Salmos 102:1-28
S-orasion li buchʼu ilbajinbil kʼalal mu xa snaʼ kʼusi tspase* xchiʼuk chalbe Jeova skotol li kʼusi tsvul-o yoʼontone.+
102 Kajval Jeova, chikintao li j-orasione;+kʼotuk ta atojolal ti xivokolet ta jkʼan koltaele.+
2 Mu xanakʼ* asat ta jtojolal kʼalal jaʼo chkil jvokole.+
Tsʼetano tal achikin ta jtojolal;*ta melel, takʼbun ta anil kʼalal ta jkʼoponote.+
3 Yuʼun yakal tsakchʼay batel kʼuchaʼal chʼail* li jkuxlejalexchiʼuk kajtsajem skʼakʼal jbakiltak jech kʼuchaʼal akʼal ti tsoj tajeke.+
4 Li koʼontone kʼunibem xa kʼuchaʼal tsʼiʼlel xchiʼuk takijem xa,+yuʼun chʼayem xkaʼi ti xiveʼe.
5 Ta skoj ti xi-avet yuʼun jvokole,+stuk xa noʼox jbakil, muʼyuk xa jbekʼtal.+
6 Xikoʼolaj kʼuchaʼal li pelikano mut ta takixokol balumile;xikoʼolaj kʼuchaʼal chʼin kuxkux* ti te oy ti bu jinem kʼusitike.
7 Puchʼulun, pe mu x-och jvayel;*xikoʼolaj kʼuchaʼal jkot mut ti stuktuk bu luchul ta jol nae.+
8 Skotol kʼakʼal chchopol kʼoptaikun li kajkontratake.+
Li buchʼutik tslabanikune* tstunesik jbi kʼalal chchopol kʼoptavanike.
9 Yuʼun xkoʼolaj kʼuchaʼal jaʼ kʼotem ta jpan li tane+xchiʼuk kapal ta yaʼlel jsat li kʼusi chkuchʼe,+
10 taje jaʼ ta skoj li skʼakʼal avoʼonton xchiʼuk li skapemal ajole,yuʼun voʼot la achechun muyel sventa jot-o xa bu la ajipun batel.
11 Li jkuxlejale xkoʼolaj kʼuchaʼal jun nakʼobal ti tsakchʼay batele+
xchiʼuk chitakij xa kʼuchaʼal jobel.+
12 Yan li voʼote, Jeova, te oyot-o sbatel osil+xchiʼuk li akʼoplale* te chkom-o akʼo mi x-echʼ jaykʼoluk kuxlejal.+
13 Ta melel, chatots tal xchiʼuk chavakʼ ta ilel xkʼuxul avoʼonton li ta Sione,+yuʼun jaʼ xa yorail chavakʼ ta ilel slekil avoʼonton ta stojolal;+kʼot xa li skʼakʼalil albile.+
14 Yuʼun li avajtuneltake kʼux ta yoʼontonik li stanaltak Sione,+jech xtok, solel mu tuchʼbaj ta yoʼontonik* li spukukale.*+
15 Chiʼtabeik* sbi Jeova li mukʼtik lumetikexchiʼuk skotol ajvaliletik chilik li amukʼulale.+
16 Yuʼun chchaʼvaʼan Sion li Jeovae;+chakʼ ta ilel smukʼulal.+
17 Chchikintabe s-orasion li buchʼutik muʼyuk kʼusi x-ayan yuʼunike;+muʼyuk tspʼajbe li s-orasionike.+
18 Taje yichʼoj tsʼibael ta sventa li jaykʼol kuxlejal chtal ta tsʼakale,+sventa skʼupil kʼopta Jeova* li jun jteklum ti jaʼ to chtale.*
19 Yuʼun te to chkʼelvan yalel tal ta toyol ti bu chʼule,+ta vinajel to tskʼel yalel tal balumil li Jeovae,
20 sventa xchikintabe ti tsjikʼ yoʼonton li jchukeletike,+sventa tskolta li buchʼutik chapbil xa skʼoplal chchamike,+
21 sventa xichʼ albel skʼoplal sbi Jeova li ta Sione+xchiʼuk sventa xichʼ kʼupil kʼoptael ta Jerusalen,
22 jaʼo kʼalal tstsob sbaik li jteklumetik xchiʼuk li mukʼtik lumetiksventa chtunik ta stojolal Jeovae.+
23 La spojbun jtsatsal kʼalal oʼlol jchʼielun toʼoxe;la stsules ti kʼu sjalil jkuxlejale.
24 Xi laj kale: «Dios kuʼun,mu xalajesbun jkʼoplal, yuʼun oʼlol jchʼielun to,yuʼun ti kʼu sjalil akuxlejal voʼote te oy-o akʼo mi x-echʼ jaykʼoluk kuxlejal.+
25 Voʼne xa tajek laj avakʼbe snakleb li balumilexchiʼuk jaʼ yabtel akʼob li vinajele.+
26 Chlajik li stukike, pe li voʼote jech-o kuxulot;chlaj skotolik jech kʼuchaʼal chlaj li kʼuʼil pokʼile.
Jaʼ jech chajel kʼuchaʼal li kʼuʼil pokʼile, vaʼun chlaj-o skʼoplalik.
27 Pe li voʼote muʼyuk chajel xchiʼuk muʼyuk spajeb li ajabilale.+
28 Jun yoʼonton chnakiik li xnichʼnabtak avajtuneltakexchiʼuk jun yoʼonton chkuxiik ta atojolal li snitilulalike».+
Tsʼibetik ta yok vun
^ O «chkʼunibe».
^ O «xamuk».
^ O «Nijano aba xchiʼuk chikintabun».
^ O «chʼayil».
^ O «xkuj».
^ O jaʼ van skʼoplal «Naka jbakil xa».
^ O «Li buchʼutik chakʼikun ta kʼexlale».
^ O «abie». Literal «anaʼobile».
^ O «skʼanojik tajek».
^ O «slumale».
^ Literal «Ja». Taje jaʼ skomkom bi li Jeovae.
^ Literal «chichʼ pasele».
