Job 8:1-22
8 Vaʼun, xi la stakʼ li Bildad+ ti jaʼ jsua vinike:+
2 «¿Kʼu to van sjalil jech chakʼopoj taje?+
¡Li kʼusi chlokʼ ta avee tsatsal ikʼ noʼox!
3 ¿Mi tsokes van kʼusi tukʼ li Diose,o mi tsokes van kʼusi lek li Buchʼu skotol xuʼ yuʼune?
4 Mi la saʼ smulik ta stojolal Dios li anichʼnabe,jaʼ laj yakʼ permiso ti akʼo xichʼik kastigo ta skojli stoyobbailike;
5 pe ti jaʼuk xakʼel muyel li Diose+xchiʼuk ti xavokoletuk ta skʼanbel koltael li Buchʼu skotol xuʼ yuʼune,
6 ti tukʼukot xchiʼuk ti muʼyukuk chopolot ta melele,+chaʼibot akʼopojel ti jechukexchiʼuk jaʼ chakʼ ti xchaʼta yav li anae xchiʼuk ti jechuk xkom kʼuchaʼal toʼox ta baʼyuke.
7 Akʼo mi juteb toʼox li kʼusi x-ayan avuʼun ta slikebale,pe mas to ch-epaj batel ta jelavel.+
8 Avokoluk, jakʼbo li jkʼol kuxlejal ti echʼ xaexchiʼuk chikintao li kʼusitik la staik ta ilel li stotike.+
9 Yuʼun voljechabje to jvokʼeltik maʼ voʼotike xchiʼuk mu kʼusi jnaʼtik,yuʼun toj komkom li jkuxlejaltik liʼ ta balumile.
10 ¿Mi mu tauk xchanubtasoxukxchiʼuk mi mu tauk xalboxuk li kʼusi snaʼike?*
11 ¿Mi nat chchʼi li papiro* mi maʼuk ta tsʼantsʼan voʼ oye?
¿Mi nat chchʼi li aj mi muʼyuk yaʼlele?
12 Akʼo mi umul* to xnich, akʼo mi muʼyuk to bulbil lokʼel,jaʼ baʼyel chtakij mi chʼabal yaʼlele, jaʼ tsʼakal to chtakij li yantik tsʼiʼlele.
13 Taje jaʼ jech chkʼot ta stojolalik* skotol li buchʼutik chchʼay ta sjolik Diose,yuʼun chlaj spatobil yoʼonton li chopol krixchanoe,*
14 muʼyuk sbalil li kʼusitik spatoj-o yoʼontone,ti jaʼ spatoj-o yoʼonton li kʼusi toj kʼun jech kʼuchaʼal sna ome.
15 Tskikan sba li ta sna ome, pe muʼyuk chkuch yuʼun;te tstsak lek yikob yaloj, pe chtuchʼ ta anil.
16 Xkoʼolaj xtok kʼuchaʼal jtekʼ tsʼiʼlel ti lek yox ta xojobal kʼakʼalexchiʼuk chchʼi batel lek skʼobkʼobtak li ta nichimaltike.+
17 Te tskʼam sba yibel ta jtsop tontik;te tsaʼ sna li ta tontikaltike.
18 Pe kʼalal chichʼ bulel lokʼel li ta yavile,chpʼajat yuʼun li yavile xchiʼuk xi ch-albate: ‹Muʼyuk bu xkilot-o›.+
19 Jaʼ jech chchʼay batel skʼoplal;*+vaʼun yantik xa tsʼiʼlel chvokʼ tal li ta pukuktike.*
20 Ta melel, li Diose muʼyuk tspʼaj li buchʼutik tukʼ-o yoʼontonike;*muʼyuk tstsakbe skʼob* xtok li krixchanoetik ti toj chopolike.
21 Yuʼun chakʼ to tseʼinan tajek ta muyubajelxchiʼuk chakʼ avanan ta tseʼej ta skoj li muyubajele.
22 Pixil chkomik ta kʼexlal li buchʼutik spʼajojotexchiʼuk chchʼay skʼoplal skarpana li buchʼutik toj chopolike».
Tsʼibetik ta yok vun
^ Literal «mi mu tauk slokʼes tal li kʼusi chal ta yoʼontonike».
^ O «omol».
^ Literal «jaʼ jech sbelel stamojik batel».
^ O «jvalopatinej mantale».
^ O «Jaʼ te stsutseb li sbee».
^ O «lumtike».
^ O «li buchʼutik muʼyuk smule».
^ O «tskolta».
