Proverbios 23:1-35
23 Kʼalal chachiʼin ta veʼel jun ajvalile,kʼelo lek li kʼusi oy ta avelovale;
2 mi oy kʼusi chalajes tajek avaʼie,akʼo junuk kuchilu ta anukʼ.*
3 Mu xkʼupij* avoʼonton yuʼun li sveʼeltak ti muik tajeke,sventa mu xalaj ta loʼlael yuʼun li veʼlile.
4 Mu xalubtsan aba ta saʼel li kʼulejale.+
Iktao spasel xchiʼuk akʼo ta ilel ti xavaʼibe smelolale.*
5 Kʼalal chavakʼ asat ta stojolale, muʼyuk xa te oy,+yuʼun jpʼel skʼoplal ch-ayan xikʼ kʼuchaʼal jkot aguila, vaʼun chvil batel ta vinajel.+
6 Mu xalajesbe sveʼel li buchʼu toj tʼutʼe;*mu xkʼupij* avoʼonton yuʼun li sveʼeltak ti muik tajeke.
7 Yuʼun xkoʼolaj xchiʼuk li buchʼu chchap batel ti kʼu yepal chalajese.
Xi chalbote: «Veʼan xchiʼuk uchʼbolajan», pe mu meleluk li kʼusi chalbote.*
8 Chaxeta skotol ti kʼusi alajesoj xaexchiʼuk muʼyuk sbalil chkom li kʼusitik jun yutsil laj avalbee.
9 Mu kʼusi xavalbe ta xchikin li buchʼu bole,+yuʼun muʼyuk sbalil chil li kʼusitik pʼijik chavale.+
10 Mu xajelbe yavil li stsʼakil osil ti voʼne xa akʼbile+mi jaʼuk xanetʼbe batel yosil li buchʼutik chamem stotike.
11 Yuʼun lek tsots li Jpojvanej* yuʼunike;jaʼ chpakbat skʼoplalik xchiʼuk tskontrainot.+
12 Akʼo ta avoʼonton li tukʼibtaselexchiʼuk tsʼet chikintao li pʼijil loʼiletike.
13 Mu xavikta stukʼibtasel li kereme.*+
Mu xcham-o mi laj avakʼbe vachʼe.
14 Skʼan xavakʼbe vachʼsventa mu xbat li ta Mukinale.*
15 Kuni nichʼon, mi chpʼijub li avoʼontone,chmuyubaj yuʼun li koʼontone.+
16 Mi lekik li kʼusi chlokʼ ta avee,ta xmuyubaj li yutil to koʼontone.*
17 Mu x-itʼixaj avoʼonton ta stojolal li jpasmuliletike,+jaʼ lek akʼo xiʼta* Jeova skotol ora.+
18 Yuʼun mi jeche, lek kʼusi chkʼot ta atojolal ta tsʼakal+xchiʼuk muʼyuk chlaj skʼoplal li spatobil avoʼontone.
19 Kuni nichʼon, chikintao, vaʼun jech chapʼijubxchiʼuk beiltaso batel avoʼonton li ta tukʼil bee.
20 Mu xakap aba xchiʼuk li buchʼutik muʼyuk spʼisol chuchʼik vinoe,+mu xakap aba xchiʼuk li buchʼutik mu xa noʼox x-echʼ yoʼontonik ta stiʼel bekʼete.+
21 Yuʼun li jyakubele xchiʼuk li buchʼu mu noʼox x-echʼ yoʼonton ta veʼele tspasik ta povre+xchiʼuk li buchʼu lek xaʼi xvaye pakʼbentik* noʼox li skʼuʼ spokʼe.
22 Chikintao li kʼusi chal atote, yuʼun jaʼ ta skoj ti la-ayanexchiʼuk mu me xapʼaj ameʼ ta skoj noʼox ti meʼelub xae.+
23 Mano* li kʼusi melele xchiʼuk mu me bakʼinuk xachon batel,+jech xtok, mano li pʼijilale, li tukʼibtasele xchiʼuk li yaʼibel smelolale.+
24 Jpʼel skʼoplal chmuyubaj yuʼun stot li buchʼu tukʼe;buchʼuuk noʼox ti pʼij li xnichʼone chmuyubaj ta stojolal.
25 Ta xmuyubajik li atot xchiʼuk ameʼexchiʼuk tsta xkuxetel yoʼonton li buchʼu la svokʼesote.
26 Kuni nichʼon, akʼbun me li avoʼontonexchiʼuk kʼupiluk sba xil asat li jbetake.+
27 Yuʼun li jchonbail antse jaʼ jun natil chʼenxchiʼuk li jmulavil* antse jaʼ jun poso ti bikʼit tajek xyal batele.+
28 Te snakʼoj* sba chmalavan kʼuchaʼal jun j-elekʼ;+ta x-epaj yuʼun li viniketik ti muʼyuk tukʼ chakʼ sbaike.
29 ¿Buchʼu ti x-ijet* yuʼun svokole? ¿Buchʼu ti mu junuk yoʼontone?
¿Buchʼu ti tsaʼ kʼope? ¿Buchʼu ti tskʼan partee?
¿Buchʼu ti ta jecheʼ noʼox oy syayijemale? ¿Buchʼu ti lubemik* sbekʼ sate?
30 Jaʼ li buchʼutik jal tajek chuchʼik vinoe;+jaʼ li buchʼutik tsaʼik* li vino ti lek kapbile.
31 Mu xakʼel li vinokʼalal stsʼayayet stsajal li ta kopae, ti jun yutsil chyal batel ta jnukʼtike.
32 Yuʼun ta tsʼakale, chtiʼvan kʼuchaʼal jkot kiletel chonxchiʼuk chakʼ svenenoal kʼuchaʼal jkot chon.
33 Toj yan xa sba kʼusitik chil li asatexchiʼuk chopolik xa kʼusitik chlik yal li avoʼontone.+
34 Chakoʼolaj xchiʼuk li buchʼu te puchʼul ta oʼlol nabe,chakoʼolaj xchiʼuk li buchʼu te puchʼul ta sniʼ li steʼel spokʼal varkoe.
35 Xi chavale: «La smajikun, pe muʼyuk laj kaʼi,*
laj kichʼ majel, pe muʼyuk xkakʼ venta.
¿Bakʼin to chijulav?+
Ta jkʼan to jpʼisuk* vino».
Tsʼibetik ta yok vun
^ O «pajeso aba».
^ O «xpichʼ».
^ O jaʼ van skʼoplal «Pajtsano aba ti xavaʼibe smelolal avaloje».
^ O «buchʼuuk noʼox ti toj chopol sate».
^ O «xpichʼ».
^ Literal «muʼyuk te xchiʼukot li yoʼontone».
^ Literal «Jmanvanej».
^ O «li olole».
^ Literal «li jrinyone».
^ O «pakʼarantik».
^ O «Saʼo».
^ Literal «jchʼayemal». Kʼelo Proverbios 2:16.
^ O «smukoj».
^ O «x-ajajet».
^ O «ti tsmutsʼ xa sba».
^ O «tstsob sbaik sventa tspasik preva».
^ O «muʼyuk laj kaʼibe xkʼuxul».
^ O «Ta jsaʼ to yan».
