Jonas 2:1-10
2 Vaʼun, kʼalal te oy ta yut xchʼut choy li Jonase,+ la skʼopon li Jeova ti jaʼ Sdiose,
2 xi laj yale:
«Kʼalal oy jvokole, la jkʼanbe koltael li Jeovae, vaʼun la stakʼbun.+
Xi-avet ta skʼanel vokol+ kʼalal te oyun ta yutil* to Mukinale.*
Laj avaʼibun li kʼusi laj kale.
3 Kʼalal la ajipun yalel ta yutil to nabe,te lik sbalalinun* li yok nabe.+
Te lik svolun li syukʼbenaltak nab avuʼune.+
4 Xi laj kale: ‹¡Jipbilun xa lokʼel ta asat!
¿Kʼuxi xa noʼox chkil yan velta li chʼul templo avuʼune?›.
5 La sbalalinun ta jyalel li voʼe, laj yakʼ ta vokol li jkuxlejale;*+limutʼij* yalel kʼalal to ta xchak li nabe.
La stsʼot sba ta jol li tsʼiʼleletik chchʼi ta yut nabe.
6 Kʼalal to ta yibel vitsetik liyal batel.
Te xa ox bajal likom-o yuʼun li stiʼ balumile.
Pe kuxul la atoyun lokʼel* li ta chʼene, Dios Jeova.+
7 Kʼalal chicham xa laj kaʼie, li buchʼu vul ta jole jaʼ li Jeovae.+
Kʼot ta atojolal li j-orasione, li ta chʼul templo avuʼune.+
8 Li buchʼu chichʼik ta mukʼ li santoetik ti muʼyuk sbalile chiktaik komel li bu chlik talel tukʼil kʼanelale.*
9 Yan li voʼone ta jkʼupil kʼoptaot ta jkʼopojel xchiʼuk ta xkakʼbot milbil matanal.
Ta jpas ta melel li kʼusi laj kalbot ta jpase.+
Li koltaele te chlik talel ta stojolal Jeova».+
10 Ta tsʼakale, li choye albat mantal yuʼun Jeova, jech oxal li choye la xeta lokʼel ta takin balumil li Jonase.
Tsʼibetik ta yok vun
^ Literal «xchʼut».
^ O «te lik stsʼotun yalel».
^ O «limuk; libutʼij».
^ Literal «la atoy muyel jkuxlejal».
^ O jaʼ van skʼoplal «stukʼil yoʼontonike».
