapanobbail sventa xachapan li akʼopike».
^ Taje ta lokʼolkʼop chichʼ albel skʼoplal ti tsmosoinvan li lajelale.
^ O «Oy tajek ta avoʼonton».
^ O «nakʼal».
^ O «li jchopolile».
