Job 3:1-26
3 Te une, lik kʼopojuk li Jobe xchiʼuk lik xchopol kʼopta ti kʼusi kʼakʼalil vokʼe.*+
2 Xi laj yale:
3 «Akʼo lajuk skʼoplal ti kʼusi kʼakʼalil livokʼe,+akʼo lajuk skʼoplal xtok li akʼobal kʼalal jaʼo oy buchʼu xi laj yale: ‹¡Laj xa yichʼ chiʼinel jun olol ti jaʼ kereme!›.
4 Akʼo ikʼubuk osil li vaʼ kʼakʼale.
Li Dios te ta toyole akʼo mu svul yoʼonton ta sventa li vaʼ kʼakʼale;chʼabaluk jsetʼuk* sakil osil.
5 Akʼo lajesatuk yuʼun pimil ikʼal* osil* li kʼakʼal taje.
Akʼo pixatuk ta ikʼal tok.
Akʼo sibtasatuk yuʼun ti kʼusiuk noʼox ch-ikʼub yuʼun osile.
6 Akʼo ikʼmutsʼanuk* ta jyalel li vaʼ akʼobale;+muʼyukuk muyubajel li vaʼ kʼakʼale;mu teuk xichʼ chapbel skʼoplal li ta jujun ue.
7 ¡Ta melel! Mas onoʼox lek ti chʼabaluk buchʼu vokʼ li vaʼ akʼobale;ti muʼyukuk buchʼu x-avet ta muyubajele.
8 Akʼo xchopol kʼoptaik li vaʼ kʼakʼal li buchʼutik jaʼ onoʼox yabtelik xchopol kʼoptaele,li buchʼu xuʼ yuʼunik stijbel svayel li kokodriloe.*+
9 Akʼo tupʼuk xojobal li kʼanaletik kʼalal ch-ikʼub xa osile;jecheʼuk te smalaoj sakilal osil li akʼobale,akʼo mu sta ta ilel li xojobal kʼakʼal kʼalal jaʼ to chlokʼ tale.
10 Yuʼun muʼyuk la smakbe yalajeb jmeʼ+ li vaʼ akʼobale;yuʼun muʼyuk la smakbun jsat sventa mu xkil li vokolile.
11 ¿Kʼu yuʼun muʼyuk licham kʼalal livokʼe?
¿Kʼu yuʼun muʼyuk licham kʼalal lilokʼ tal ta yalajeb jmeʼe?+
12 ¿Kʼu yuʼun la skajanun ta sjol yakan jmeʼ kʼalal livokʼexchiʼuk ti laj yakʼ chuʼunkune?
13 Yuʼun ti jechuke, muʼyuk xa jvokol puchʼulun;+yakal chivay xchiʼuk yakal ta jkux koʼonton+
14 xchiʼuk ajvaliletik ta balumil xchiʼuk jtojobtasvanejetik yuʼunikti jaʼ la svaʼanik kʼusitik yuʼunik ti jinemik xa avie,
15 o xchiʼuk xnichʼnab ajvalil* ti oy toʼox oro yuʼunike,ti noj toʼox ta plata li snaike.
16 O ¿kʼu yuʼun muʼyuk laj kichʼ yalesel ta mukuljech kʼuchaʼal li yan ololetik ti muʼyuk laj yilik sakil osile?
17 Yuʼun jun yoʼonton te chkuxik li buchʼutik toj chopolik eke;te chkux yoʼontonik li buchʼutik lubemike.+
18 Jun yoʼonton te jmoj oyik ek li jchukeletike,mu xa xaʼibeik yechʼomal ye li buchʼutik tsujatik ta abtele.
19 Koʼol chkʼot skʼoplalik te li buchʼutik mukʼ skʼoplalike xchiʼuk li buchʼutik bikʼit skʼoplalike,+muʼyuk xa bu tspasatik ta mantal yuʼun yajvalik li mosoiletike.
20 ¿Kʼu yuʼun chakʼbe yil sakil osil li buchʼu chil svokolexchiʼuk kʼu yuʼun chakʼbe xkuxlejal li buchʼu tsots tajek svokole?+
21 ¿Kʼu yuʼun mu xchamik li buchʼutik tskʼan xa chchamike?+
Yuʼun mas to tsjotsʼol* saʼik, jaʼ mu sta li kʼulejal ti mukule,
22 xkuxet tajek yoʼontonik mi te xa ox oyik ta mukinale,xmuyubajik tajek.
23 ¿Kʼu yuʼun chakʼbe yil sakil osil li buchʼu chʼayem ta bee,ti makbil xa sbe yuʼun li Diose?+
24 Yuʼun puro jikʼ oʼonton+ noʼox ta jpas, muʼyuk xa bu chiveʼxchiʼuk xkoʼolaj kʼuchaʼal xchajajet ukʼum ti kʼu yelan chi-avan yuʼun jvokole.+
25 Yuʼun li kʼusi ta xixiʼo tajeke vulem xa ta jtojolalxchiʼuk li kʼusi tsibtasune kʼotem xa ta jtojolal.
26 Muʼyuk jun koʼonton, muʼyuk ti lek xa noʼox chkaʼi jbae, muʼyuk bu jkuxoj-o,pe jaʼ xcholet noʼox chtal maʼ ti jvokole».
Tsʼibetik ta yok vun
^ Literal «la xchopol kʼopta li skʼakʼalile».
^ O «jutebuk».
^ O «ikʼpulan».
^ O «ikʼal osil xchiʼuk snakʼobal lajelal».
^ O «ikʼpulanuk».
^ «Leviatan» li ta ebreo kʼope.
^ O «bankilal j-abtel ta spasob mantal ajvalil».
^ «tsjokʼol».
