Job 40:1-24
40 Xi to albat yuʼun Jeova li Jobe:
2 «¿Mi chtabat van spaltail* yuʼun jun vinik li Buchʼu skotol xuʼ yuʼune xchiʼuk mi tstsakat van ta kʼop?+
Jaʼ akʼo stakʼ li buchʼu tskʼan tstukʼibtas li Diose».+
3 Xi la stakʼbe Jeova li Jobe:
4 «¡Kʼelavil! Mu jta-o xikʼopoj.+
¿Kʼusi van xuʼ jtakʼbot?
Ta jmak ta jkʼob li kee.+
5 Likʼopoj jun velta, pe muʼyuk xa ta jtakʼ yan velta;likʼopoj ta xchibal velta, pe muʼyuk xa kʼusi mas chkal».
6 Vaʼun, xi takʼbat talel yuʼun Jeova ta jun tsatsal ikʼ li Jobe:+
7 «Avokoluk, chapano aba kʼuchaʼal jun vinik;ta jakʼbot tal, vaʼun chapbun tal smelolal.+
8 ¿Mi chachibal kʼopta* li jtukʼilale?
¿Mi chaval ti oy jmul sventa voʼotuk oy arasone?+
9 ¿Mi yuʼun toj echʼ xa noʼox tsots akʼob kʼuchaʼal skʼob li melel Diose+o mi xuʼ xkʼavlajet to li yechʼomal ave kʼuchaʼal li yechʼomal ye stuke?+
10 Avokoluk, akʼo ta ilel li avutsilale xchiʼuk ti kʼu to atsatsale.Akʼo ta ilel ti ichʼbilot ta mukʼe xchiʼuk li amukʼulale.
11 Lokʼeso skotol li skʼakʼal avoʼonton anakʼoje;kʼelavil li buchʼutik tstoy sbaike, vaʼun bikʼtajesbo skʼoplalik.
12 Kʼelavil li buchʼutik tstoy sbaike, vaʼun kʼexlaltasoxchiʼuk pechʼo ta tekʼel ti bu vaʼajtik li buchʼutik toj chopolike.
13 Muko ochel ta pukuktik* skotolik;pixo* li ta yavil ikʼal osile,
14 vaʼun chkakʼ venta ti xuʼ avuʼune,*ti xuʼ spojot li abatsʼikʼobe.
15 Liʼ oy li ipopotamoe,* jech la jpas kʼuchaʼal la jpasot eke.
Jobel tsloʼ kʼuchaʼal jkot tot vakax.
16 ¡Kʼelavil li yip ta sbakil smukʼul yoʼexchiʼuk ti kʼu to stsatsal li xchʼuxuviltak xchʼute!
17 Tsots lek kʼuchaʼal sedro teʼ li snee;jmoj lek jalbil li xchʼuxuvil yoʼe.
18 Li sbakiltake xkoʼolaj kʼuchaʼal pasbil ta kovre;li yok skʼobe xkoʼolaj kʼuchaʼal pasbil ta tsatsal takʼin.
19 Li stsʼunobale jaʼ baʼyel laj yichʼ pasel* yuʼun Dios xchiʼuk jaʼ noʼox mas mukʼ;jaʼ noʼox xuʼ xmilat ta espada yuʼun li Jpasvaneje.
20 Yuʼun te chchʼi sveʼel li ta vitstikaltike,jaʼ ti bu chtajin skotol li jtiʼvanej chonbolometike.
21 Te chpuchʼan sba ta yolon loto teʼetik,te ch-och batel ti bu oy li ajtik ta tsʼantsʼan voʼtike.
22 Li loto teʼetike chakʼ yaxinal* ta stojolalxchiʼuk te joyol ta spat xokon li alamo teʼetik ta stenlejaltike.*
23 Muʼyuk chiʼo kʼalal tsots tajek yok li ukʼume.
Jun yoʼonton akʼo mi te xkʼebkʼun chkʼot ta ye li ukʼum Jordane.+
24 ¿Mi oy buchʼu stsak yuʼun kʼalal jaʼo chkʼelvane,o ti xojbe stakʼinal* sniʼe?
Tsʼibetik ta yok vun
^ O «xchopolil».
^ O «chaval ti muʼyuk sbalil».
^ O «lumtik».
^ Literal «pixbo satik».
^ O «ta jkʼupil kʼoptaote».
^ «Beemot» li ta ebreo kʼope.
^ Literal «jaʼ slikebal».
^ O «skeoval».
^ O «beoʼtik ta stenlejaltike».
^ Literal «xchʼojonal».
