Job 39:1-30
39 »¿Mi xanaʼ kʼusi ora chvokʼ yol li teʼtikal tentsunetike?+
¿Mi oy aviloj kʼu yelan chvokʼ yalab li teʼtikalchijetike?+
2 ¿Mi achapoj jayib u skʼan xchiʼin li yolike?
¿Mi xanaʼ kʼusi ora chvokʼ li yalabike?
3 Tslotʼan sbaik kʼalal chvokʼ li yalabikexchiʼuk te chlaj li xkʼuxul xchʼutike.
4 Tstsatsub li yalabike xchiʼuk te chchʼiik ta jamal osiltik;chlokʼik batel xchiʼuk mu xa bu tsutik tal ta stojolal smeʼik.
5 ¿Buchʼu la skolta lokʼel li teʼtikal vuroe+xchiʼuk buchʼu la stitunbe yakʼil li kolemal vuroe?
6 Jaʼ kʼotem ta sna kuʼun li takixokol balumilexchiʼuk jaʼ snainoj kuʼun li chiʼpikʼan balumile.
7 Tslaban ti kʼu yelan xvochlajetik ta jteklume;muʼyuk bu chaʼi ti x-avet li buchʼu tsbeiltas j-abtel chonbolometike.
8 Xyal xmuy noʼox ta vitstikaltik sventa tsaʼ yaxaltik,tsaʼ skotol li yaxal tsʼiʼlele.
9 ¿Mi tskʼan van chtun ta atojolal li teʼtikal tot vakaxe?+
¿Mi te van ch-echʼ yuʼun akʼobal li ta snail atsʼunbal chonbolome?*
10 ¿Mi xchuk avuʼun jkotuk teʼtikal tot vakax sventa xakʼbe surkoal* li avosileo mi te xa tijil chbat ta apat sventa chbat slok li stenlejaltike?
11 ¿Mi apatoj avoʼonton ti tsots yipexchiʼuk mi chavakʼbe spas li tsatsal abtel avuʼune?
12 ¿Mi apatoj avoʼonton ta stojolal ti chkuchbot sutel tal li atsʼunobe*xchiʼuk mi te tstsob li ta yikʼaobile?
13 Xmuyubaj kʼu yelan chlichʼulan xikʼ li avestruse,pe ¿mi xkoʼolaj li xikʼ xchiʼuk li skʼukʼumal sigüenya mute?+
14 Yuʼun te chikta ta lumtik ston li avestrusexchiʼuk te kʼixin yuʼun ta pukuktik.*
15 Muʼyuk bu tsnop mi oy buchʼu xuʼ xpechʼ ta tekʼelo ti xlaj ta pechʼel ta tekʼel yuʼun jkotuk jtiʼvanej chonbolome.
16 Muʼyuk xkʼuxul yoʼonton ta stojolal li yalabe, xkoʼolaj kʼuchaʼal maʼuk yalab yilel;+muʼyuk tsvul yoʼonton ti jecheʼ ch-echʼ svokole.
17 Yuʼun li Diose muʼyuk laj yakʼbe spʼijil*xchiʼuk muʼyuk laj yakʼbe slekil nopobil.
18 Pe kʼalal chtots xchiʼuk chlichʼulan xikʼe,tstseʼinta li kaʼe xchiʼuk li buchʼu te kajale.
19 ¿Mi voʼot chavakʼbe yip li kaʼe?+
¿Mi voʼot chavakʼbe li sbonokʼe?*
20 ¿Mi yuʼun xpʼit avuʼun kʼuchaʼal jkot kʼulub?
Toj xibal xa noʼox sba ti kʼu yelan tsvusilan sniʼe.+
21 X-akʼotaj noʼox batel ta stenlejaltik xchiʼuk solel chvaʼi tajek;+vaʼun xjipet noʼox batel ta paskʼop.*+
22 Stseʼin noʼox ta sventa li kʼusi xibal sbae xchiʼuk muʼyuk kʼusi chiʼo jsetʼuk;*+
muʼyuk valopat tsut ta skoj li espadae.
23 Stsʼinlajet noʼox ta xokon li yavil flechaexchiʼuk stsʼaylajet noʼox li lansa xchiʼuk li javalinae.*
24 Xtʼelelet* xa tspas sba ta skoj ti tskʼan xa chbate, vaʼun xjipet xa batel,mu stakʼ chaʼi ti te tsʼijil chkom* kʼalal tsjupanik kachue.
25 Solel tsots x-ijijet* kʼalal chaʼi tsjupanik kachue,
ta nom noʼox chaʼibe yikʼ li paskʼope,xaʼi x-avlajetik li komandanteetike xchiʼuk ti kʼu yelan xviklajetik ta paskʼope.+
26 ¿Mi voʼot ta apʼijil ti chvil batel li xike,ti xlichʼlun xa batel xikʼ ta sure?
27 ¿O mi voʼot ta amantal ti toyol xvilet li aguilae+xchiʼuk ti ta toyol to tspas stase,+
28 ti te ch-echʼ yuʼun akʼobal li ta tayal* chʼene,ti te nakal li ta snakʼobbail ta toyol chʼijkan* tontike?
29 Te to chakʼbe tal satilal li sveʼele;+nom tajek chkʼot li sate.
30 Chuchʼik chʼichʼ li yalabe;xchiʼuk buyuk noʼox ti telajtik sveʼele, jaʼ te chbat».+
Tsʼibetik ta yok vun
^ O «sveʼeb chonbolometike».
^ O «sjiloal; xcholavil».
^ Literal «sbekʼ atsʼunobe».
^ O «lumtik».
^ Literal «la xchʼaybe ta sjol».
^ O «stsotsil spat snukʼe».
^ Literal «bat snup ta be li abtejebale».
^ O «jutebuk».
^ Li javalinae xkoʼolaj kʼuchaʼal li lansae, jaʼ noʼoxe mas komkom.
^ O «Chnik».
^ O jaʼ van skʼoplal «ti mu xchʼune».
^ O «x-iʼiʼet».
^ O «likil».
^ O «okʼoch; chʼijil».
