Job 16:1-22
16 Xi la stakʼ li Jobe:
2 «Ep xa onoʼox kaʼioj jech kʼuchaʼal maʼ taje.
¡Tavan xa tajek chkaʼi ti kʼu yelan chapatik oʼontonale!+
3 ¿Mi oy stsutseb li kʼusitik chichʼ alel ti muʼyuk stue?
¿Kʼusi tstij avoʼonton ti cha-ilin xa chatakʼave?*
4 Xuʼ jech xikʼopoj kʼuchaʼal chapasik eke.
Ti voʼokoxuk chanuptanik kʼuchaʼal voʼone,xuʼ ep kʼusitik xlik kalboxuk sventa jkontrainoxuk.Xchiʼuk ta jimulan xa jol ta atojolalik ti jechuke.+
5 Pe mu jechuk ta jpas, yuʼun ta jtsatsubtasoxuk ta jkʼopojel ti jechukexchiʼuk xkuxet chkom avoʼontonik yuʼun li kʼusi chlokʼ ta ke jechuke.+
6 Muʼyuk chyoch li kʼusi kʼux-ip chkaʼi mi chikʼopoje+xchiʼuk ¿kʼu van yepal chyoch jvokol mi muʼyuk likʼopoj xtok une?
7 Pe laj xa slubtsanun li Diose;+slajesoj ta j-echʼel li kutsʼ kalale.*
8 La xmichʼun xtok, vaʼun laj yil yantikxchiʼuk ta skoj ti toj bakune, jaʼ chakʼ ta ilel ti oy jmule.
9 Batsʼi slilinojun xa li skʼakʼal yoʼonton Diose xchiʼuk spʼajojun ta jyalel.+
Xkʼuxuxet stanal ye ta jtojolal sventa tskontrainun.
Xtiʼet sjol skʼelojun tal li kajkontrae.+
10 Solel xjachʼojan yeik sventa tskontrainikun+xchiʼuk batsʼi syayijesojbeikun li xokontak jsate;ep tajek stsoboj sbaik sventa tskontrainikun.+
11 Li Diose chakʼun ta skʼob keremetik ti jutuk to sjabilalikexchiʼuk tsjipun batel ta skʼob li buchʼu toj chopole.+
12 Jun toʼox koʼonton, pe jaʼ la slilinun.+La xmichʼbun jnukʼ xchiʼuk la xvochʼun;*vaʼun la stsʼapbun tal sflecha.
13 Joyol ta jtojolal li yaj-akʼflechatake;+chʼochʼomtik* chikta li jrinyone+ xchiʼuk muʼyuk xkʼuxul yoʼonton;tsmal batel ta balumil li yaʼlel kiche.
14 Xikoʼolaj kʼuchaʼal junuk muro ti nopajtik noʼox tsjom jelavele;xvilet tal ta anil ta jtojolal kʼuchaʼal jun jpaskʼop.
15 Jtsʼisoj chʼixal kʼuʼil* sventa jpix-o li jnukulile+xchiʼuk jmukoj ta balumil ti kʼu yelan ichʼbilun ta mukʼe.*+
16 Solel tsoj ta okʼel li jsate+xchiʼuk situbem tajek li jsate,
17 akʼo mi muʼyuk majvanem li jkʼobexchiʼuk muʼyuk xchopolil li j-orasione.
18 ¡Ay balumil, mu xamuk li jchʼichʼele!+
¡Xchiʼuk mu teuk xamuk ti kʼu yelan xivokolete!
19 Te oy ta vinajel li jtestigoe;ti buchʼu tspak jkʼoplale te oy ta toyol.
20 Tslabanikun jchiʼiltak+kʼalal jaʼo chmal yaʼlel jsat ta stojolal Diose.+
21 Akʼo oyuk buchʼu xchʼakunkutik xchiʼuk li Diose,jech kʼuchaʼal tspas li jun krixchano ta stojolal xchiʼile.+
22 Yuʼun mu xa jaluk li jayib jabil chtalexchiʼuk chibat li ta sbelel ti bu mu xa stakʼ xisut tale.+
Tsʼibetik ta yok vun
^ Liʼe jaʼ noʼox chichʼ kʼoponel li Elifase.
^ O «li buchʼutik te xchiʼinojikune».
^ O «stʼusun».
^ O «jomochʼantik».
^ O «li kipale». Literal «jxulube».