Proverbios 10:1-32
10 Pʼijil loʼiletik yuʼun Salomon.+
Li pʼijil nichʼonile xkuxet yoʼonton yuʼun li stote,+yan li bol nichʼonile chat yoʼonton yuʼun li smeʼe.
2 Mi jsetʼuk* sbalil li kʼulejal mi ta chopol kʼu yelan tabile,pe li tukʼilale jaʼ chpojvan lokʼel li ta lajelale.+
3 Muʼyuk chakʼ Jeova ti xil viʼnal li buchʼu tukʼe,+yan li buchʼutik toj chopolike muʼyuk chakʼbe li kʼusi tskʼan yoʼontonike.
4 Li buchʼu chʼaj skʼobe tspas ta povre,+pe li buchʼu baxbol skʼobe tspas ta jkʼulej.+
5 Li nichʼonil ti oy spʼijile tstsob tsʼunobil ta verano,*yan li nichʼonil ti kʼexlal sba stalelale ochem lek svayel kʼalal jaʼo chichʼ tsobel li tsʼunobile.+
6 Te oy bendision ta stojolal li buchʼu tukʼe,+yan li buchʼu toj chopole snakʼoj* ta yoʼonton li saʼkʼope akʼo mi jun yutsil li skʼopojele.
7 Lek chichʼ albel skʼoplal kʼalal chtaat ta naʼel* li buchʼu tukʼe,+yan li sbi buchʼu toj chopole chchʼay batel skʼoplal.+
8 Li buchʼu oy spʼijil yoʼontone chchʼam li chanubtaseletike,*+yan li buchʼu mu xichʼ smelol chkʼopoje chichʼ pechʼilanel ta tekʼel.+
9 Li buchʼu tukʼ yoʼonton yakʼoj sbae jun noʼox yoʼonton,+yan li buchʼu muʼyuk stukʼil kʼusitik tspase* chvinaj onoʼox.+
10 Li buchʼu tsmutsʼ sativan ta skoj smanyaile chakʼbe yatel yoʼonton yantik+xchiʼuk li buchʼu mu xichʼ smelol chkʼopoje chichʼ pechʼilanel ta tekʼel.+
11 Li ye buchʼu tukʼe jaʼ snioʼal kuxlejal,+yan li buchʼu toj chopole snakʼoj* ta yoʼonton li saʼkʼope akʼo mi jun yutsil li skʼopojele.+
12 Li pʼajbaile jaʼ tslikes saʼkʼop,yan li kʼanbaile chpix skotol li mulile.+
13 Li pʼijilale te oy ta ye li buchʼu oy kʼusi lek snabe skʼoplale,+jaʼuk li vachʼe jaʼ sventa spat li buchʼu muʼyuk yichʼoj spʼijile.*+
14 Li buchʼutik pʼijike skʼejojik* kʼuchaʼal kʼulejal li yojtikinobile,+jaʼuk li ye buchʼutik bolike tsaʼ svokol stukik.+
15 Li jkʼuleje jaʼ kʼotem ta skʼulejal* li steklumal ti joyobtabil ta muroe.
Li buchʼutik povreike jaʼ slajebik li spovrealike.+
16 Li kʼusitik tspas li buchʼu tukʼe ch-ikʼvan batel ta kuxlejal,yan li kʼusitik tspas li buchʼu toj chopole ch-ikʼvan batel ta spasel mulil.+
17 Li buchʼu tstsak ta venta li tukʼibtasele tsbeiltas batel yantik li ta sbelel kuxlejale,*yan li buchʼu muʼyuk tstsak ta venta li tukʼibtasele chchʼay batel ta be yuʼun li yantike.
18 Li buchʼu pʼajvanem ta mukule chal jutbil kʼopetik*+xchiʼuk li buchʼu chloʼiltavane jaʼ bol krixchano.
19 Kʼalal ep kʼusi chkaltike, persa ta jsaʼ jmultik,+pe li buchʼu tspajtsan li yee chakʼ ta ilel ti oy spʼijile.+
20 Li yokʼ buchʼu tukʼe xkoʼolaj ta batsʼi lekil plata,+pe jaʼ jutuk sbalil li yoʼonton buchʼu toj chopole.
21 Li ye buchʼu tukʼe ep buchʼu tsmakʼlin,*+yan li buchʼu bole chcham ta skoj ti muʼyuk yichʼoj spʼijile.+
22 Jaʼ tspasvan ta jkʼulej li sbendision Jeovae,+pe muʼyuk koʼol chakʼ tal xchiʼuk vokolil.*
23 Li buchʼu bole xkoʼolaj tajimol noʼox chil ti tstikʼ sba ta spasel li kʼusi toj kʼexlal sbae,yan li pʼijilale jaʼ sventa li buchʼu oy kʼusi lek snabe skʼoplale.+
24 Li kʼusi ta xiʼta li buchʼu toj chopole jaʼ chvul ta stojolal,yan li buchʼu tukʼe jaʼ ch-akʼbat li kʼusi tskʼan yoʼontone.+
25 Chchʼay batel skʼoplal li buchʼu toj chopol mi echʼ xa ox li tsatsal ikʼaloʼe,+yan li buchʼu tukʼe xkoʼolaj kʼuchaʼal snakleb na ti te oy ta sbatel osile.+
26 Li buchʼu chʼaje jaʼ jech ch-ilat yuʼun yajval yabtelkʼuchaʼal pajal vino ta stanal ketik xchiʼuk kʼuchaʼal chʼail* ta sbekʼ jsatik.
27 Jaʼ chnatub yuʼun kuxlejal li xiʼtael* Jeovae,+jaʼuk li buchʼu toj chopole chjutukaj ti jayib jabil xkuxlejale.+
28 Jaʼ xmuyubaj-o ti kʼusi smalaoj* li buchʼu tukʼe,+pe li kʼusi spatoj-o yoʼonton li buchʼu toj chopole chlaj noʼox skʼoplal.+
29 Li sbe Jeovae jaʼ stsatsal pojobbailik li buchʼutik chʼabal smulike,+pe jaʼ chkʼot ta slajebik li jpaschoplejaletike.+
30 Li buchʼu tukʼe mi jsetʼuk* chichʼ jipel ta lum,+yan li buchʼutik toj chopolike muʼyuk xa tsnaklebinik li balumile.+
31 Chlokʼ* tal pʼijilal ta ye li buchʼu tukʼe,jaʼuk li chopol eile ta xichʼ tsʼijtsanel* sbatel osil.
32 Li ye buchʼu tukʼe snaʼoj li kʼusi leke,yan li ye buchʼutik toj chopolike naka jloʼlavanej.
Tsʼibetik ta yok vun
^ O «jutebuk».
^ Jaʼ xkaltik, yorail kʼepelaltik.
^ O «smukoj».
^ O «Lek chichʼ albel skʼoplal stalelal».
^ O «mantaletike».
^ Literal «sbee».
^ O «smukoj».
^ Literal «muʼyuk yoʼontone».
^ O «snakʼojik».
^ O «jaʼ ep sbalil yuʼun».
^ O jaʼ van skʼoplal «te oy ta sbelel li kuxlejale».
^ O «nopbil kʼopetik; epal kʼopetik».
^ O «tsbeiltas».
^ O «kʼusi kʼux».
^ O «chʼayil».
^ O «spatobil yoʼonton».
^ O «jutebuk».
^ O «Tsatin».
^ O «tsʼijlanel».