Sakarias 9:1-17
9 Xi laj yichʼ alele:
«Li Jeovae laj yal kʼusi chkʼot ta stojolal li yosilal Adrake,pe jaʼ mas kʼelbil batel li Damaskoe,+yuʼun li Jeovae skʼeloj batel skotol li krixchanoetike+xchiʼuk skotol li nitilulal yuʼun Israele,
2 jech xtok, laj yal kʼusi chkʼot ta stojolal li Amat+ ti te oy ta stsʼakile*xchiʼuk ta stojolal li Tiro+ xchiʼuk Sidone,+ yuʼun toj echʼ xa noʼox pʼij chaʼi sbaik.+
3 Li Tiroe la spas smuroal.*
La stsob ep plata kʼuchaʼal pukuk*xchiʼuk la stsob ep oro kʼuchaʼal lum ta kayeetik.+
4 Pe li Jeovae ta xichʼbe batel li kʼusitik oy yuʼunexchiʼuk ta sjipbe batel ta nab* li yajsoltarotake;+xchiʼuk chkʼakʼ ta kʼokʼ li Tiroe.+
5 Li Askelone ta xil taje, vaʼun ta xiʼ;solel ta xat yoʼonton li Gasae,li Ekron eke ta xat yoʼonton, yuʼun ta kʼexlal xa kom li spatobil yoʼontone.
Chlaj skʼoplal li ajvalil ta Gasaexchiʼuk chʼabal xa jnaklej chkom li ta Askelone.+
6 Te chnaki ta Asdod li buchʼu maʼuk mero nichʼonilexchiʼuk ta jlajesbe skʼoplal li stoyobbail jfilisteae.+
7 Ta jlokʼesbe ta ye li kʼusitik bonol ta chʼichʼexchiʼuk ta jlokʼesbe li kʼusitik ibalik sba* ti skatsʼoj xaexchiʼuk li skomenal* ti jaʼ toʼox yuʼune jaʼ chuʼunin li Diose;chkʼot kʼuchaʼal jun bankilal* ta Juda+xchiʼuk li Ekrone chkʼot kʼuchaʼal li jebus vinike.+
8 Ta jpas jkarpana kʼuchaʼal jun jchabivanej* ta spat xokon jna+sventa muʼyuk buchʼu te xjelav xchiʼuk muʼyuk buchʼu te sut tal;muʼyuk xa te chjelav mi junuk jkʼel-abtel,*+yuʼun laj xa kil jtuk li kʼusi kʼot ta pasele.*
9 Stseb Sion, kuxetuk tajek avoʼonton.
Stseb Jerusalen, avanan ta skoj ti kuch avuʼune.
¡Kʼelavil! Chtal xa ta atojolal li ajvalil avuʼune.+
Tukʼ li ajvalile, chakʼ talel koltael,*bikʼit chakʼ sba+ xchiʼuk kajal chtal ta jkot vuro,ta sba jkot chʼiom vuro* ti jaʼ yol jkot meʼ vuroe.+
10 Chkikʼ lokʼel ta Efrain li kareta sventa paskʼopexchiʼuk chkikʼ lokʼel ta Jerusalen li kaʼe.
Chkichʼ batel li arko sventa paskʼope.
Li ajvalil avuʼune jaʼ chalbe skʼoplal jun oʼontonal ta stojolal li mukʼtik lumetike;+li ajvalilal* tspase chlik ta jot stiʼil nab kʼalal to ta jot stiʼil nabxchiʼuk chlik ta ukʼum Eufrates kʼalal to ta spajeb balumil.+
11 Yan li voʼote, ants, ta skoj li chʼichʼ ti la jpastik-o tratoe,ta jlokʼes li jchukeletik avuʼun ti te tikʼilik li ta chʼen ti chʼabal yaʼlele.+
12 Jchukeletik ti oy spatobil avoʼontonike, sutanik batel li ta tsatsal pojobbaile.+
Xi chkalbot li avie:‹Ants, chib to velta ti kʼu yepal chkakʼbot atojole.+
13 Yuʼun ta jlapʼun kʼuchaʼal j-arko li Judae.
Li Efraine ta jtunes kʼuchaʼal jun flecha ta sventa li arkoe,Sion, ta jtij likel li akeremtaksventa skontrainbeik li skeremtak Gresiaexchiʼuk chakʼot kuʼun kʼuchaʼal s-espada jun jpaskʼop›.
14 Li Jeovae jamal chakʼ ta ilel ti te xchiʼuk li steklumalexchiʼuk li sflechae stsʼayluj to chlokʼ tal kʼuchaʼal saksevul.*
Li Ajvalil Jeova ti jaʼ Mukʼul Jpasmantale ta sjupan li kachue+xchiʼuk jmoj chtal xchiʼuk li tsatsal ikʼ ta sure.
15 Li Jeova ti jaʼ bankilal yuʼun soltaroetike* tspakbe skʼoplal li steklumale.Ta xjipbatik ton ta jimichʼ yuʼun li jkontrainvaneje,+ pe tstsal yuʼunik.
Ta x-uchʼbolajik xchiʼuk xvochetik* noʼox, xkoʼolaj kʼuchaʼal yuchʼojik vino;chichʼik nojesel kʼuchaʼal boch,ta xtʼuxiik jech kʼuchaʼal chichʼ tʼuxubtasel ta chʼichʼ jujujot xchikin li skajleb matanale.+
16 Li vaʼ kʼakʼale, ta xpojatik yuʼun li Jeova ti jaʼ Sdiosike,jech chpojatik kʼuchaʼal tspoj xchij li jchabichije;+yuʼun ta xkʼotik kʼuchaʼal kʼupil sba tonetik ta jun korona* ti stsʼayayetik li ta yosile.+
17 Yuʼun ¡toj echʼ xa noʼox slekil yoʼontonxchiʼuk toj echʼ xa noʼox li yutsilale!+
Li keremetik xchiʼuk li tojol tsebetikejaʼ ta stsatsubtasatik yuʼun li veʼlile xchiʼuk li achʼ vinoe».+
Tsʼibetik ta yok vun
^ Yikʼaluk jaʼ skʼoplal li yosilal Adrake o li Damaskoe.
^ O «snakʼobbail».
^ O «lum».
^ Jaʼ van skʼoplal «ta ba nab».
^ O «skomelal».
^ Li «bankilal» chal liʼe jaʼ skʼoplal li buchʼu tspas mantal ta jchop nitilulale.
^ Yaʼeluke, jaʼ li svokol steklumale.
^ O «j-ilbajinvanej».
^ O «jtsop soltaro».
^ O «xchiʼuk kuchem xa yuʼun; xchiʼuk kolem xa».
^ O «tot vuro».
^ O «saktsel».
^ O «x-avlajetik».
^ O «diadema».
