Job 7:1-21
7 »¿Mi mu xkoʼolajuk kʼuchaʼal tsatsal abtel li xkuxlejal jun krixchano ta balumil ti snaʼ xchamexchiʼuk mi mu xkoʼolajuk xkuxlejal kʼuchaʼal jun jsaʼabtel?+
2 Xkoʼolaj kʼuchaʼal jun mosoil, tskʼan axinal,*xkoʼolaj kʼuchaʼal jun jsaʼabtel, tsmala chichʼ stojol.+
3 Jaʼ yuʼun, oy jayibuk u ti mu kʼusi xitun-o laj kaʼi jbaexchiʼuk oy jayibuk akʼobal ti laj kil tajek jvokole.+
4 Xi ta jakʼbe jba kʼalal chivaye: ‹¿Kʼusi to van ora chilik?›.+
Pe kʼalal kʼunkʼun tajek chjelav li jun akʼobale, te noʼox xivalkʼuj xisutpʼij* jaʼ to mi sakube.
5 Noj ta xuvit xchiʼuk pixil ta pukuk* li jbekʼtale;+noj ta spakʼ* jchinal xchiʼuk noj ta pojov li jbekʼtale.+
6 Toj anil chjelav li jujun kʼakʼal jkuxlejale,+ jaʼ mas to kʼun chjelav li steʼel* bukʼexchiʼuk muʼyuk kʼusi ta jta-o yuʼun.+
7 Teuk me ta ajol ti xkoʼolaj kʼuchaʼal ikʼ li jkuxlejale,+muʼyuk xa chil-o muyubajel* li jsate.
8 Li sbekʼ asat yakal chilune mu xa me bu chilun yan velta;tsaʼun to li asate, pe muʼyuk xa liʼ oyune.+
9 Xkoʼolaj kʼuchaʼal tok ti chanav batele xchiʼuk ti tsakchʼay batele;muʼyuk xa tsut tal li buchʼu chbat ta Mukinale.*+
10 Muʼyuk xa tsut tal ta sna,muʼyuk xa chvulesat ta sjol yuʼun li slumale.+
11 Jaʼ yuʼun, muʼyuk ta jmak ke.
¡Chkal skotol li kʼusi kʼux chkaʼi ta koʼontone;ta jkʼan parte ta skoj ti toj tsots xa noʼox li jvokole!+
12 ¿Mi yuʼun nabun o mi yuʼun mukʼta chanul nabunsventa xavaʼan buchʼu chchabiun?
13 Kʼalal xi chkale: ‹Jaʼ tspatbun koʼonton ti bu ta jpuchʼan jbae;jaʼ chyochbun jvokol li jteme›,*
14 vaʼun chlik asibtasun ta jvayichxchiʼuk chasibtasun-o li kʼusi chavakʼ kile,
15 jech oxal jaʼ ta jkʼan ti oyuk kʼuxi xijikʼave,jaʼ lek ti xichame, jaʼ mu jkʼan ti jech kuxulun kʼuchaʼal liʼe.+
16 Ta jpʼaj li jkuxlejale,+ mu xa jkʼan xikuxi.
Jaʼ lek iktaun jtuk, yuʼun ti jayib kʼakʼal kuxulune xkoʼolaj kʼuchaʼal jun noʼox velta chkichʼ ikʼ.+
17 ¿Kʼusi yabtel li jun krixchano ti snaʼ xcham sventa xavul avoʼonton ta stojolalexchiʼuk ti xavakʼ asat* ta stojolale?+
18 ¿Kʼu yuʼun ti te asat ta stojolal jujun sobexchiʼuk ti jujulikel chavakʼ ta prevae?+
19 ¿Kʼu yuʼun te tijil-o asat ta jtojolalxchiʼuk kʼu yuʼun ti mu xaviktaun jtuk sventa xakʼ yorail jbikʼ jtube?+
20 Mi oy jsaʼoj jmule, ¿kʼuxi xa noʼox xuʼ xkakʼbot avokol ti Voʼot akʼeloj li krixchanoetike?+
¿Kʼu yuʼun ti tukʼ akʼelojun tale?
¿Mi yuʼun ikatsilun chavaʼi?
21 ¿Kʼu yuʼun ti mu xachʼaybun li jmulexchiʼuk ti mu xatupʼbun li jpaltaile?*
Yuʼun poʼot xa xbat puchʼikun ta pukuktik,*+vaʼun chasaʼun, pe batemun xa ox».
Tsʼibetik ta yok vun
^ O «keoval».
^ O «xibalet».
^ O «lum».
^ O «spat».
^ O «xchʼalobil».
^ Literal «chil lekilal».
^ O «jvayebe».
^ Literal «avoʼonton».
^ O «li jchopolile».
^ O «lumtik».
