Proverbios 14:1-35
14 Li ants ti pʼij ta melele tsvaʼan sna,+pe li bol antse ta sjines ta skʼob li snae.
2 Li buchʼu tukʼ kʼusi tspase xiʼtaoj* li Jeovae,pe li buchʼu naka loʼlavanej tspase* pʼajbil yuʼun li Diose.
3 Kʼalal xtoyet chkʼopoj li buchʼu bole, xkoʼolaj kʼuchaʼal vachʼ sventa kastigo,pe jaʼuk li ye buchʼutik pʼijike jaʼ chchabiatik yuʼun.
4 Ti bu chʼabal vakaxe sak noʼox li sveʼebe,pe ta skoj ti tsots yip li tot vakaxe, ep tsʼunobal chlokʼ yuʼun.
5 Li tukʼil testigoe muʼyuk tsjut kʼop,*yan li jecheʼ testigoe chloʼlavan skotol ora.+
6 Li jlabanvaneje tsaʼ pʼijilal, pe mu sta,yan li buchʼu xaʼibe smelolale kʼun ta aʼiel chaʼi li yojtikinobile.+
7 Nom oyan ta stojolal li bol vinike,yuʼun muʼyuk chata apʼijil ta stojolal.+
8 Ta skoj li pʼijilale, li pʼijil vinike snaʼ bu chkʼot li be bu stamoj batele,pe li buchʼutik bolike chichʼik loʼlael* ta skoj li sbolilike.+
9 Li buchʼutik bolike tstseʼinik noʼox ta sventa li mulile,+pe li buchʼutik tukʼike ta sjunul yoʼonton chchapan skʼopik.
10 Li koʼontontike xojtikin li svokol stukexchiʼuk kʼalal xmuyubaje, mu xuʼ xmuyubaj yuʼun yan krixchano.
11 Chichʼ lajesbel sna li buchʼutik toj chopolike,+pe li skarpana buchʼutik tukʼike ta xmukʼib batel.
12 Oy jun be ti lek noʼox chil li jun krixchanoe,+pe ch-ikʼat batel ta lajelal.+
13 Akʼo mi chijtseʼin, pe xuʼ van oy svokol li koʼontontikexchiʼuk li muyubajele xuʼ xjoypʼij ta vokolil.
14 Li buchʼu jtoyba yoʼontone tstabe stojobil li kʼusitik tspase,+pe li lekil vinike jaʼ tstabe sbalil li kʼusi lek tspase.+
15 Li buchʼu muʼyuk spʼijile* chchʼun skotol li kʼusi ch-albate,yan li buchʼu pʼije tsnop lek li kʼusi tspase.+
16 Li buchʼu pʼije lek yichʼoj spʼijil xchiʼuk chchʼak sba lokʼel ti bu toj chopole,jaʼuk li buchʼu bole muʼyuk yichʼoj spʼijil* xchiʼuk spatoj tajek yoʼonton ta stojolal.
17 Li buchʼu ta anil noʼox snaʼ x-iline chakʼ ta ilel ti bole,+pe pʼajbil li buchʼu tsnop lek kʼusitik tspase.*
18 Li buchʼutik chʼabal spʼijilike* chbolibik,pe li buchʼutik pʼijike chkʼot ta skoronaik li yojtikinobile.+
19 Li buchʼutik chopolike persa tsnijan sbaik ta stojolal li buchʼutik lekikexchiʼuk li buchʼutik toj chopolike tsnijan sbaik ta stiʼ sna li buchʼutik tukʼike.
20 Li buchʼu povree kʼalal ta xchiʼiltak chpʼajat-o,+pe jaʼ ep yamigotak li jkʼuleje.+
21 Li buchʼu tspʼaj xchiʼile tsaʼ smul,pe xmuyubaj noʼox li buchʼu chakʼ ta ilel xkʼuxul yoʼonton ta stojolal li buchʼu povree.+
22 ¿Mi mu tauk xchʼayik ta be li buchʼutik snopoj tspasik kʼusitik chopole?
Pe li buchʼutik jpʼel yoʼonton tspasik li kʼusi leke ta xichʼik akʼbel ta ilel tukʼil kʼanelal xchiʼuk tukʼilal.+
23 Kʼusiuk tsatsal abtelal chichʼ tabel sbalil,pe mi naka loʼil noʼoxe, ch-ikʼvan batel ta povreal.+
24 Li buchʼutik pʼijike jaʼ kʼotem ta skoronaik li skʼulejalike;pe li kʼusitik tspasik li buchʼutik bolike mas to chbolibik-o.+
25 Li jun melel testigoe chkoltavan,pe li jutkʼop* testigoe chloʼlavan skotol ora.
26 Li buchʼu xiʼtaoj Jeovae spatoj lek yoʼonton ta stojolal+xchiʼuk jaʼ chkʼot ta snakʼobbail li xnichʼnabe.+
27 Jaʼ snioʼal kuxlejal li xiʼtael Jeovae,jaʼ chchʼakvan lokʼel li ta spetsʼ lajelale.
28 Jaʼ smukʼulal ajvalil li epal krixchanoetike,+pe li ajvalil ti chʼabal buchʼu tsventaine muʼyuk kʼusi xuʼ yuʼun.
29 Li buchʼu mu snaʼ xkap ta anile xaʼibe lek smelolal,+pe li buchʼu muʼyuk smalael yuʼune chakʼ ta ilel sbolil.+
30 Li oʼontonal ti stsʼijet* noʼoxe jaʼ slekilal li jbekʼtaltike,pe li yitʼixal oʼontonale xkoʼolaj kʼuchaʼal chamel ti chkʼaʼ yuʼun jbakiltike.+
31 Li buchʼu tsloʼla li povree jaʼ chchopol kʼopta li Jpasvanej yuʼune,+jaʼuk li buchʼu chakʼbe ta ilel xkʼuxul yoʼonton li buchʼu abol sbae tskʼupil kʼopta li Diose.+
32 Li buchʼu toj chopole ta xjipat ta lum yuʼun li xchoplejal stuke,pe jaʼuk li buchʼu tukʼe tsta snakʼobbail ta skoj ti tukʼ yoʼontone.+
33 Li pʼijilale te tsʼijil chkux ta yut yoʼonton jun krixchano ti xaʼibe smelolale,+pe li buchʼutik bolike chakʼik ta ojtikinel ta anil.
34 Li tukʼilale tstoybe skʼoplal jun mukʼta lum,+yan li mulile chakʼ ta kʼexlal jun jteklum.
35 Li ajvalile xmuyubaj ta stojolal li jun jtunel ti oy spʼijil kʼusi tspase,+pe jaʼ xkapet sjol ta stojolal li buchʼu kʼexlal sba kʼusi tspase.+
Tsʼibetik ta yok vun
^ O «xotxot sbee».
^ O «tsnop kʼop; ch-epal kʼopoj».
^ O jaʼ van skʼoplal «li buchʼutik bolike tsloʼlaik yantik».
^ O «Li buchʼu bole».
^ O «li buchʼu bole ch-ilin».
^ O «li buchʼu xtojob lek snopele».
^ O «Li buchʼutik bolike».
^ O «jnopkʼop; j-epalkʼop».
^ O «xlamet».
