Proverbios 4:1-27
4 Kuni nichʼnabtak, chikintaik li tukʼibtasel chakʼ li totile;+tsʼet chikintaik sventa xataik li yaʼibel smelolale.
2 Yuʼun voʼon ta jchanubtasoxuk lek;mu xaviktaik li chanubtasel* chkakʼe.+
3 Likʼot ta lekil nichʼonil ta stojolal li jtote+xchiʼuk voʼon ti likʼanat tajek yuʼun li jmeʼe.+
4 Jaʼ la xchanubtasun xchiʼuk xi laj yalbune: «Nakʼo lek ta avoʼonton li kʼusitik chkale.+
Chabio li jmantaltake, vaʼun chakuxi-o.+
5 Saʼo apʼijil, saʼo li yaʼibel smelolale.+
Mu xchʼay xavaʼi xchiʼuk mu xavikta li kʼusi chkalbote.
6 Mu xavikta, vaʼun jaʼ tskʼelot.
Kʼano, vaʼun jaʼ chchabiot.
7 Jaʼ noʼox stuk mas tsots skʼoplal* li pʼijilale,+ jaʼ yuʼun saʼo apʼijil;ta skotol li kʼusi chasaʼe, jaʼ saʼo li yaʼibel smelolale.+
8 Kʼano me tajek, vaʼun ta me stoybot akʼoplal.+
Ta skoj ti chachʼam ta sjunul avoʼontone, ta xakʼot ta ichʼel ta mukʼ.+
9 Chakʼbot kʼupil sba xnichimal ajol;tskʼupiltasot ta jun alakʼ sba korona».
10 Kuni nichʼon, chikintao xchiʼuk chʼamo li kʼusi chkalbote,vaʼun chakuxi epal jabil.+
11 Voʼon chkakʼbot avil li sbelel pʼijilale;+ta jbeiltasot batel ta sbelel tukʼilal ti lek xpolete.+
12 Kʼalal chaxanave, muʼyuk kʼusi chmak-o* avakan;xchiʼuk mi la-anilaje, muʼyuk kʼusi chapʼosi-o avakan.
13 Tsako lek li tukʼibtasele; mu xakolta.+
Chabio, yuʼun jaʼ akuxlejal.+
14 Mu xatambe batel sbe li buchʼutik toj chopolikexchiʼuk mu teuk xaxanav ta sbe li jpaschoplejaletike.+
15 Kʼejo* batel abe, mu teuk xabat;+namajan batel ta stojolal xchiʼuk tukʼ xajelav batel.+
16 Yuʼun jaʼ to ch-och svayelik mi la spasik li kʼusi chopole.
Mu xtal svayelik mi muʼyuk buchʼu sjipojik ta lume.
17 Jaʼ xa kʼotem ta spanik li spasel choplejalexchiʼuk jaʼ xa kʼotem ta svinoik li saʼkʼope.
18 Pe li sbe buchʼutik tukʼike xkoʼolaj kʼuchaʼal xojobal sakil osil ta sobti yantik to tsakub batel jaʼ to mi sakjaman xa ox lek li kʼakʼale.+
19 Li sbe buchʼutik toj chopolike xkoʼolaj kʼuchaʼal ikʼal osil;mu snaʼik li kʼusi tsmak-o* yakanike.
20 Kuni nichʼon, chikintao lek li kʼusitik chkale;tsʼet chikintao li kʼusitik chlokʼ ta kee.
21 Teuk-o me ta asat;kʼejo me lek ta yutil avoʼonton.+
22 Yuʼun jaʼ xkuxlejalik li buchʼutik tstaikexchiʼuk jaʼ sventa slekilal sjunul li sbekʼtalike.+
23 Li kʼusi mas tsots skʼoplal skʼan xachabie jaʼ li avoʼontone,+yuʼun jaʼ sniʼoal li akuxlejale.
24 Namajeso ta atojolal li jutbil kʼope*+xchiʼuk nom tajek xavakʼ ta atojolal li loʼlavaneje.
25 Li asate skʼan me tukʼ skʼelojuk batel,jech, tukʼ me kʼelo* batel.+
26 Paso ta pachʼal* ti bu* chatekʼan batel avakane,+vaʼun lek noʼox skotol li abetake.
27 Mu xabat ta abatsʼikʼob mi jaʼuk ta atsʼetkʼob.*+
Namajeso avakan ta stojolal li kʼusi chopole.
Tsʼibetik ta yok vun
^ O «mantal».
^ O «mas lek».
^ O «chtʼab-o».
^ O «Joyo».
^ O «chtʼab-o».
^ O «nopbil kʼope; epal kʼope».
^ O «li asate xojobajuk».
^ O «parejo».
^ O jaʼ van skʼoplal «Kʼelo lek ti bu».
^ O «asurtokʼob».
