Job 41:1-34
-
Li Diose chalbe skʼoplal kʼu yelan labal sba pasbil li kokodriloe (1-34)
41 »¿Mi stsak avuʼun ta lukluk takʼin li kokodriloe*+o ti xachukbe ta chʼojon li yokʼe?
2 ¿Mi xchukbe avuʼun ta chʼojon* li sniʼeo ti xaxojbe takʼin* li sbakil yee?
3 ¿Mi xvokolet xa van ta atojolalo mi xlamet* xa van tskʼoponot?
4 ¿Mi tskʼan van ti xapasik jun tratosventa xkʼot ta amoso ti kʼu sjalil kuxule?
5 ¿Mi ta van xatajin xchiʼuk kʼuchaʼal jkot muto mi ta van xachukbe yakʼil sventa xchʼay-o yoʼonton li akʼox tsebetake?
6 Li jmanolajeletike, ¿mi te xa van xyal xmuy stojol yuʼunik?
Li jchonolajeletike, ¿mi xchʼakulanbe xa van sbaik li sbekʼtale?
7 ¿Mi chachʼochʼobtabe* ta lukluk tsʼubtsʼub takʼin li snukulile+o mi chapajbe ta sjol li natil tsʼubtsʼub takʼin sventa tsakob choye?
8 Akʼo akʼob avil ta stojolal;¡te-o ta ajol ti la atsak abaik ta kʼope xchiʼuk muʼyuk xa jech chapas yan velta!
9 Altik mi chanop ti stsak avuʼune.
Ta sat noʼox chaxiʼo.*
10 Muʼyuk buchʼu skʼan sabe sjol.
Jech oxal, ¿buchʼu xuʼ yuʼun stsakun ta kʼop?+
11 ¿Mi oy buchʼu baʼyel kʼusi yakʼojbun sventa jtojbe sutel?+
Jaʼ kuʼun skotol li kʼusitik oy ta yolon vinajele.+
12 Chkalbe skʼoplal skotol ta sventa li yok skʼobe,ta sventa li yipe xchiʼuk ti toj lek pasbil li sbekʼtale.
13 ¿Mi oy buchʼu slokʼesojbe li xpix ta sbae?
¿Buchʼu xuʼ x-och kʼalal xjachʼoj li yee?
14 ¿Buchʼu xjachʼbe yuʼun li yee?
Toj xibal xa noʼox sba ti kʼu yelan cholol li stanal yee.
15 Te stsalalet smakobbail li ta spate,*lek spakʼojan sba skotol.
16 Lek stsakojan sba ta jujuntal,mi jutebuk x-och ikʼ te.
17 Lek spakʼoj sba ta jujuntal;batsʼi napʼajtik lek xchiʼuk mu stakʼ tʼolel.
18 Stsʼaylajet xojobal li yikʼal sniʼ kʼalal tsvusilanexchiʼuk li sate xkoʼolaj kʼuchaʼal xojobal kʼakʼal kʼalal jaʼ to chlokʼ tale.
19 Xjaplajet* saksevul* chlokʼ ta ye;xchʼitlajet noʼox lokʼel li nich kʼokʼe.
20 Xtomet noʼox chʼail* chlokʼ ta sniʼ,xkoʼolaj kʼuchaʼal orno ti akʼbil lek sjobelale.
21 Tstsan yuʼun akʼal li yikʼal yeexchiʼuk tsjip lokʼel kʼokʼ li ta yee.
22 Tsots tajek yip li ta snukʼexchiʼuk chjatav yuʼun li xiʼele.
23 Lek yij li snukulil xchʼute;lek tsots, xkoʼolaj kʼuchaʼal pasbil ta unijesbil takʼin ti mu stakʼ lokʼesele.
24 Li yoʼontone toj tsots kʼuchaʼal ton,jech syijil kʼuchaʼal stanal molino.
25 Kʼalal chtotse, ta xiʼik ek li tsatsal chonbolometike;chakʼ tajek xiʼel ti kʼu yelan tstsakvan ta kʼope.
26 Mi jaʼuk stsalat ta junuk espada;mi jaʼuk stsalat ta lansa, ta bikʼit lansa mi jaʼuk li ta sniʼ flechae.+
27 Xkoʼolaj kʼuchaʼal jobel chil li tsatsal takʼine,xkoʼolaj kʼuchaʼal kʼaʼ teʼ chil li kovree.
28 Muʼyuk chjatav ta skoj li flechae;xkoʼolaj kʼuchaʼal jobel chaʼi li stanal jimichʼe.
29 Xkoʼolaj kʼuchaʼal jobel chaʼi li jtel teʼexchiʼuk stseʼin noʼox kʼalal stsʼinlajet li javalinae.*
30 Li xchʼute xkoʼolaj kʼuchaʼal sjepelul pʼin ti oy lek yee;chjoch sba batel ta achʼeltik ti xkoʼolaj kʼuchaʼal pechpech teʼ sventa smajobil sat tsʼunobile.*+
31 Chvokan yuʼun li natil voʼ kʼuchaʼal chvokan li pʼine;tsyukʼilan li nab kʼuchaʼal chvokan ta spʼinal li muil pomadae.
32 Xjaplajet* chkom yuʼun ti bu ch-echʼ batele.
Xuʼ jnoptik yilel ti sak xa sjol li natil voʼe.
33 Stuk noʼox jech liʼ ta balumile,jaʼ noʼox stuk jech pasbil ti mu snaʼ xiʼe.
34 Chʼayal to chkʼot yoʼonton yuʼun li jtoyba chonbolometike.
Jaʼ ajvalil yuʼun skotol li jtiʼvanej chonbolometik ti toj tsots yipike».
Tsʼibetik ta yok vun
^ «Leviatan» li ta ebreo kʼope.
^ Literal «jobel».
^ Literal «chʼix».
^ O «kʼun».
^ O «chajomochʼtabe».
^ O «tsjipot yalel ta lum».
^ O jaʼ van skʼoplal «Ti tstoy-o sba ti stsalalet smakobbail li ta spate».
^ O «stsʼaylajet».
^ O «saktsel».
^ O «chʼayil».
^ Li javalinae xkoʼolaj kʼuchaʼal li lansae, jaʼ noʼoxe mas komkom.
^ O «stsʼaylajet».
