Neemias 10:1-39
10 Li buchʼutik laj yakʼ seyoik+ sventa oyuk sbalil xkome jaʼik liʼe:
Neemias ti jaʼ ajvalile,* ti jaʼ xnichʼon Akaliasexchiʼuk Sedekias,
2 Seraya, Asarias, Jeremias,
3 Pasjur, Amarias, Malkiya,
4 Atus, Sebanias, Maluk,
5 Arim,+ Meremot, Abdias,
6 Daniel,+ Guineton, Baruk,
7 Mesulam, Abias, Mijamin,
8 Maasias, Bilgai xchiʼuk Semaya; taje jaʼik li paleetike.
9 Te oy li jlevietik eke, jaʼik liʼe: Jesua xnichʼon Asanias, Binui ti jaʼ li ta xnichʼnabtak Enadade, Kadmiel+
10 xchiʼuk li xchiʼiltak ti jaʼik li Sebanias, Odias, Kelita, Pelaya, Anan,
11 Mika, Reob, Asabias,
12 Sakur, Serebias,+ Sebanias,
13 Odias, Bani xchiʼuk Beninu.
14 Li joliletik ta jteklume jaʼ liʼe: Paros, Paat-Moab,+ Elam, Satu, Bani,
15 Buni, Asgad, Bebai,
16 Adonias, Bigvai, Adin,
17 Ater, Esekias, Asur,
18 Odias, Asum, Besai,
19 Arif, Anatot, Nebai,
20 Magpias, Mesulam, Esir,
21 Mesesabel, Sadok, Jadua,
22 Pelatias, Anan, Anaya,
23 Osea, Ananias, Asub,
24 Aloes, Pila, Sobek,
25 Reum, Asabna, Maaseya,
26 Aiya, Anan, Janan,
27 Maluk, Arim xchiʼuk Baana.
28 Skotol li yantik ta jteklume, jaʼ xkaltik, li paleetike, li jlevietike, li jchabiej ochebaletike, li jkʼejimoletike, li buchʼutik chtunik ta temploe* xchiʼuk skotol li buchʼutik la xchʼak sbaik lokʼel li ta lumetik ta spat xokonik sventa xchʼunbeik smantal li melel Diose,+ ti te oy li yajnilike, li skeremik xchiʼuk stsebike, skotol li buchʼutik xojtikinik xae xchiʼuk xaʼibeik xa smelolale,*
29 la snapʼan sbaik ta stojolal li xchiʼilike, li viniketik ti tsots yabtel yuʼunike xchiʼuk laj yakʼ yeik ti akʼo oyuk kʼusi chopol xkʼot ta stojolalik mi muʼyuk la xchʼunbeik li smantal Jeova ti jaʼ Kajvaltik xchiʼuk ti jaʼ melel Diose, taje jaʼ li mantal laj yakʼbe Moises ti jaʼ yajtunel li melel Diose. Jech xtok, laj yakʼ yeik ti akʼo oyuk kʼusi chopol xkʼot ta stojolalik mi muʼyuk la xchʼunbeik lek li smantaltake, li kʼusitik kʼotem ta nopel yuʼune xchiʼuk li kʼusitik yaloje.
30 Xi jamal laj yalike: «Muʼyuk chkakʼbe jtsebtik li lumetik ti oy ta jpat jxokontike xchiʼuk muʼyuk chkakʼbetik yikʼ jkeremtik+ li stsebetakike.
31 »Mi chtal pʼolmajikuk li lumetik ti oy ta jpat jxokontike xchiʼuk mi chtal xchonik li sat tsʼunobil ta skʼakʼalil savado+ o ta jun chʼul kʼakʼale,+ muʼyuk kʼusi ta jmanbetik. Jech xtok, muʼyuk ta jkʼantik li kʼusitik chlokʼ ta balumil ta svukubal jabile+ xchiʼuk muʼyuk ta jkʼantik sutel skotol li ililetike.+
32 »Jech xtok, laj kakʼ ketik ti chkakʼtik chanib gramo plata* jujun jabil ta sventa li kʼusitik chtun ta sna* li Jdiostike,+
33 ta sventa li latsbil pane,*+ ta sventa li matanal sat tsʼunobil+ ti chichʼ akʼel jujun kʼakʼale, sventa li chikʼbil matanal ti chichʼ akʼilanel ta savado+ xchiʼuk li ta jujun achʼ lunae,*+ sventa li kʼinetik ti akʼbil yoraile,+ sventa li kʼusitik chʼulike, sventa li matanal yoʼ sta perton+ li Israele xchiʼuk sventa skotol li kʼusi chichʼ pasel ta sna li Jdiostike.
34 »Laj kakʼtik suerte xtok sventa xichʼ naʼel kʼusi ora staoj xchiʼuk bu junukal utsʼ alalil chichʼ tal siʼ ta jujun jabil ta sna li Jdiostike, mi jaʼ li paleetike, li jlevietike o mi jaʼ li jteklume, taje jaʼ sventa chichʼ tunesel li ta skajleb smoton Jeova ti jaʼ Jdiostike, jech kʼuchaʼal tsʼibabil li ta Mantale.+
35 Jech xtok, jujun jabil chkichʼtik tal ta sna Jeova+ li sba sat kʼusitik lokʼem ta kosiltik ti lek xa yijike xchiʼuk skotol li sba sat jeltos teʼetik ti lek xa yijike.
36 Chkikʼtik talel xtok li sba jnichʼontike xchiʼuk li sba yol jtsʼunbal chonbolomtike,+ li sba yol jvakaxtike xchiʼuk li sba yol jchijtik jech kʼuchaʼal tsʼibabil ta Mantale. Chkichʼbetik tal li paleetik ti te chtunik ta sna li Jdiostike.+
37 Jech xtok, chkichʼtik tal li arina ti jaʼ to sba velta ta juchʼtik ti vochʼ noʼoxe,+ li matanaletik chkakʼtike, li sba sat skotol jeltos teʼetike,+ li achʼ vinoe xchiʼuk li aseitee,+ skotol taje skʼan xkichʼbetik tal li paleetike, ti butik skʼejobil* ta sna Jdiostike.+ Chkichʼbetik tal jlevietik+ ek jun li ta lajlajuneb* ta skotol li kʼusi chlokʼ ta kosiltike, yuʼun li jlevietike jaʼ tstsobik li kʼusitik chlokʼ ta sjunul jteklumaltik ti bu chijtsʼunolaje.*
38 »Li pale ti jaʼ xnichʼon Aarone skʼan teuk xchiʼuk jlevietik kʼalal tstsobik li jun ta lajlajunebe; li jlevietik eke skʼan te xchʼakik lokʼel jun li ta lajlajuneb sventa xakʼik ta matanal li ta sna Jdiostike,+ li butik skʼejobile.*
39 Yuʼun li j-israeletike xchiʼuk li xnichʼnab jlevietike skʼan te xichʼik talel ti butik skʼejobil* matanal+ li sat tsʼunobile, li achʼ vinoe xchiʼuk li aseitee,+ yuʼun jaʼ te oy li kʼusitik chtun ta temploe xchiʼuk te oyik ek li paleetik ti te chtunike, li jchabiej ochebaletike xchiʼuk li jkʼejimoletike. Skʼan jtukʼulantik li sna Jdiostike».+
Tsʼibetik ta yok vun
^ O «tirsatae». Li jpersiaetike jaʼ jech tsbiiltasik jun ajvalil ti sventainoj jun lume.
^ O «li jnetineoetike». Literal «akʼbilike», jaʼ xkaltik, sventa xtunik ta stojolal Dios.
^ O jaʼ van skʼoplal «skotol li buchʼutik oy xa lek sjabilalik ti xaʼibeik xa lek smelolale».
^ Literal «jvokʼ ti pasbil ta oxvokʼ li jun sikloe». Kʼelo Apendise B14.
^ O «stemplo».
^ O «achʼ ue».
^ Jaʼ xkaltik, pan ti akʼbil ta stojolal Diose.
^ Te tsakal skʼoplal li stsʼunel chonbolometike.
^ O «li diesmo».
^ O «snakʼobil».
^ O «snakʼobile».
^ O «snakʼobil».
