Proverbios 24:1-34
24 Mu xavitʼixta li viniketik ti toj chopolikexchiʼuk muʼyukuk ta avoʼonton xachiʼinan.+
2 Yuʼun li yoʼontonike jaʼ tsnopbeik skʼoplal li saʼkʼopexchiʼuk li yeike jaʼ noʼox chalbeik skʼoplal li vokoliletike.
3 Ta skoj ti oy jpʼijiltike, ta jvaʼan li jnatike*+xchiʼuk lek vaʼal ta skoj ti oy kʼusi xkaʼibetik lek smelolale.
4 Ta skoj li yojtikinobil kuʼuntike, li skuartoaltake ta xnojta jeltos kʼulejal ti ep sbalile xchiʼuk ti jun yutsikile.+
5 Li pʼijil vinike xuʼ yuʼun+xchiʼuk ta skoj ti oy yojtikinobil yuʼun jun vinike, ch-epaj li sjuʼele.
6 Ta skoj ti oy buchʼu lek chbeiltasvane,* chapas paskʼop+xchiʼuk ta skoj ti oy ep jtojobtasvanejetike, chichʼ pasel kanal.*+
7 Li buchʼu bole solel mu sta li melel pʼijilale;+muʼyuk kʼusi stakʼ xal li ta stiʼ jteklume.
8 Buchʼuuk noʼox ti tsnop tspas kʼusi toj chopolechichʼ albel skʼoplal ti xtojob lek snopel kʼuxi ta pasel li kʼusi chopole.+
9 Li kʼusitik chopol tsnop tspas li buchʼu bole jaʼ mulilxchiʼuk toj chopol ch-ilat yuʼun krixchanoetik li jlabanvaneje.+
10 Mi chachibaj li ta yorail vokolile,ta xkʼunib li avipe.
11 Pojo li buchʼutik ch-ikʼatik batel ta lajelalexchiʼuk mu xavakʼ ti xichʼik ikʼel batel ti bu chichʼik milele.+
12 Mi xi chavale: «Pe mu toʼox jnabekutik skʼoplal taje»,
¿mi mu tauk xakʼ venta li buchʼu chchaj ta kʼelel oʼontonale?*+
Jech, li buchʼu skʼelojote ta xakʼ ventaxchiʼuk jech ta stojbe sutel ta jujuntal ti kʼu yelan yabtelik li viniketike.+
13 Kuni nichʼon, lajeso li pome, yuʼun toj lek;li xchiʼil batsʼi pome lek chavaʼi kʼalal chapas prevae.
14 Jaʼ jech ek, naʼo me ti lek kʼusi chkʼot ta atojolal yuʼun* li pʼijilale.+
Mi la atae, lek kʼusi chata ta jelavelxchiʼuk muʼyuk chlaj skʼoplal li spatobil avoʼontone.+
15 Mu jechuk xapas kʼuchaʼal tspas li buchʼu toj chopole, mu teuk nopol xanakʼ* aba ta sna sventa chamala li buchʼu tukʼe;mu xatukibe ti bu chkux yoʼontone.
16 Yuʼun xuʼ van xyal ta lum vukub velta li buchʼu tukʼe, pe tstam sba likel yan velta,+yan li buchʼu toj chopole j-echʼel chyal-o ta lum ta skoj li svokole.+
17 Mu xamuyubaj kʼalal chyal ta lum li avajkontraexchiʼuk mu me xkuxetuk avoʼonton kʼalal tsmak* yakane;+
18 yuʼun mi jech chapase, ta xakʼ venta li Jeovae xchiʼuk chopol chil,vaʼun chpaj skapemal sjol ta stojolal li avajkontrae.+
19 Mu xakap* ta skoj li buchʼutik muʼyuk xkʼuxul yoʼontonike;mu xavitʼixta li buchʼutik toj chopolike.
20 Yuʼun muʼyuk kʼusi lek smalaoj ta jelavel li buchʼu muʼyuk xkʼuxul yoʼontone;+li buchʼutik toj chopolike chtupʼ li skantilike.+
21 Kuni nichʼon, xiʼtao* li Jeovae xchiʼuk li ajvalile+
xchiʼuk mu xachiʼin li buchʼutik tstoy sbaik ta stojolal ajvalile.+
22 Yuʼun ta anil noʼox chtal li svokolike.+
Mu stakʼ naʼel kʼusi lajelal chakʼik* talel ta stojolal li jtoybaetike.+
23 Liʼ xtoke jaʼ jech chalik li buchʼutik pʼijike:
muʼyuk lek ti tʼujbil yajval ta jpastik kʼalal te oyutik ta chapanobbaile.+
24 Buchʼuuk noʼox ti xi chalbe li buchʼu toj chopole: «Tukʼot»,+
chichʼ chopol kʼoptael yuʼun li lumetike xchiʼuk chtikʼbat smul yuʼun li mukʼta lumetike.
25 Pe lek kʼusi chkʼot ta stojolal li buchʼutik ta stukʼibtasik li buchʼu toj chopole;+chvul ta stojolalik bendision ti yichʼoj tal kʼusitik lekike.+
26 Li krixchanoetike chichʼik ta mukʼ* li buchʼu melel snaʼ xtakʼave.*+
27 Paso baʼyel li avabteltake xchiʼuk chapano skotol li kʼusi skʼan pasel ta avosile;ta tsʼakal une, vaʼano li anae.*
28 Mu xakʼot ta testigo sventa chopol xavalbe skʼoplal achiʼil mi muʼyuk sprevaile,+mu xaloʼla yantik xchiʼuk li avee.+
29 Mu xiuk xavale: «Jaʼ jech ta jpakbe sutel jech kʼuchaʼal la spasbune;chkakʼbe stoj ta skoj li kʼusi la spase».*+
30 Te li-echʼ ta yosil li buchʼu chʼaje,+ti bu stsʼunoj s-uva li vinik ti muʼyuk yichʼoj spʼijile.*
31 Laj kakʼ venta ti mas nat chʼiem li chopol tsʼiʼlele;pixil ta laetik* li lumtikexchiʼuk jinem yalel li smuroal ti pasbil ta tone.+
32 La jkʼel lek, vaʼun la jnopbe skʼoplal;laj kil, vaʼun oy kʼusi laj yakʼ jchan,* jaʼ liʼe:
33 mi chavay uni jlikeluke, mi chanikav* uni jlikeluke,mi te noʼox ameyoj akʼob uni jlikeluk sventa xakuxe,
34 li povreale chvul ta atojolal kʼuchaʼal jun j-elekʼ
xchiʼuk ti muʼyuk kʼusi x-ayan avuʼune chvul ta atojolal kʼuchaʼal jun vinik ti oy yabtejebe.+
Tsʼibetik ta yok vun
^ O «kutsʼ kalaltike».
^ O «pʼijil beiltasele».
^ O «lek kʼusi chkʼot ta pasel; chichʼ tael kolebal».
^ O «li kʼusitik oy ta oʼontonale».
^ O «lek chiʼ chavaʼi».
^ O «xamuk».
^ O «chtʼab».
^ O «Mu xa-ilin».
^ Jaʼ xkaltik, li Jeova xchiʼuk ajvalile.
^ O jaʼ van skʼoplal «Kʼalal tukʼ chijtakʼave, xkoʼolaj chkakʼtik tsʼutsʼel».
^ Literal «ta stsʼutsʼbeik ye».
^ O «li avutsʼ avalale».
^ O «ta jpakbe sutel».
^ Literal «muʼyuk yoʼontone».
^ O «ortiga tsʼiʼleletik».
^ Literal «la jchʼam li tukʼibtasele».
^ O «ch-och avayel».
