Job 35:1-16
35 Xi to laj yal batel li Eliue:
2 «¿Mi yuʼun jpʼel avoʼonton avaloj ti oy arason ti xi chavale:‹Mas tukʼun, jaʼ mu sta li Diose?›.+
3 Yuʼun xi chavale: ‹¿Kʼusi aventa-o?*
¿Mi mas van lek oyun avi ti lajuk jsaʼ jmule?›.+
4 Voʼon ta jtakʼbotxchiʼuk ta jtakʼbe ek li achiʼiltak ti liʼ oyike.+
5 Toyo muyel asat ta vinajel xchiʼuk kʼelavil,kʼelo li tok+ ti jaʼ mas toyol oy kʼuchaʼal voʼote.
6 ¿Kʼuxi chavakʼbe svokol Dios mi la asaʼ amule?+
¿Kʼuxi tsta ta makiel mi epaj li amule?+
7 ¿Mi yuʼun oy kʼusi chapas ta stojolal mi tukʼ avakʼoj abae?¿Kʼusi tsta avuʼun?+
8 Li achoplejale jaʼ noʼox chakʼbe svokol jun krixchano kʼuchaʼal voʼotexchiʼuk li atukʼilale jaʼ noʼox tstabe sbalil li krixchanoetike.
9 X-avetik noʼox li krixchanoetik kʼalal tsots tajek ch-ilbajinatike;x-avet tskʼanik koltael lokʼel ta skʼob li buchʼutik tsots yabtelike.+
10 Pe muʼyuk buchʼu xi chale: ‹¿Bu oy li Diose, li Mukʼta Jpasvanej kuʼune,+ti jaʼ tstij oʼontonal sventa xichʼ kʼejintael kʼejojetik ta akʼobaltike?›.+
11 Jaʼ mas chchanubtasutik+ li voʼotike, jaʼ mu sta jech chchanubtas li chonbolometik ta balumile+xchiʼuk mas tspʼijubtasutik, jaʼ mu sta li mutetik ta vinajele.
12 X-avetik noʼox li krixchanoetike, pe muʼyuk chtakʼbatik yuʼun li Diose,+jaʼ ta skoj li stoyobbail buchʼutik toj chopolike.+
13 Ta melel, muʼyuk chchikinta Dios kʼalal mu ta sjunuluk yoʼonton* tskʼanik koltaele;+muʼyuk chchikinta li Buchʼu skotol xuʼ yuʼune.
14 ¡Buuk xa noʼox ti te xavulvun ta yalel ti muʼyuk bu tstsakot ta ventae!+
Te xa oy ta stojolal ti kʼu yelan chakʼan chapanele, jech oxal skʼan xamala ta sjunul avoʼonton.+
15 Yuʼun maʼuk ta skapemal xa sjol tskʼanbot ti xavalbe skotol li kʼusi apasojexchiʼuk muʼyuk stsakoj ta venta xtok ti muʼyuk xa noʼox smelolal li kʼusi avaloje.+
16 Solel mukʼ sjamoj ye maʼ li Jobe;jech xtok, toj ep kʼusitik chal akʼo mi mu snabe skʼoplal».+
