Job 17:1-16
17 »Laj xa li yip jkuxlejale, chlaj xa skʼoplalli jkʼakʼalile;te xa tsmalaun li mukinale.+
2 Te joyol ta jpat jxokon li jlabanvanejetike+xchiʼuk skʼan skʼel jsat ti kʼu yelan tstoy sbaike.
3 Avokoluk, chʼamo li prental* chkakʼbote xchiʼuk te ichʼo-o.
¿Buchʼu van yan xuʼ syeʼ talel skʼob ta jtojolal xchiʼuk ti xakʼ ye ta jtojolale?+
4 Yuʼun anakʼoj* li pʼijilal sventa mu teuk oy ta yoʼontonike;+jech oxal muʼyuk chatoybe skʼoplalik.
5 Li jun krixchanoe xuʼ van xalbe yamigotak ti oy kʼusi chakʼbee,yan li xnichʼnabe chmak satik ta viʼnal.
6 Li Diose laj yakʼ ti akʼo xkichʼ labanel yuʼun li krixchanoetike,+jaʼ yuʼun la stubtabeikun li jsate.+
7 Xmaket xa jsat ta skoj li at-oʼontone+xchiʼuk bak xa sjunul li jbekʼtale.
8 Li tukʼil krixchanoetike labal to sba chilikun,li buchʼu chʼabal smule mu junuk yoʼonton ta skoj li chopol krixchanoe.*
9 Tukʼ stamoj batel lek sbe li buchʼu tukʼe+xchiʼuk mas to tstsatsub batel yipal li buchʼu muʼyuk kʼusi chopol tspase.+
10 Akʼo mi jech, xuʼ xatalik yan velta sventa xalikesik ta achʼ ti chavutikune,yuʼun kiloj xa ti mu junuk buchʼu oy spʼijil avuʼunike.+
11 Muʼyuk xa jal ti kʼu sjalil liʼ kuxulune,+laj xa skʼoplal li kʼusi jnopoj ta jpase xchiʼuk li kʼusi tskʼan koʼontone.+
12 Jaʼ yakalik-o ta skʼatajesel ta kʼakʼaltik li akʼobale,xi chalike: ‹Ikʼ osil, jaʼ yuʼun poʼot xa sakub›.
13 Jutuk xa noʼox ta jmala, vaʼun jaʼ chkʼot ta jna li Mukinale;*+te chbat jkʼi jtas ta ikʼal osil.+
14 Xi chkapta li chʼene:*+ ‹¡Voʼot jtotot!›.
Xi chkalbe li xuvite: ‹¡Voʼot jmeʼot xchiʼuk voʼot jvix kixlelot!›.
15 Jech oxal, ¿bu oy li spatobil koʼontone?+
¿Buchʼu xuʼ xil mi oy to spatobil koʼonton?
16 Te tijil ch-och batel* ta Mukinal* ti chalal lek smak stiʼkʼalal koʼol chiyalkutik batel li ta pukuktike».*+
Tsʼibetik ta yok vun
^ O «prentail; xkʼexol».
^ O «amukoj».
^ O «jvalopatinej mantale».
^ O «mukinale».
^ Jaʼ xkaltik, li spatobil koʼontone.
^ O «lumtike».
