Job 30:1-31
30 »Li avie, tstseʼintaikun+li buchʼutik mas to keremike,ti mu xkʼotik-o li stotikti lajuk kakʼbe xchiʼin li tsʼiʼetik ti chchabiik toʼox jchijtake.
2 ¿Kʼusi chtun-o kuʼun li yip skʼobike?
Lajem xa li yipalike.
3 Yabinojik xa tajek ta skoj ti chʼabal kʼusi x-ayan yuʼunike xchiʼuk ta skoj li viʼnale;jaʼ ta xaxik li kʼusi ta staik ta takin lumti lajem xa onoʼox xchiʼuk ti jecheʼ xa onoʼox te xokole.
4 Jaʼ tstsobik li chiʼpikʼan tsʼiʼlel ta chʼixtikaltike;jaʼ sveʼelik li yibel retama teʼe.
5 Chichʼ nutsel lokʼel ta slumalik;+x-avlajet noʼox yajvalik kʼuchaʼal jun j-elekʼ.
6 Ta vaʼal chʼentik* nakalik,ta jomol lumtik xchiʼuk ta mukʼta tonetik.
7 Te to x-avetik tal ta chʼixtikaltikxchiʼuk te tsnakʼ* sbaik li ta yolon laetike.*
8 Xkoʼolajik kʼuchaʼal xnichʼnab bol krixchanoetik xchiʼuk xnichʼnab buchʼutik chʼabal sbalilik,nutsbil* lokʼel ta slumalik.
9 Pe li avie, tslabanikun tajek li ta skʼejimolike;+batsʼi voʼon noʼox spʼajojikun ta jyalel.+
10 Spʼajojikun ta jyalel xchiʼuk nom-o yakʼoj sbaik ta jtojolal;+mi jaʼuk bu chiʼik ta stubtael li jsate.+
11 Spojojbun kabtejeb* li Diose xchiʼuk xkʼexlaltasojun,jaʼ yuʼun muʼyuk la spajes sbaik ta jtojolal.
12 Ta jbatsʼikʼob xvoletik talel ta jtojolal;la skoltaikun batelpe oy kʼusi la svaʼanik ta jbe sventa tslajesikun.
13 Tsokesbeikun li jbeexchiʼuk jaʼ noʼox chakʼbeikun mas jvokol,+muʼyuk buchʼu xuʼ spajesatik-o.
14 Xkoʼolaj kʼuchaʼal te ch-ochik talel ta jun muro ti mukʼ jomole;jech-o xvolet chtalik ti bu lilijem xa tajeke.
15 Mu xa jnaʼ kʼusi ta jpas yuʼun li xiʼele;ti kʼu yelan ichʼbilun ta mukʼe chjatav batel kʼuchaʼal ikʼxchiʼuk tsakchʼay batel kʼuchaʼal tok li jpojobbaile.
16 Li avie, chicham xa;+skotol kʼakʼal chkil jvokol.+
17 Li kʼusi kʼux chkaʼie tsjom kʼalal to ta jbakil li ta akʼobaltike;+mu xpaj li kʼusi kʼux-ip chkaʼie.+
18 Tsots tsnitbeikun li jkʼuʼ jpokʼe;xkoʼolaj kʼuchaʼal snukʼ jkʼuʼ ti mu xa xkichʼ ikʼ yuʼune.
19 Dios, la ajipun batel ta achʼeltik;pukuk* xchiʼuk tan xa noʼox likom.
20 Xivokolet ta atojolal sventa xakoltaun, pe muʼyuk chatakʼbun;+chivaʼi ta skʼanel vokol, pe muʼyuk chachikintabun.
21 Batsʼi muʼyuk xa noʼox xkʼuxul avoʼonton chakontrainun;+ta skotol yip akʼob chatsakun ta kʼop.
22 Chachechun muyel xchiʼuk chakuchun batel ta ikʼ;vaʼun chajipun batel ta tsatsal ikʼaloʼ.
23 Yuʼun jnaʼoj ti chiyal batel avuʼun ta lajelale,jaʼ li snail bu chbat stsob sbaik skotol li buchʼutik kuxajtike.
24 Pe muʼyuk buchʼu chbat stsak ta majel li buchʼu chat yoʼontone,+kʼalal x-avet tskʼan koltael ta yorail svokole.
25 ¿Mi muʼyuk kokʼitaoj li buchʼutik chil svokolike?
¿Mi muʼyuk jvuloj koʼonton ta stojolal li buchʼutik povreike?+
26 Akʼo mi jmalaoj xa ox li kʼusi leke, jaʼ tal li kʼusi chopole;jaʼ xa ox jmalaoj li sakil osile, pe ikʼal osil vul ta jtojolal.
27 Solel muʼyuk xpaj ti xkʼululet jchʼute;vul ta jtojolal li skʼakʼalil vokolile.
28 Chkat koʼonton kʼalal chixanave;+ chʼabal xojobal kʼakʼal.
Ta jvaʼan jba xchiʼuk xivokolet ta jkʼan koltael kʼalal jaʼo te tsobolike.
29 Jaʼ jchiʼiltak ta vokʼel kʼotem li teʼtikal tsʼiʼetikexchiʼuk jaʼ kʼot ta jchiʼiltak li yalabtak avestruse.+
30 Ikʼtsepan* xa li jnukulile xchiʼuk tʼolem xa lokʼel;+chkʼakʼ li jbakil ta skoj ti kʼixin tajeke.*
31 Jaʼ xa noʼox chichʼ tijel j-arpa kʼalal oy buchʼu chchamexchiʼuk jaʼ xa noʼox chichʼ tijel j-ama* kʼalal ch-okʼike.
Tsʼibetik ta yok vun
^ O «Ta beoʼtik ta stenlejaltik».
^ O «tsmuk».
^ O «ortiga tsʼiʼleletike».
^ Literal «tsitsbil».
^ Literal «La xyochbe yakʼil j-arko».
^ O «lum».
^ O «Ikʼbajan; Ikʼsepan».
^ O jaʼ van skʼoplal «tsakbil ta kʼokʼ».
^ O «j-amay; jflauta».
