Job 4:1-21
4 Xi la stakʼ li Elifas+ ti likem ta Temane:
2 «¿Mi ta van xalubtsaj-o mi oy buchʼu tskʼan chchiʼinot ta loʼile?
Yuʼun mu xuʼ chkaʼi ti muʼyuk kʼusi chkale.
3 Melel onoʼox ti ep buchʼutik atukʼibtasoje,atsatsubtasoj xtok li buchʼutik skʼanik koltaele.
4 Atoyoj likel ta akʼopojel li buchʼutik chmak* yakanike;atsatsubtasoj xtok li buchʼutik xtʼeleletik* ta sike.
5 Pe li avie, voʼot xa jech kʼotem ta atojolal, chibajem xa avoʼonton; voʼot xa te napʼal ta abekʼtal,vaʼun chavul tajek avoʼonton.
6 ¿Mi yuʼun muʼyuk tspatbot avoʼonton ti chavichʼ ta mukʼ Diose?
¿Mi yuʼun muʼyuk tspatbot avoʼonton ti tukʼ avoʼonton+ avakʼoj aba tale?
7 Avokoluk, vuleso ta ajol liʼe: ¿mi oy van yichʼoj lajesel junuk velta li buchʼu chʼabal smule?
¿Kʼusi ora yichʼoj lajesel li buchʼutik tukʼ yakʼoj sbaike?
8 Voʼone kiloj ti buchʼutik tslokbeik slumal* li kʼusi chopolexchiʼuk li buchʼutik jaʼ tstsʼunik li vokolile jaʼ onoʼox tstaik ta tsobel xtok.
9 Ta yikʼal noʼox ye Dios ta xlajik,jech xtok, ta jun noʼox velta skʼakʼal yoʼonton Dios chlajik.
10 Tsots x-avet li leone, jaʼ xloket snukʼ* li chʼiom leone,pe ta onoʼox skʼas stanal yeik akʼo mi tsatsal leonetik.*
11 Chcham li leon kʼalal muʼyuk kʼusi stakʼ snuts stiʼe,tanpuk chbat xtok li xnichʼnabtak leone.
12 Oy kʼusi mukul laj kichʼ albel,vaʼun kʼot ta jchikin li kʼusi kʼunkʼun laj kichʼ albele.
13 Kʼalal chivay ta akʼobaltike, oy kʼusi chkil ti chlik jvul-o koʼonton yuʼune,kʼalal jaʼo batem xchʼulelik ta vayel li krixchanoetike.
14 Batsʼi lixiʼ tajek,xitʼelelet* likel ta bu kʼalal.
15 Oy kʼusi* echʼ ta yeloval jsat;stsavluj* to stsotsil jbekʼtal yuʼun.
16 Vaʼun, paj li kʼusi echʼ ta yeloval jsate,pe muʼyuk xkil kʼu yelan.
Oy kʼusi te jkʼeloj;muʼyuk kʼusi xnik, vaʼun laj kaʼi jun yechʼomal eil ti xi chale:
17 ‹¿Mi xuʼ van jaʼ mas tukʼ li jun krixchano ti snaʼ xchame ti jaʼ mu sta li Diose?
¿Mi xuʼ van jaʼ mas sak li jun krixchano ti jaʼ mu sta li Jpasvanej yuʼune?›.
18 ¡Kʼelavil! Muʼyuk spatoj yoʼonton ta stojolal li yajtuneltake,tstabe spaltail* xtok li yaj-anjeltake.*
19 ¡Buuk xa noʼox li buchʼutik nakalik ta jpʼej na ti pasbil ta achʼele,ti ta pukuk*+ likem tal li snaklebe,ti toj kʼunik ta milel kʼuchaʼal jkot pepene!*
20 Li krixchanoetike kuxulik li ta sobe, pe chchamik ta bat kʼakʼal;muʼyuk buchʼu chakʼ venta ti chlajik sbatel osile.
21 ¿Mi mu xkoʼolajikuk kʼuchaʼal jpʼej karpana ti lokʼesbil yakʼiltake?
Muʼyuk spʼijil chchamik.
Tsʼibetik ta yok vun
^ «chtʼab».
^ «chnikik».
^ O «tsnopik».
^ O «xlaket snukʼ; x-avet».
^ O «chʼiom leonetik ti xtinlajet sjolike».
^ O «xiniknunet».
^ O «Oy jun kuxlejal ti mu xvinaj ta kʼelele».
^ O «vaʼi».
^ O «xchopolil».
^ O «j-almantaletik yuʼune».
^ O «lum».
^ Literal «jochʼ». Taje jaʼ skʼoplal bikʼtal chonetik ti chkʼux kʼusitike.
