Job 22:1-30
22 Xi la stakʼ li Elifas+ ti likem ta Temane:
2 «¿Mi jtunel yuʼun Dios li jun vinike?
¿Mi oy van kʼusi xtun-o yuʼun Dios li buchʼu oy spʼijile?+
3 ¿Mi tsots van skʼoplal chil* li Buchʼu skotol xuʼ yuʼun ti tukʼ avakʼoj abae,o mi tstabe van sbalil jutebuk ti jech-o tukʼ avoʼonton avakʼoj aba tale?+
4 ¿Mi chakʼbot van kastigoxchiʼuk mi chikʼot van batel ta snail chapanobbail ta skoj ti chavichʼ ta mukʼe?
5 ¿Mi mu jaʼuk ta skoj ti toj ep li achoplejalexchiʼuk ti muʼyuk spajeb li apaltaile?+
6 Yuʼun ta jecheʼ noʼox chakilbe komel ta prental* jlikuk skʼuʼ spokʼ li achiʼiltake*xchiʼuk chapojbe skʼuʼ li krixchanoetike, vaʼun tʼanajtik* chkom avuʼun.+
7 Muʼyuk chavakʼbe j-umuk voʼ li buchʼu lubemexchiʼuk muʼyuk chavakʼbe sveʼel li buchʼu chviʼnaje.+
8 Jaʼ yuʼuninoj balumil li jun vinik ti tsots skʼoplale+xchiʼuk jaʼ te nakal li buchʼu lek ilbile.
9 Xokol skʼob la atak sutel li antsetik ti chamem smalalikexchiʼuk la ayayijes li ololetik ti chamem stotike.*
10 Jech oxal, joyol epal petsʼ* ta apat axokon+xchiʼuk ta anil noʼox kʼusi tsibtasot;
11 jaʼ yuʼun solel ikʼmutsʼan,* mu xavil osilxchiʼuk tsmutʼiot* li nojelal ta voʼe.
12 ¿Mi mu teuk oy ta tayal vinajel li Diose?
Jech xtok, kʼelavil kʼu to staylej oy li kʼanaletike.
13 Pe xi avaloje: ‹¿Kʼusi snaʼ ta melel li Diose?
¿Mi xuʼ van xchapanvan tal te to ti bu ikʼmutsʼan* ta jyalele?
14 Mu xil ta skoj ti chmakbat sat yuʼun li toke,kʼalal jaʼo te chanav ti bu mas toyol ta vinajele›.
15 ¿Mi jaʼ te chatam-o batel li voʼneal beti te xanavemik li viniketik ti toj chopolike,
16 ti chamik noʼox ta anil ta skeremalike,ti xkoʼolaj kʼuchaʼal jpʼej na ti kuchbil chbat ta ukʼum li snaklebe?+
17 Xi laj yalilanbeik li melel Diose: ‹¡Chʼan utunkutik!›.
Xchiʼuk ‹¿kʼusi xuʼ spasbutik li Buchʼu skotol xuʼ yuʼune?›.
18 Akʼo mi jech, jaʼ akʼbatik yuʼun Dios skotol li kʼusitik lek oy yuʼunik ta snaike.
(Li kʼusitik toj chopol tsnopik taje mi jutebuk jech ta jnop).
19 Li buchʼutik tukʼike chilik kʼu yelan chichʼik lajesel xchiʼuk chmuyubajik,jech xtok, li buchʼu muʼyuk kʼusi chopol spasoje chlabanvan xchiʼuk xi chale:
20 ‹Laj xa yichʼ lajesel li kajkontrakutikexchiʼuk chichʼ chikʼel ta kʼokʼ li kʼusitik chkom yuʼunike›.
21 Ojtikino li Diose, vaʼun jun avoʼonton;laje chvul ta atojolal li kʼusitik leke.
22 Chʼamo li mantal chlokʼ ta yeexchiʼuk teuk-o ta avoʼonton li kʼusi chale.+
23 Mi lasut tal ta stojolal li Buchʼu skotol xuʼ yuʼune, chata yan velta ti kʼu toʼox avelane;+mi chalokʼes ta akarpana li kʼusitik muʼyuk tukʼe,
24 mi la ajip batel ta pukuktik* li a-oroe*xchiʼuk mi la ajip yalel ta vaʼal tontikaltik* li oro talem ta Ofire,+
25 vaʼun bi jaʼ chkʼot kʼuchaʼal oro avuʼun li Buchʼu skotol xuʼ yuʼunexchiʼuk jaʼ chkʼot ta plata avuʼun ti mas to leke.
26 Yuʼun jaʼ xkuxetel avoʼonton chkʼot li Buchʼu skotol xuʼ yuʼunexchiʼuk chatoy muyel asat ta stojolal li Diose.
27 Chakʼanbe vokol, vaʼun chchikintabot;xchiʼuk chkʼot ta pasel avuʼun li kʼusi avaloj chapase.
28 Kʼusiuk noʼox ti chanop chapase lek chbat avuʼunxchiʼuk xojobaj noʼox batel ta abe li sakil osile.
29 Yuʼun chavichʼ kʼexlaltasel mi xatoyet chakʼopoje,pe jaʼ tspoj li buchʼu bikʼit chakʼ sbae.*
30 Jaʼ tspoj lokʼel li buchʼutik muʼyuk smulike;jech oxal ta xavichʼ pojel ta melel mi muʼyuk kʼusi chopol apasoje».*
Tsʼibetik ta yok vun
^ O «Mi chmuyubaj-o van li Buchʼu skotol xuʼ yuʼune».
^ O «prentail; xkʼexol».
^ Literal «avutsʼ avalale».
^ Literal «tsnitbe lokʼel skʼuʼ spokʼ li buchʼutik tʼanajtike».
^ O «meʼonetike».
^ Literal «syakobiltak mut».
^ O «ikʼpulan».
^ O «tsmukiot; tsnojesot; tsbutʼiot».
^ O «ikʼpulan».
^ O «lumtik».
^ O «oro ti pechajtike».
^ O «beoʼtik ta stenlejaltik».
^ O «li buchʼu xvinaj ta sat ti chat yoʼontone».
^ Literal «ta skoj ti muʼyuk yikʼobal li akʼobe».
