Job 36:1-33
-
Tslekil kʼopta Dios li Eliu ta skoj ti mu xa noʼox jnaʼtik kʼu to smukʼule (1-33)
-
Li jchʼunej mantaletike jun yoʼonton chkuxiik; chichʼik pʼajel li chopol krixchanoetike (11-13)
-
¿Mi oy yan jchanubtasvanej kʼuchaʼal li Diose? (22)
-
Skʼan smukʼibtasbe skʼoplal Dios li Jobe (24)
-
«Mu xa noʼox jnaʼtik kʼu to smukʼul li Diose» (26)
-
Jaʼ tspas ta mantal voʼ xchiʼuk saksevul li Diose (27-33)
-
36 Xi to laj yal li Eliue:
2 «Oyuk to smalael avuʼun jlikeluk sventa xkalbot smelolal,yuʼun oy to kʼusi ta jkʼan chkal ta sventa li Diose.
3 Jamal chkal li kʼusi jnabe skʼoplalexchiʼuk ta xkal ti jaʼ yuʼun tukʼilal li Jpasvanej kuʼune.+
4 Melel xkal, maʼuk jutbil* li kʼusi chkale;liʼ oy ta aveloval li buchʼu xojtikinbe lek skʼoplale.+
5 Toj echʼ xa noʼox yip li Diose+ xchiʼuk muʼyuk buchʼu tspʼaj;toj echʼ xa noʼox kʼusi xaʼibe smelolal.
6 Muʼyuk kuxul chkom yuʼun li buchʼutik toj chopolike,+pe tukʼ kʼusi tspasbe li buchʼutik chil svokolike.+
7 Te-o sat ta stojolal li buchʼutik tukʼ yakʼoj sbaike;+te chakʼ chotluk ta xchotleb ajvaliletik*+ xchiʼuk chichʼ toybel skʼoplalik ta sbatel osil.
8 Pe mi chukbil yok skʼobik ta kadenaexchiʼuk mi chukulik ta vokolile,
9 ch-akʼbat snaʼik li kʼusitik spasojike,li smultak spasojik ta skoj stoyobbailike.
10 Chjambat xchikinik sventa tstukʼibtasatikxchiʼuk ch-albatik ti akʼo xnamajik ta stojolal li kʼusi chopole.+
11 Mi la xchʼunbeik smantal xchiʼuk mi tunik ta stojolale,jun yoʼonton chkuxiik jujun kʼakʼalxchiʼuk tskʼupinik li jujun jabile.+
12 Pe mi muʼyuk la xchʼunike, chlajik ta espada*+xchiʼuk chʼabal kʼusi snabeik skʼoplal chlajik.
13 Tsnakʼ skʼakʼal yoʼonton li chopol krixchanoetike.*
Muʼyuk tskʼanik koltael akʼo mi chukbilik yuʼun li Diose.
14 Kerem to chchamik,+te chlajik xchiʼuk li jchonbail viniketik ta temploe.+
15 Pe chkoltaatik yuʼun Dios li buchʼutik chil svokolike;chjambat xchikinik kʼalal chlajik ta ilbajinele.
16 Tsnamajesot lokʼel ta vokolil+sventa chakʼot ti bu lek jamale, muʼyuk kʼusi chajalanbat,+chakʼbot lekil veʼlil ta amexa ti tspatbot avoʼontone.+
17 Vaʼun, jun avoʼonton yuʼun ti chichʼ chapanel li buchʼutik toj chopolike,+kʼalal oy chapanele xchiʼuk kʼalal tspas kanal li tukʼilale.
18 Pe kʼelo me ti mu xatsob skʼakʼal avoʼonton* ta skoj li skapemal ajole+xchiʼuk mu me sokesot ta be mi tskʼan tsmanikot ta epal takʼine.*
19 ¿Mi muʼyuk xa van chkʼot vokolil+ ta atojolal ti xavokolet tajek chakʼan koltaeleo ti tsots chavakʼ persae?
20 Mu me oyuk tajek ta avoʼonton ti x-och akʼobale,kʼalal jaʼo tsʼij xi batel li krixchanoetik bu oyike.
21 Kʼelo me aba lek ti mu jaʼuk xapas li kʼusi chopole,yuʼun jaʼ oy ta avoʼonton spasel li kʼusi chopole, jaʼ muʼyuk ta avoʼonton chavil li avokole.+
22 ¡Kʼelavil! Chichʼ toybel skʼoplal Dios ta skoj li sjuʼele;¿mi oy yan jchanubtasvanej kʼuchaʼal li stuke?
23 ¿Mi oy buchʼu sbeiltasoj batel,*+o ti xi yalojbee: ‹Muʼyuk lek li kʼusitik apasoje›?+
24 Mu me xchʼay xavaʼi smukʼibtasbel skʼoplal li yabtele,+ti jaʼ li kʼusi la skʼejintaik li viniketike.+
25 Taje yiloj skotol li krixchanoetike,ta nom noʼox tskʼel batel li viniketik ti snaʼ xchamike.
26 Jech ta melel, mu xa noʼox jnaʼtik kʼu to smukʼul li Diose,+mu xa noʼox xkaʼibetik smelolal* ti jayib sjabilale.+
27 Tstsob muyel li jujupʼajel voʼe,+vaʼun chkʼataj ta ikʼaloʼ xchiʼuk ta tok.
28 Laje, tsmal yalel tal voʼ li toke;+li toke te tskʼi sba yalel ta stojolal li krixchanoetike.
29 ¿Mi oy buchʼu xuʼ xaʼibe smelolal ti kʼu yelan xkʼiet batel li toke,li yechʼomal chauk te ta vinajele?*+
30 Kʼelavil kʼu to yelan xjaplajet* li saksevul*+ te ta vinajelexchiʼuk ti te to tsta ta makiel li yutil* nabe.
31 Skotol li kʼusitik taje jaʼ kuxul-o yuʼun li krixchanoetike;jun to yepal chakʼbe sveʼelik.+
32 Li Diose tsmak ta skʼob li saksevule*xchiʼuk tstak batel ti bu tskʼan yoʼontone.+
33 Ch-albat skʼoplal yuʼun li chauke;kʼalal ta tsʼunbal chonbolometik chalik buchʼu* ti chtal xae.
Tsʼibetik ta yok vun
^ O «maʼuk nopbil kʼop; mu epal kʼopuk».
^ O jaʼ van skʼoplal «chchotan ajvaliletik».
^ O «ta jun abtejebal».
^ O «jvalopatinej mantaletike».
^ O «epal michʼob kʼabale».
^ O «chatʼax akʼob ta skʼakʼal avoʼonton».
^ O jaʼ van skʼoplal «xchopol kʼoptaoj; chtal xchap li kʼusi spasoje».
^ O «mu tabaj ta naʼel».
^ Literal «skarpanae».
^ O «stsʼaylajet».
^ O «saktsel».
^ Literal «yibel».
^ O «saktsele».
^ O jaʼ van skʼoplal «kʼusi».
