Job 37:1-24
-
Jaʼ chakʼ ta ilel smukʼulal Dios li yip kʼusitik pasbile (1-24)
37 »Xpʼitpʼun koʼonton li aviexchiʼuk chlokʼ xa ta yav yaʼel.
2 Aʼiik lek ti kʼu yelan tsots tajek yechʼomal snukʼexchiʼuk li chauk ti xkʼavlajet noʼox chlokʼ talel ta yee.
3 Tstak talel ta sjunul yolon vinajelxchiʼuk tstak batel saksevul*+ kʼalal to spajeb balumil.
4 Laje, oy kʼusi chichʼ aʼiel ch-avan;solel toj labal sba ti kʼu yelan xkʼavlajet yechʼomal ye li Diose+xchiʼuk muʼyuk tspajtsan li saksevul* kʼalal chichʼ aʼiel li yechʼomal yee.
5 Toj labal xa noʼox sba ti kʼu yelan xkʼavlajet skʼopojel li Diose;+mu xa noʼox xkaʼibetik smelolal ti kʼu yelan toj echʼ xa noʼox mukʼtik li kʼusi tspase.+
6 Yuʼun xi chalbe li taive: ‹Tsʼujan yalel ta balumil›,+
xchiʼuk xi chalbe kʼalal chakʼ voʼe: ‹Tsotsuk me xachajajet yalel›.+
7 Tspajtsan kʼusitik tspas krixchanoetik* li Diose,sventa xojtikinbeik yabtel Dios skotol li krixchanoetik ti snaʼ xchamike.
8 Ch-och ta xchʼen li jtiʼvanej chonbolometikexchiʼuk te tsnakʼ-o sbaik.
9 Li tsatsal ikʼe xjumet noʼox talel+xchiʼuk li sike jaʼ te chkuchat talel yuʼun li ikʼ ta nortee.+
10 Ta yikʼal ye Dios ch-ayan li yeloe+xchiʼuk tspas ta yelo li voʼe.+
11 Jaʼ jech, jaʼ chakʼbe xkuch yaʼlel li toke;jaʼ te chakʼ lokʼuk talel saksevul*+ li ta toke;
12 te sututet batel ti bu tskʼan chakʼ batele;chchʼunik skotol li kʼusi ch-albatik+ akʼo spasik ta sba balumil ti bu oy yajvale.*
13 Jaʼ chakʼ jech xkʼot ta pasel stuk,+mi sventa kastigo*+ o sventa stabe sbalil li balumile o jaʼ ta sventa tukʼil kʼanelal.
14 Job, chikintao avaʼi liʼe;malao xchiʼuk nopbo lek skʼoplal li kʼusitik toj labalik xa noʼox sba spasoj Diose.+
15 ¿Mi xanaʼ kʼu yelan tspas ta mantal tok li Diosexchiʼuk kʼuxi chut ti xjaplajet* noʼox yuʼun saksevul* li ta toke?
16 ¿Mi xanaʼ kʼu yelan xkʼiet batel li toke?+
Taje jaʼ li kʼusitik toj labalik xa noʼox sba spasoj li buchʼu snabe lek skʼoplal kʼusitike.+
17 ¿Kʼu yuʼun chkʼixnaj li akʼuʼ apokʼkʼalal muʼyuk kʼusi chbakʼ li ta balumil ta skoj li ikʼ chlik tal ta sure?+
18 ¿Mi xuʼ avuʼun xatikʼ aba ta skoltael ta skʼiel batel li vinajel+ti lek tsots kʼuchaʼal jun nen ti pasbil ta takʼine?
19 Albunkutik li kʼusi xuʼ xkalbekutike;yuʼun mu xuʼ jtakʼbekutik maʼ voʼonkutike, yuʼun ta ikʼal osil oyunkutik.
20 ¿Mi xuʼ van xkalbe Dios ti ta jkʼan ta jchiʼin ta loʼile?
¿O mi oy buchʼu kʼusi yaloj ti skʼan albele?+
21 Mi jaʼuk xilik sakil osil* li krixchanoetike,akʼo mi xojobaj noʼox li ta vinajele,jaʼ to chilik mi echʼ ikʼ xchiʼuk mi la smes lokʼel li toke.
22 Oy kʼusi kʼonkʼontik xojobaj chvinaj tal ta norte;toj labal sba ti kʼu xa noʼox yelan smukʼul li Diose.+
23 Mu xa noʼox xkaʼibetik smelolal kʼu yelan li Buchʼu skotol xuʼ yuʼune;+toj echʼ xa noʼox sjuʼel,+toj lekik xchiʼuk toj tukʼik skotol li kʼusitik tspase.+
24 Jech oxal, skʼan xiʼtaik* Dios li krixchanoetike.+
Yuʼun mu junuk bu lek chil li buchʼutik pʼij xa chaʼi sbaike».+
Tsʼibetik ta yok vun
^ O «saktsel».
^ O «saktsel».
^ Literal «Chakʼbe seyoal skʼob skotol krixchanoetik».
^ O «saktsel».
^ O «li ta balumil ti oy kʼusitik lek xchʼie».
^ Literal «vachʼ».
^ O «stsʼaylajet».
^ O «saktsel».
^ Jaʼ xkaltik, «xojobal kʼakʼal».
