Job 24:1-25
24 »¿Kʼu yuʼun mu xakʼbe skʼakʼalil sventa chchapanvan li Buchʼu skotol xuʼ yuʼune?+
¿Kʼu yuʼun mu staik ta ilel li buchʼutik xojtikinik ti kʼusi kʼakʼalil chchapanvane?
2 Li krixchanoetike tsjelbeik yavil stsʼakiltak yosil yantik;+chelkʼanik batel chijetik sventa xbat yakʼ ta yosilik.
3 Chelkʼanbeik batel svuro li ololetik ti chamem stotike;xchiʼuk ta skoj ti oy kʼusi xchʼamunoj li ants ti chamem smalale, chichʼbeik-o komel ta prental* li stot xvakaxe.+
4 Ta persa chujik lokʼel ta be li buchʼu abol sbae;li buchʼutik mu xpak yuʼun skʼoplalik liʼ ta balumile skʼan snakʼ* sbaik sventa mu x-ilatik.+
5 Li buchʼutik abol sbaike xkoʼolajik kʼuchaʼal teʼtikal vuroetik+ ti tsaʼ sveʼelik ta takixokol balumile;tsaʼik veʼlil ta takixokol balumil ta sventa li yalab xnichʼnabike.
6 Skʼan xbat stsobik tsʼunobil ta yosil* yan krixchanoxchiʼuk chkʼuxkʼultaik* ti bu oy steʼeltak s-uva li buchʼu toj chopole.
7 Tʼanal ch-echʼ yuʼunik akʼobal, muʼyuk skʼuʼ spokʼik;+muʼyuk kʼusi xpix-o sbaik ta sventa li sike.
8 Tʼuxulik ta skoj ti chakʼ voʼ li ta vitstikaltike;te tsnapʼan sbaik ta mukʼta tonetik ta skoj ti chʼabal kʼusi smak-o sbaike.
9 Chichʼ jochel lokʼel ta xchuʼ smeʼ li olol ti chamem stote;+xchiʼuk ta skoj ti oy kʼusi xchʼamunoj li buchʼu abol sbae, chichʼbeik ta prental* li skʼuʼ spokʼe,+
10 tsujik ta xanbal kʼalal tʼanalike, muʼyuk skʼuʼ spokʼikxchiʼuk xmichʼmun xchʼutik ta viʼnal yuʼunik kʼalal chkuchik li jujuyom trigoe.
11 Kʼalal kʼixin kʼakʼale, te tsots ch-abtejik* li ta osil ti skojolkojole;te chpechʼik ta tekʼel uva li ta spitsʼobile, akʼo mi jech, takin yoʼontonik.+
12 Li buchʼutik chchamik xae x-avetik noʼox ta jteklum;li buchʼutik toj tsots yayijemike x-avetik ta skʼanel koltael,+pe muʼyuk noʼox kʼusi chopol chil li Diose.*
13 Oy buchʼutik ti tstoy sbaik ta stojolal li sakil osile;+muʼyuk tstsakik ta venta li sbelelexchiʼuk maʼuk te chanavik batel.
14 Naka toʼox chlokʼ tal kʼakʼal chlik li jmilvaneje;jaʼ tsmil li buchʼu mu xpak yuʼun skʼoplale xchiʼuk li buchʼu povree,+ch-och ta elekʼ li ta akʼobaltike.
15 Li sbekʼ sat buchʼu tsloʼla snup chiʼilile tsmala ch-ikʼub osil,+xi chale: ‹¡Muʼyuk buchʼu chilun!›,+
xchiʼuk chpix li sate.
16 Ch-ochik ta* naetik li ta ikʼ osile;jaʼ te bajal ta snaik li ta kʼakʼaltike.
Mu xojtikinik li sakil osile.+
17 Yuʼun xkoʼolaj noʼox chilik kʼuchaʼal pimil ikʼal* osil li jujun sobe;xojtikinik lek li kʼusitik xibalik sba ta pimil ikʼal osile.
18 Pe ta anil noʼox chkuchatik batel yuʼun li voʼe.
Muʼyuk kʼusi ta xchʼi li ta yosilike.+
Muʼyuk xa tsutik-o batel ti bu li steʼeltak s-uvaike.
19 Jech kʼuchaʼal chchʼay batel li unijem taiv ta yorail kʼepelaltik xchiʼuk kʼalal kʼixin kʼakʼale,¡jaʼ jech chbat uluk ta Mukinal* li buchʼutik saʼoj smulike!+
20 Chchʼayat ta sjol yuʼun li smeʼe; chkʼot ta sveʼel xuvit.
Muʼyuk xa chichʼ vulesel ta jolil.+
Xchiʼuk chichʼ kʼasel kʼuchaʼal jtekʼ teʼ li buchʼutik muʼyuk tukʼe.
21 Chopol kʼusi tspasbe li ants ti mu snaʼ x-alajexchiʼuk chilbajin li ants ti chamem smalale.
22 Li Diose tstunes sjuʼel sventa tslajesbe skʼoplal li buchʼutik tsots yipike;akʼo mi xmukʼib skʼoplalik, mu snaʼik lek mi chkuxiik o mi moʼoj.
23 Li Diose chakʼ ti spat yoʼonton ta stukike xchiʼuk ti junuk yoʼonton xaʼi sbaike,+pe te yakʼoj sat ta skotol li kʼusitik tspasike.*+
24 Chichʼ toybel skʼoplalik jlikeluk, vaʼun chchʼay batel skʼoplalik.+
Chichʼ bikʼtajesbel skʼoplalik+ xchiʼuk chichʼik tsobel kʼuchaʼal li yantike;chichʼik tuchʼel kʼuchaʼal chichʼ tuchʼel li sat trigoe.
25 Mi mu meleluk taje, ¿buchʼu xuʼ xakʼ ta ilel ti jutkʼopune*o ti mu meleluk li kʼusi chkale?».
Tsʼibetik ta yok vun
^ O «prentail; xkʼexol».
^ O «smuk».
^ O jaʼ van skʼoplal «stsobel yaxal o jobel ta osiltik».
^ O «prentail; xkʼexol».
^ O jaʼ van skʼoplal «Tslokʼesik aseite».
^ O jaʼ van skʼoplal «li Diose muʼyuk buchʼu chakʼbe smulin».
^ Literal «Tsjomik ochel».
^ O «ikʼpulan».
^ Literal «li sbeike».
^ O «jnopkʼopune; j-epalkʼopune».
