Josue 12:1-24
12 Liʼe jaʼ li ajvaliletik lajik ta tsalel xchiʼuk ti ichʼbat yosilik yuʼun li j-israeletike, jaʼ li osil ta jot Jordan ta stukʼil slokʼeb kʼakʼal ti chlik ta stenlejaltik Arnon*+ kʼalal to ta vits Ermone+ xchiʼuk sjunul li Araba ta slokʼeb kʼakʼale:+
2 June jaʼ li Seon+ ti jaʼ ajvalil yuʼun j-amorreoetike, li ajvalil Seone te toʼox nakal ta Esbon, jaʼ toʼox sventainoj sjunul li osil chlik ta Aroer+ ti stsʼakinoj sba xchiʼuk li stenlejaltik Arnone,*+ te chlik ta oʼlol stenlejaltik xchiʼuk smakoj to j-oʼlol li yosilal Galaad ti chkʼot kʼalal to ta stenlejaltik* Jabok ti stsʼakinoj li yosil j-ammonetike.
3 Jech xtok, jaʼ toʼox sventainoj li Araba kʼalal to ta nab Kineret*+ ta stukʼil slokʼeb kʼakʼale, chkʼot kʼalal to ta nab Araba, jaʼ xkaltik, ta nab Muerto,* kʼalal to ta stukʼil slokʼeb kʼakʼal ta stukʼil Bet-Jesimot xchiʼuk chkʼot kʼalal to ta stukʼil sur ta yolon stselejaltik Pisga.+
4 Yan xtoke jaʼ li osil ti kʼu yepal smakoj li ajvalil Og+ ta Basane. Li Ogue te toʼox nakal ta Astarot xchiʼuk ta Edrei, ti jaʼ xa jun ta slajeb li snitilulal jrefaetik+ ti kuxulik toe.
5 Jaʼ sventainoj li yosilal vits Ermon ta Salekae xchiʼuk sjunul li yosilal Basan+ ti te to chkʼot ta stsʼak jguesuretik xchiʼuk ta stsʼak jmaakatetike,+ smakoj to j-oʼlol li yosilal Galaad ti chkʼot kʼalal to ta stsʼak li osil ti jaʼ sventainoj li ajvalil Seon ta Esbone.+
6 Li Moises ti jaʼ yajtunel Jeova xchiʼuk li j-israeletike la stsalik+ li chaʼvoʼ ajvalil taje, vaʼun li Moises ti jaʼ yajtunel Jeovae laj yakʼbe ta xrexto* Ruben li yosilike, jaʼ laj yichʼ ta xrextoik ek li Gad xchiʼuk li j-oʼlol snitilulal Manasese.+
7 Liʼe jaʼ li ajvaliletik yuʼun jteklumetik ti tsalatik yuʼun li Josue xchiʼuk li j-israeletike, ti te tsalatik li ta jot Jordan ta stukʼil smaleb kʼakʼale, ti te lik ta yosilal Baal-Gad+ ta stenlejaltik Libano+ kʼalal to ta vits Alak+ ti chmuy batel ta Seire.+ Laje, li Josuee laj yakʼbe ta xrexto* snitilulal Israel li yosilike, jaʼ ti kʼu yepal skʼan xichʼik+ ta jujuchop snitilulalike.
8 Te la stsalik li ta vitstikaltike, li ta Sefelae, li ta Arabae, li ta stselejtike, li ta takixokol balumile xchiʼuk li ta Neguebe,+ taje jaʼ li yosil j-etetik, j-amorreoetik,+ jkanaanetik, jperisitaetik, j-eveoetik xchiʼuk li jebusetike.+ Li ajvaliletik taje jaʼik liʼe:
9 Ajvalil ta Jeriko;+ ajvalil ta Ai+ ti te xkom ta xokon Betele;
10 ajvalil ta Jerusalen; ajvalil ta Ebron;+
11 ajvalil ta Jarmut; ajvalil ta Lakis;
12 ajvalil ta Eglon; ajvalil ta Gueser;+
13 ajvalil ta Debir;+ ajvalil ta Gueder;
14 ajvalil ta Orma; ajvalil ta Arad;
15 ajvalil ta Libna;+ ajvalil ta Adulam;
16 ajvalil ta Makeda;+ ajvalil ta Betel;+
17 ajvalil ta Tapua; ajvalil ta Efer;
18 ajvalil ta Afek; ajvalil ta Lasaron;
19 ajvalil ta Madon; ajvalil ta Asor;+
20 ajvalil ta Simron-Meron; ajvalil ta Aksaf;
21 ajvalil ta Taanak; ajvalil ta Meguido;
22 ajvalil ta Kedes; ajvalil ta Jokneam+ ta Karmelo;
23 ajvalil ta Dor ta stselejal Dor;+ ajvalil ta Goyim ta Guilgal;
24 ajvalil ta Tirsa; ta skotole jaʼ 31 ta voʼ ajvaliletik.
Tsʼibetik ta yok vun
^ O «beoʼtik ta stenlejaltik Arnon».
^ O «beoʼtik ta stenlejaltik Arnon».
^ O «beoʼtik ta stenlejaltik».
^ Literal «nab Salado».
^ Jaʼ xkaltik, mukʼta tsʼantsʼan voʼ ta Jenesaret o nab ta Galilea.
^ O «spukulal; sparte».
^ O «spukulal; sparte».
