Job 6:1-30
6 Vaʼun, xi la stakʼ li Jobe:
2 «¡Ti stakʼuk pʼisel lek ta kilo li kʼusi ta jvul-o koʼontone+xchiʼuk ti xichʼuk pʼisel ek li jvokoltake!
3 Yuʼun x-echʼ to yalal kʼuchaʼal li jiʼtik* ta nabe.
Jech oxal, skotol xa noʼox kʼusi chopol* chlokʼ ta ke.+
4 Yuʼun matsʼal xa sflecha ta jtojolal li Buchʼu skotol xuʼ yuʼunexchiʼuk chtanij xa batel ta jbekʼtal li svenenoale;+liʼ xa cholol tal ta jtojolal li kʼusitik xibal sba yuʼun Diose.
5 ¿Mi x-avet to van li teʼtikal vuro+ kʼalal oy lek yaxale,*o mi x-avet to van li tot vakax kʼalal oy lek jobel sloʼe?
6 ¿Mi oy van buchʼu chʼabal yatsʼamil tslajes li kʼusi muʼyuk smuileo mi oy van smuil li sakil ton alakʼ ti jecheʼ xnititete?
7 Mu jkʼan jpik li kʼusitik taje.
Xkoʼolaj kʼuchaʼal veʼlil ti chi-ipaj-o yuʼune.
8 ¡Ti xkʼotuk ta pasel li kʼusi ta jkʼanexchiʼuk ti xakʼuk Dios li kʼusi oy ta koʼontone!
9 ¡Ti oyuk ta yoʼonton Dios xvochʼune*xchiʼuk ti xakʼ tal skʼob sventa slajesune!+
10 Yuʼun akʼo mi jech spasbun, tspatbun koʼonton ti jechuke;chipʼit ta muyubajel akʼo mi toj kʼux li jvokole,yuʼun muʼyuk jpʼajoj li kʼusitik yaloj Chʼul Diose.+
11 ¿Mi yuʼun van oy to kipal sventa jechuk-o jmala?+
¿Mi yuʼun van oy to kʼusi xuʼ lek xkʼot ta jtojolal ti ta jkʼan to chikuxie?*
12 ¿Mi yuʼun van xkoʼolaj jtsatsal kʼuchaʼal mukʼta ton?
¿O mi yuʼun van ta kovre pasbil li jbekʼtale?
13 ¿Mi oy to van kʼuxi xuʼ jkolta jba jtukti namajesbil xa ta jtojolal skotol li kʼusitik xuʼ skoltaune?
14 Li buchʼu muʼyuk chakʼ ta ilel tukʼil kʼanelal ta stojolal li xchiʼile+muʼyuk xa me xiʼtaoj* li Buchʼu skotol xuʼ yuʼune.+
15 Solel mu stakʼ jpat koʼonton ta stojolal li kamigotake,+ xkoʼolajik kʼuchaʼal ukʼum ta yorail siktik,xkoʼolajik kʼuchaʼal li yok ukʼum ti chtakij ta yorail siktike.
16 Sakpukʼan* tajek ta taiv,jaʼ te smukoj sba yalel li taiv ti unijem xae.
17 Pe chʼabal yaʼlel chkom mi kʼot yoraile xchiʼuk ch-ul batel;chtakij kʼalal chkʼixnaj tale.
18 Chkʼejpʼuj* batel yok;chbein batel yok ta takixokol balumil xchiʼuk ta sakchʼay batel.
19 Li jxanviletik ti likemik tal ta Temae+ tsaʼik li voʼe;li jxanviletik ti likemik tal ta Sabae+ spatoj yoʼontonik ti tstaik eke
20 Kʼexlal chkomik ta skoj ti yalojik ox mi tstaik voʼe;jecheʼ noʼox tal xchibajes yoʼontonik.
21 Yuʼun jaʼ jech chkiloxuk+ kʼuchaʼal li ukʼume;avilojik ti toj xibal sba li jvokole, vaʼun chaxiʼik-o.+
22 ¿Mi oy kʼusi jkʼanojboxuk,
o mi jkʼanojboxuk ti oyuk buchʼu xavakʼbeik smoton ta jventa ti te chalokʼes ta akʼulejalike?
23 ¿Mi oy jkʼanoj ti xkichʼ koltael lokʼel ta skʼob jun jkontrainvanejeo mi oy jkʼanoj ti xkichʼ pojel* lokʼel ta stojolal li buchʼutik ch-ilbajinvanike?
24 Chanubtasikun, vaʼun tsʼijil chikom;+koltaikun sventa jnaʼ ti kʼusi chopol la jpase.
25 ¡Muʼyuk bu kʼux kʼalal oy kʼusi jamal chichʼ alele!+
Pe ¿kʼusi sbalil xuʼ xichʼ tabel ti kʼu yelan chatukʼibtasvanike?+
26 ¿Mi yuʼun chatukʼibtas avalojik li kʼusi chkale,ti mu xa jnaʼ kʼusi ta jpas+ xchiʼuk ti kuchbil chbat ta ikʼ li kʼusi chlokʼ ta kee?
27 ¡Spas avuʼunik ti xavakʼik suerte ta stojolal li buchʼu chamem stote+xchiʼuk ti xachonik* li avamigoike!+
28 Jaʼ yuʼun, joyijanik tal, kʼelikun tal,yuʼun muʼyuk ta jutboxuk* kʼop.
29 Nopik to lek avokolikuk, mu chopoluk xavalbeikun jkʼoplal,nopik to lek, yuʼun muʼyuk to tabil ta tijel li stukʼil koʼontone.
30 ¿Mi yuʼun muʼyuk stukʼil li kʼusi chlokʼ ta kokʼe?
¿Mi yuʼun mu xa xaʼi jpakʼov* ti oy kʼusi chopol chkale?
Tsʼibetik ta yok vun
^ O «yiʼtik».
^ O «muʼyuk stukʼil; muʼyuk smelolal».
^ O «tsʼiʼlele».
^ O «stʼusune».
^ O «Sakliman».
^ O «Chkʼejev».
^ Literal «manel».
^ O «xajelik».
^ O «jnopboxuk».
^ O «yakʼol ke».
