Numeros 24:1-25
24 Li Balaame laj yakʼ venta ti lek chaʼi* Jeova ti chakʼbe bendision li Israele, kʼalal laj yakʼ venta jeche muʼyuk xa bat saʼ yan kʼusi xuʼ chopol xichʼ pasbel li Israele.+ Li kʼusi la spase jaʼ ti la sjoypʼin batel sat ta takixokol balumile.
2 Kʼalal la stoy sat li Balaame xchiʼuk laj yil ti ta jujuchop snitilulalik spasoj skarpanaik li j-israeletike,+ te kʼot ta stojolal li s-espiritu Diose.+
3 Jaʼ yuʼun, xi lik yal li jun pʼijil loʼil liʼe:+
«Xi skʼopojel li Balaam xnichʼon Beore,xi skʼopojel li jun vinik ti laj yichʼ jambel sate,
4 xi skʼopojel li buchʼu chaʼibe skʼop Diose,ti laj yil li Buchʼu skotol xuʼ yuʼune,ti la snijan sba kʼalal jambil xa ox sate:+
5 ¡Toj kʼupil xa noʼox sba tajek li karpanaetik avuʼune, Jakob,toj kʼupil xa noʼox sba tajek li axibalnaetik avuʼune, Israel!+
6 Epik xa tajek kʼuchaʼal stenlejaltik,*+kʼuchaʼal nichimaltik ta tiʼ ukʼum,kʼuchaʼal aloe* ti jaʼ stsʼunoj Jeovae,kʼuchaʼal sedro teʼetik ta tiʼ voʼ.
7 Li chib yavil voʼ pasbil ta nukule, xchororet noʼox yaʼlel chlokʼ,li snitilulale te chichʼ tsʼunel yoʼ bu oy epal voʼe.+
Li ajvalil yuʼune+ mas to mukʼ chbat skʼoplal, jaʼ xkom to li Agague,+chichʼ toybel skʼoplal li ventainel yuʼune.+
8 Yakal chichʼik lokʼesel yuʼun Dios li ta Ejiptoe;xkoʼolaj yuʼunik kʼuchaʼal li xulub tot teʼtikal vakaxe.
Ta xakʼbe slajeb li jteklumetike, li yajkontratake+xchiʼuk ta snulbe li sbakilike, ta slilin ta sflechatak.
9 Laj xa skujan sba, laj xa xpuchʼan sba kʼuchaʼal chpuchʼan sba li jkot leone,¿buchʼu xuʼ yuʼun tstij sventa xkoti ta skoj ti xkoʼolaj kʼuchaʼal leone?
Li buchʼutik chakʼbot bendisione akʼo staik bendision ek,li buchʼutik chchopol kʼoptaote akʼo yichʼik chopol kʼoptael ek».+
10 Li Balake lik tajek skʼakʼal yoʼonton ta stojolal li Balaame. Ta skapemal sjol la xtʼax skʼob xchiʼuk xi laj yalbe li Balaame: «Ti laj kikʼot tale jaʼ sventa xachopol kʼoptabun li kajkontratake,+ pe muʼyuk jech la apas, jaʼ noʼox laj avakʼbe bendision yoxibal velta.
11 Batan ta ana ta ora. Ta ox xkichʼot lek ta mukʼ,+ pe li Jeovae muʼyuk xakʼ jech kʼotuk ta pasel».
12 Li Balaame xi la stakʼbe li Balake: «¿Mi mu xiuk laj kalbe li j-almantaletik avuʼune:
13 ‹Manchuk mi xakʼbun sna li Balak ti noj ta plata xchiʼuk ta oroe, mu stakʼ jpas li kʼusi tskʼan koʼontone, yuʼun jaʼ noʼox ta jpas li kʼusi chalbun li Jeovae akʼo mi lek o mi muʼyuk lek. Jaʼ noʼox chkal li kʼusi chalbun Jeova akʼo kale›?+
14 Chibat xa ta jlumal. Laʼ, chkalbot avaʼi li kʼusi tspasbe ta tsʼakal* ateklumal li jteklum liʼe».
15 Jaʼ yuʼun, xi lik yal li jun pʼijil loʼil liʼe:+
«Xi skʼopojel li Balaam xnichʼon Beore,xi skʼopojel li jun vinik ti laj yichʼ jambel sate,+
16 xi skʼopojel li buchʼu chaʼibe skʼop Diose,li buchʼu xojtikin li Buchʼu toj toyol oye,ti laj yil li Buchʼu skotol xuʼ yuʼunkʼalal jaʼo la snijan sba ti jambil xa ox sate:
17 Ta xkil, pe mu ta orauk;ta xkil, jaʼ noʼox mu ta aniluk.
Ta stojolal li Jakobe chlokʼ talel jpʼej kʼanal,+ta stojolal li Israele+ chlik talel jun vaxton.+
Jaʼ ta sjavbe stiba li Moabe*+xchiʼuk sbakil sjol li xnichʼnabtak paskʼope.
18 Chichʼ uʼuninel li Edome,+ta melel ch-och ta skʼob yajkontratak+ li Seire,+yan li Israele chvinaj batel ti tsots yoʼontone.
19 Oy buchʼu chlik talel ta stojolal Jakob ti chchapanvane+xchiʼuk chakʼbe slajeb li buchʼutik kuxul chkom ta jteklume».
20 Kʼalal laj yil batel li Amaleke, li Balaame xi to laj yal li pʼijil loʼile:
«Li Amaleke jaʼ li baʼyel jteklume,+pe chichʼ lajesbel skʼoplal ta tsʼakal».+
21 Kʼalal laj yil batel jkenitaetik+ li Balaame, xi to laj yal li pʼijil loʼile:
«Muʼyuk kʼusi xibal sba ti bu nakalote, yuʼun te avakʼoj atas ta mukʼta tayal ton.
22 Pe oy buchʼu chchikʼ li jkayinetike.*
¿Kʼu to sjalil skʼan sventa xchukot batel li Asiriae?».
23 Xi to laj yal li pʼijil loʼile:
«¡Toj abol sbaik! ¿Buchʼu xa noʼox kuxul chkom kʼalal jech tspas li Diose?
24 Chlik tal varkoetik ta tiʼ nab Kitim,+chakʼbeik svokol li Asiriae,+chakʼbeik svokol li Ebere.
Pe chichʼ lajesel ta melel li stuk eke».
25 Lik li Balaame,+ sut batel ta slumal. Jech la spas li Balak eke, la stam batel sbe.
Tsʼibetik ta yok vun
^ Literal «lek chil ta sat».
^ O «beoʼtik ta stenlejaltik».
^ Jaʼ sbi jtekʼ teʼ ti lek xmuete. Kʼalal jaʼo tsʼibaj li Vivliae, tstunesik kʼuchaʼal perfume.
^ O «slajebal kʼakʼal».
^ O «xokon stiba li Moabe».
^ Literal «Kayine».
