Proverbios 29:1-27
-
Li olol ti kolem noʼoxe ch-akʼvan ta kʼexlal (15)
-
«Ti bu muʼyuk chbeiltasvan li Diose, muʼyuk spajeb kʼusi tspas li jteklume» (18)
-
«Li jun vinik ti ta anil chlik skʼakʼal yoʼontone tslikes kʼop» (22)
-
«Li buchʼu bikʼit chakʼ sbae chichʼ mukʼibtasbel skʼoplal» (23)
-
Li xiʼtael krixchanoetike jaʼ jun petsʼ (25)
29 Li vinik ti chpimub ta mantal* ta skoj ti chichʼ tukʼibtasel ep ta veltae+ta anil noʼox chichʼ lilinel ti mu xa stakʼ poxtaele.+
2 Kʼalal ep li buchʼutik tukʼike, xmuyubaj li jteklume,pe kʼalal jaʼ chventainvan li buchʼu toj chopole, x-avet ta okʼel li jteklume.+
3 Li jun vinik ti skʼanoj li pʼijilale chmuyubaj yuʼun li stote,+yan li buchʼu jaʼ chchiʼin li jchonbail antsetike ixtol chaʼi li skʼulejale.+
4 Ta skoj li tukʼilale, li ajvalile jun yoʼonton yuʼun li slumale,+yan li vinik ti chchon sba ta takʼine* jaʼ noʼox chakʼbe svokol.
5 Li jun vinik ti lek xa tskʼopon yilel li xchiʼilechlichʼanbe batel spetsʼal yakan.+
6 Li chopol vinike chchukat yuʼun li smul stuke,+yan li buchʼu tukʼe x-avet ta muyubajel xchiʼuk xkuxet yoʼonton.+
7 Li buchʼu tukʼe oy ta yoʼonton ti lekuk xichʼ chapanel li buchʼu povree,+yan li buchʼu toj chopole mu kʼusi sventa-o.+
8 Li jtoyba viniketike tsabeik sjol li jteklume,+yan li buchʼutik pʼijike tspajesbeik li skʼakʼal yoʼontone.+
9 Kʼalal chlik stsak sbaik ta kʼop li pʼijil vinik xchiʼuk li buchʼu bole,chlik utbail xchiʼuk labanvanej, pe mu junuk yoʼonton chkom li pʼijil vinike.+
10 Li viniketik ti tsmal tajek yaʼiik chʼichʼe spʼajojik buchʼuuk noʼox ti chʼabal smule*+xchiʼuk tsmil yaʼiik li buchʼutik tukʼike.*
11 Li bol krixchanoe tsbusan lokʼel skotol ti kʼusi oy ta yoʼontone,+yan li buchʼu pʼije snaʼ spajes sba.+
12 Kʼalal chchʼun jutbil kʼopetik* li jun ajvalile,tsok tajek skotol li yajtuneltake.+
13 Koʼolik noʼox li buchʼu povre xchiʼuk li buchʼu ch-ilbajinvane:
xchaʼvoʼalik jaʼ akʼbil xkuxlejalik yuʼun li Jeovae.
14 Kʼalal mi lek tukʼ chchapan povreetik li ajvalile,+lek nakal chkom sbatel osil li xchotleb sventa ajvalile.+
15 Chakʼ pʼijilal li vachʼ* xchiʼuk li tukʼibtasele,+yan li olol ti kolem noʼoxe chakʼ ta kʼexlal li smeʼe.
16 Kʼalal ch-epaj li buchʼutik toj chopolike, ch-epaj li mulile,jaʼuk li buchʼutik tukʼike chilik kʼu yelan chyalik ta lum.+
17 Tukʼibtaso li akereme, vaʼun jun avoʼonton yuʼunxchiʼuk xkuxet tajek avoʼonton yuʼun.+
18 Ti bu muʼyuk chbeiltasvan li Diose, muʼyuk spajeb kʼusi tspas li jteklume,+pe jaʼ xmuyubajik noʼox li buchʼutik ta xchʼunik li mantale.+
19 Li jun jtunele mu xakʼ sba ta tukʼibtasel kʼalal oy kʼusi ch-albate,yuʼun akʼo mi xaʼibe smelolal, muʼyuk chchʼun mantal.+
20 ¿Mi oy aviloj junuk vinik ti anil kʼusi chale?+
Muʼyuk xa kʼusi mas stakʼ pasel ta stojolal li vinik taje, jaʼ oy to kʼusi stakʼ pasel ta stojolal li buchʼu bole.+
21 Mi solel kʼanbil* ta sbikʼtal li jun jtunele,ta tsʼakale, mu xa me snaʼ kʼusi stoj ta vokol.
22 Li jun vinik ti ta anil chlik skʼakʼal yoʼontone tslikes kʼop;+buchʼuuk noʼox ti ta anil noʼox ch-iline tsaʼ ep smul.+
23 Li stoyobbail jun vinike jaʼ ch-akʼat ta kʼexlal,+yan li buchʼu bikʼit chakʼ sbae chichʼ mukʼibtasbel skʼoplal.+
24 Li xchiʼil jun j-elekʼe spʼajoj sba stuk.
Xuʼ van xaʼi ti skʼan oyuk buchʼu xbat yal ta jamale, pe muʼyuk kʼusi chal.+
25 Li xiʼtael* krixchanoetike jaʼ jun petsʼ,+yan li buchʼu spatoj yoʼonton ta stojolal Jeovae ta xichʼ chabiel.+
26 Ep buchʼutik tskʼan chbat skʼoponik* li ajvalile,pe li jun vinike jaʼ noʼox tsta tukʼilal ta stojolal li Jeovae.+
27 Li jun vinik ti muʼyuk stukʼile toj chopol ch-ilat yuʼun li buchʼutik tukʼike,+yan li buchʼu tukʼ kʼusitik tspase* toj chopol ch-ilat yuʼun li buchʼu toj chopole.+
Tsʼibetik ta yok vun
^ Literal «teʼtsinan snukʼ».
^ O «ti tstsak michʼob kʼabale».
^ O «spaltaile».
^ O jaʼ van skʼoplal «pe li buchʼu tukʼe tskʼel kʼuxi chchabi sba».
^ O «nopbil kʼopetik; epal kʼopetik».
^ O «tukʼibtasel; kastigo».
^ O «jaxbil sjol».
^ O «Ti chijtʼel ta yeloval».
^ O jaʼ van skʼoplal «tsaʼ ti lekuk x-ilatik yuʼun». Literal «tskʼelbe yaʼiik sat».
^ Literal «sbee».
