Oseas 6:1-11
6 «Laʼik xchiʼuk sutkutik batel ta stojolal Jeova,yuʼun jaʼ la slilinutik,+ pe jaʼ ta xpoxtautik.
Jaʼ la syayijesutik, pe jaʼ ta xpix li jyayijemaltike.
2 Chijkuxi yuʼun yan velta mi echʼ chib kʼakʼale.
Li ta yoxibal kʼakʼale, tstoyutik likelxchiʼuk te chijkuxiutik ta yeloval.
3 Ta xkojtikintik li Jeovae, ta sjunul koʼontontik ta jkʼan chkojtikintik.
Jpʼel skʼoplal chtal ta jtojolaltik jech kʼuchaʼal chlokʼ tal kʼakʼal ta sobe;xkoʼolaj kʼuchaʼal tsatsal voʼ chtal ta jtojolaltik,jech kʼuchaʼal chakʼ voʼ ta primavera* ti chtʼuxubtas li balumile».
4 «¿Kʼusi ta jpas ta atojolal un, Efrain?
¿Kʼusi ta jpas ta atojolal un, Juda?
Yuʼun li tukʼil kʼanelal avuʼune xkoʼolaj kʼuchaʼal li toketik ta sobe,xkoʼolaj kʼuchaʼal tsʼujul ti anil noʼox chchʼay batele.
5 Jaʼ yuʼun, ta jlajesoxuk ta stojolal li j-alkʼopetike;+ta jmiloxuk ta skoj li kʼusi chlokʼ ta kee.+
Jech xtok, li chapanel chvul ta atojolale jamal lek xvinaj kʼuchaʼal sakil osil.+
6 Yuʼun jaʼ kʼupil sba chkil li tukʼil kʼanelale,* maʼuk li milbil matanalexchiʼuk jaʼ kʼupil sba chkaʼi ti chavojtikinikun ti voʼon Diosune, maʼuk li skotlej chikʼbil matanale.+
7 Pe muʼyuk stsakojik ta mukʼ li trato ta skoj ti krixchanoetik noʼoxe.+
Te la svalopatinikun komel.
8 Li Galaade jaʼ jun jteklum ti tspasik kʼusitik chopole,+solel ep smalojik chʼichʼ.+
9 Li jtsop paleetike xkoʼolajik kʼuchaʼal jtsop j-elekʼetik ti te nakʼal* tsmalaik jun krixchanoe.
Chmilvanik li ta be ti nopol xil Sikeme,+yuʼun toj kʼexlal sba li stalelalike.
10 Oy kʼusi toj echʼ xa noʼox chopol kiloj ta stojolal li jteklum Israele.
Te chchon sba li Efraine;+sokesoj xa sba li Israele.+
11 Jech xtok, steklumal Juda, chapanbil xa avorail chavichʼ tsobel jech kʼuchaʼal oy yorail chichʼ tsobbel sat li tsʼunobiletike,ta jtsob sutel yan velta li jteklumal ti chukbilik batele».+
