Proverbios 27:1-27
27 Mu xatoy aba ta sventa li kʼusi chapas ta yokʼomale,yuʼun mu xanaʼ kʼusi chkʼot ta pasel li ta yokʼomale.+
2 Akʼo skʼupil kʼoptaot yan krixchano,* maʼukuk li ave atuke,yanuk-o buchʼutik* skʼupil kʼoptaikot, maʼukuk li yanal ave* atuke.+
3 Ol li jpʼej tone xchiʼuk ol li jiʼe,*pe li skʼakʼal oʼontonal chakʼ li buchʼu bole mas to toj ol, jaʼ mu sta li chaʼtos taje.+
4 Toj chopol li skapemal jolile xchiʼuk xkoʼolaj kʼuchaʼal nojelal ta voʼ li skʼakʼal oʼontonale,pe ¿buchʼu xa noʼox stsʼik yuʼun li itʼixale?+
5 Mas lek ti jamal chijtukʼibtasvane, jaʼ altik mi muʼyuk chkakʼtik ta ilel ti kʼanvanemutike.+
6 Jaʼ xlokʼ venta mi tstukʼibtasutik li jtukʼil amigotike,+jaʼ altik mi tstsʼutsʼutik* tajek* li kajkontratike.
7 Li buchʼu* noj lek xchʼute mu xa skʼan* batsʼi pom,pe li buchʼu chviʼnaje lek xa chiʼ chaʼi ta lajesel li kʼusi chʼae.
8 Li jun vinik ti chjatav lokʼel ta snaexkoʼolaj kʼuchaʼal jkot mut ti chjatav lokʼel ta stase.
9 Chmuyubaj yuʼun koʼontontik li aseite xchiʼuk pome,jaʼ jech ek li tojobtasel ti chakʼ ta sjunul yoʼonton li jun kamigotike.+
10 Mu xavikta komel li avamigoe mi jaʼuk xavikta komel li yamigo atotexchiʼuk mu xa-och batel ta sna achiʼil ta vokʼel li ta yorail avokole.Mas lek li alakʼna ti te nopol oye, jaʼ mu sta li achiʼil ta vokʼel ti nom oye.+
11 Pʼijan me, kuni nichʼon, vaʼun chmuyubaj avuʼun li koʼontone+xchiʼuk xuʼ jtakʼbe sutel li buchʼu tsaʼun ta kʼope.*+
12 Li buchʼu pʼije tsta ta ilel li vokolile, vaʼun tsnakʼ* sba,+pe li buchʼutik chʼabal spʼijilike tukʼ chjelavik batel, vaʼun tsta-o svokolik.*
13 Ichʼbo skʼuʼ spokʼ li jun vinik mi la svaʼan sba ta chʼom ta skoj yan krixchanoe;oyuk kʼusi xavichʼbe ta prental* mi jech la spas ta skoj jun jyanlum antse.*+
14 Kʼalal oy buchʼu tsots chapta xchiʼil ta sob tajek sventa chakʼbe bendisione,chopol kʼoptael chichʼ ilel li kʼusi laj yale.
15 Li jsaʼkʼop ajnilale* xkoʼolaj kʼuchaʼal jol na ti te noʼox stsʼujtsʼun-o chyal voʼ kʼalal chakʼ voʼe.+
16 Buchʼuuk noʼox ti spajtsaj yuʼune spajtsaj yuʼun li ikʼexchiʼuk stsak yuʼun ta sbatsʼikʼob li aseitee.
17 Li jun vinik ti tskolta yamigo sventa xlekub li kʼusitik tspase*+xkoʼolaj kʼuchaʼal li tsatsal takʼin ti chichʼ juxbel ye ta tsatsal takʼine.
18 Li buchʼu chchabi li steʼel igoe tslobe sat+xchiʼuk li buchʼu chchabi yajval ta abtele chichʼ ichʼel ta mukʼ.+
19 Chavakʼ venta kʼu avelan kʼalal chakʼel li yantikejech kʼuchaʼal lek xil sat ta yut voʼ li jun krixchanoe.
20 Li Mukinale xchiʼuk li yavil lajelale* solel mu xpaj li kʼusi tskʼanike,+jaʼ jech li sat jun krixchano eke solel mu xpaj li kʼusi tskʼane.
21 Li pʼin ti chlekubtasvane* jaʼ sventa li platae xchiʼuk li ornoe jaʼ sventa li oroe,+jaʼ jech kʼalal chichʼ kʼupil kʼoptael li jun krixchanoe, jaʼ chichʼ akʼel-o ta preva.
22 Akʼo mi xavochʼ* li buchʼu boljech kʼuchaʼal chichʼ vochʼel ta xvochʼobil li sat tsʼunobile,muʼyuk chlokʼ-o li sbolile.
23 Skʼan xavojtikin lek kʼu yelan li achijtake.
Chabio lek* li achijtake.+
24 Yuʼun muʼyuk chjalij sbatel osil li kʼulejale+xchiʼuk li koronae muʼyuk te chkom-o ta jaykʼol kuxlejal.
25 Chchʼay batel li yaxal tsʼiʼlele, vaʼun chvokʼ tal yan tsʼiʼlelxchiʼuk chichʼ tsobel li tsʼiʼlel ta vitstikaltike.
26 Li chʼiom tot chijetike jaʼ chakʼ akʼuʼ apokʼxchiʼuk li tot tentsunetike jaʼ chakʼ tojol osil.
27 Ch-ayan ep yaʼlel xchuʼ tentsun sventa smakʼlinot,sventa smakʼlin li avutsʼ avalale xchiʼuk sventa chakʼbe kʼusitik chtun yuʼun li akiaratake.
Tsʼibetik ta yok vun
^ Literal «li buchʼu mu xavojtikine».
^ Literal «jyanlumuk».
^ O «spakʼal ave».
^ O «yiʼe».
^ O «tsbutsʼutik; tstsʼutsʼunutik».
^ O jaʼ van skʼoplal «ti mu ta sjunuluk yoʼonton tspasik; ta persa».
^ Literal «chpechʼ ta tekʼel».
^ O «li buchʼu chchopol kʼoptaune; li buchʼu tslabanune».
^ O «tstaik-o kastigo».
^ O «tsmuk».
^ O «prentail; xkʼexol».
^ O «jyanlume».
^ O «Li ajnilal ti echʼem x-iline».
^ Literal «Li jun vinik ti chjux li yamigoe».
^ O «Seole xchiʼuk li Abadone».
^ Jaʼ jpʼej lumal pʼin ti chunijesik-o xchiʼuk tslekubtasik-o platae.
^ O «xatʼus».
^ O «Akʼo ta avoʼonton; Tsako lek ta venta».
