Job 21:1-34
21 Xi la stakʼ li Jobe:
2 «Tsʼet chikintaik lek li kʼusi chkale;vaʼun jaʼ jech chapatbeikun koʼonton.
3 Tsʼikuk avuʼunik kʼalal chikʼopoje;jaʼ to xuʼ xlik alabanikun mi laj xa ox koʼonton ta kʼopojele.+
4 ¿Mi yuʼun ta stojolal jun krixchano yakal ta jkʼan parte?
Ati jaʼuke, ¿mi ta van stsʼik kuʼun ti jechuke?
5 Kʼelikun talel, vaʼun labal to sba chavilikun;mako ta akʼob li aveike.
6 Mu xa jnaʼ kʼusi ta jpas kʼalal ta jnopbe skʼoplal tajexchiʼuk xtʼelelet* sjunul jbekʼtal.
7 ¿Kʼu yuʼun kuxul-o li buchʼutik toj chopolike,+ti chmalubik xchiʼuk ti chpasik ta jkʼuleje?*+
8 Te oy-o ta stojolalik li xnichʼnabikexchiʼuk ta to xilik ch-ayan snitilulal li xnichʼnabike.
9 Jun yoʼonton ta snaik, muʼyuk xiʼel chaʼiik,+muʼyuk ch-akʼbatik kastigo ta xvachʼ li Diose.
10 Lek xnichʼnaj li stot xvakaxike;lek x-alaj xchiʼuk muʼyuk chyal yol li smeʼ xvakaxike.
11 Li skeremtake ch-anilajik lokʼel jech kʼuchaʼal jtsop chijxchiʼuk li xnichʼnabe xpʼitik noʼox.
12 Xkʼejinik noʼox kʼalal tstijik li pandereta* xchiʼuk arpaexchiʼuk xmuyubajik noʼox kʼalal chbakʼ li amae.*+
13 Jun yoʼonton ch-echʼ ta xkuxlejalikxchiʼuk jun yoʼonton* chyalik ta Mukinal.*
14 Pe xi chalbeik li melel Diose: ‹¡Chʼan utunkutik!
Mu jkʼan xkojtikinkutik li abetake.+
15 ¿Buchʼu jaʼ ti skotol xuʼ yuʼun sventa xitunkutik ta stojolale?+
¿Kʼusi ta jtakutik mi ta jkʼanbekutik vokole?›.+
16 Pe jnaʼoj ti muʼyuk kʼusi xuʼ yuʼunik sventa lek xbat xkuxlejalike.+
Mi jutebuk jech ta jnop kʼuchaʼal tsnop stukike.+
17 ¿Kʼu sjalikil chtupʼ skantil li buchʼu toj chopole?+
¿Kʼu sjalikil chtal vokolil ta stojolalik?
¿Kʼu sjalikil tslajesatik yuʼun Dios li ta skʼakʼal yoʼontone?
18 ¿Mi jech van chkoʼolajik junuk velta kʼuchaʼal jobel ti kuchbil chbat ta ikʼexchiʼuk kʼuchaʼal li solepal* kʼusitik ti chkuchat batel ta tsatsal ikʼe?
19 Li kastigo chichʼ akʼbel li buchʼu chopole jaʼ chkʼot ta stojolal li xnichʼnabe;
ti jech ta spas li Diose, jaʼ sventa snaʼ kʼu yelan kastigo li buchʼu chopole.+
20 Akʼo yil ta sat stuk ti kʼu yelan chichʼ lajeselexchiʼuk akʼo yuchʼbe skapemal sjol li Buchʼu skotol xuʼ yuʼune.+
21 Pe ¿kʼusi xa sventa-o ti kʼusi chkʼot ta pasel ta sna kʼalal chʼabal xa ox tee,mi tuchʼbat* xa ox ta be ti kʼu sjalil xkuxlejale?+
22 ¿Mi oy buchʼu xuʼ xchanubtas li Diose,*+ti jaʼ chchapan xtok li buchʼutik tsots yabtelike?+
23 Chcham li jun vinik kʼalal lek to tsotse,+kʼalal mu to persauk skʼan chabiele xchiʼuk kʼalal jun to yoʼontone,+
24 kʼalal jaʼo lek tʼomolik ta sjupʼemal li yoʼexchiʼuk kʼalal tsotsik to lek li sbakiltake.*
25 Pe oy jlom ti oy tajek svokol chchame,muʼyuk tskʼupin-o li kʼusitik leke.
26 Jmoj chbat puchʼiikuk ta pukuktik*+xchiʼuk koʼol chvoliatik* ta xuvit.+
27 ¡Kʼelavilik! Jnaʼoj lek li kʼusi yakal chanopikexchiʼuk li kʼusitik chopol anopoj chapasik sventa chavakʼbeikun jvokole.*+
28 Yuʼun xi chavalike: ‹¿Bu oy sna li jkʼulej vinikexchiʼuk bu oy li skarpana ti bu toʼox nakal li buchʼu toj chopole?›.+
29 ¿Mi mu ajotsʼol jakʼojbeikuk li jxanviletike chaʼa?
¿Mi mu achanojbeikuk lek skʼoplal li kʼusi yilojik talele,*
30 ti chkol komel li buchʼu toj chopol kʼalal chkʼot skʼakʼalil vokolilexchiʼuk ti chichʼ pojel komel li ta yorail skʼakʼal oʼontonale?
31 ¿Buchʼu van tstsak ta kʼop ta skoj li be bu stamoj batelexchiʼuk buchʼu van tstojbe sutel ta skoj li kʼusi spasoje?
32 Kʼalal kuchbil batel ta mukinale,chichʼ vaʼanel jun jchabivanej li ta xchʼenale.
33 Lek chiʼ chaʼi li lum ta stenlejaltike*+xchiʼuk te tijil chbat skotol li krixchanoetike*+jech kʼuchaʼal li yantik ti jelavemik xa batel yuʼun ti mu xa noʼox stakʼ chapele.
34 Jaʼ yuʼun, ¿kʼu yuʼun muʼyuk stu ti kʼu yelan chapatbeikun koʼontone?+
¡Naka loʼlavanej chapasik ti kʼu yelan chatakʼbeikune!».
Tsʼibetik ta yok vun
^ O «chnik».
^ O «ti xuʼ yuʼunike».
^ O «chijchij takʼin».
^ O «amaye; flautae».
^ O «ta anil noʼox», jaʼ xkaltik, ta anil chcham xchiʼuk muʼyuk chil svokol.
^ O «pas ta chib».
^ O «Mi oy kʼusi xuʼ xakʼbe xchan jutebuk li Diose».
^ Literal «lek to yoxik li xchinabil sbakile».
^ O «tstsoboltaatik».
^ O «lumtik».
^ O jaʼ van skʼoplal «sventa chamajikune».
^ Literal «li senyailtake».
^ O «beoʼtik ta stenlejaltike».
^ Literal «chjoch batel skotol li krixchanoetike».
