Salmos 103:1-22
Salmo yuʼun David.
103 Akʼo jkʼupil kʼopta li Jeovae;akʼo jkʼupil kʼoptabe xchʼul bi ta sjunul koʼonton.
2 Akʼo jkʼupil kʼopta li Jeovae;mu me xchʼay ta jol skotol li kʼusi spasoje.+
3 Tspasbun perton skotol li jmule+xchiʼuk chpoxtabun skotol li jchamele;+
4 tspoj lokʼel jkuxlejal li ta chʼene*+xchiʼuk chakʼ kil li tukʼil kʼanelal yuʼune xchiʼuk li xkʼuxul yoʼontone.+
5 Jun koʼonton yuʼun ta skoj ti chakʼbun kʼusitik lekik+ ti kʼu sjalil kuxulune,jech xtok, keremun-o yuʼun xchiʼuk lek tsotsun kʼuchaʼal jkot aguila.+
6 Li Jeovae tukʼ kʼusi tspas+ xchiʼuk oy stukʼilalta stojolal li buchʼutik ilbajinbilike.+
7 Laj yakʼbe yojtikin Moises li sbetake,+laj yakʼbe yojtikin xnichʼnab Israel li kʼusitik la spase.+
8 Toj lek xkʼuxubinvan li Jeovae xchiʼuk oy slekil yoʼonton,+mu ta aniluk chlik skʼakʼal yoʼonton xchiʼuk toj echʼ xa noʼox tukʼil kʼanelal yuʼun.*+
9 Mu teuk-o ta sjol sbatel osil li jpaltailtike,*+mu teuk-o tsnakʼ* skʼakʼal yoʼonton sbatel osil.+
10 Maʼuk jech spasojbutik ti kʼu yelan jmultike,+mu jechuk spakojbutik sutel ti kʼu yelan sta-o li jpaltailtike.*+
11 Yuʼun jech kʼuchaʼal mas toyol li vinajel kʼuchaʼal li balumile,jaʼ jech smukʼul li tukʼil kʼanelal yuʼun ta stojolal li buchʼu chiʼtaate.*+
12 Jech kʼuchaʼal toj nom xil sbaik li slokʼeb kʼakʼal xchiʼuk smaleb kʼakʼale,jaʼ jech nom tajek yakʼoj batel ta jtojolaltik li jmultike.+
13 Jech kʼuchaʼal chakʼ ta ilel xkʼuxul yoʼonton ta stojolal xnichʼnabtak li totile,jaʼ jech yakʼoj ta ilel xkʼuxul yoʼonton Jeova ta stojolal li buchʼutik chiʼtaate.+
14 Yuʼun snaʼoj lek ti kʼu yelan pasbilutike+xchiʼuk te ta sjol ti lumutik noʼoxe.+
15 Li xkuxlejal jun krixchano ti snaʼ xchame xkoʼolaj kʼuchaʼal li tsʼiʼleletike;+chnichinaj kʼuchaʼal li nichim ta osiltike.+
16 Pe kʼalal chtal ikʼe, te chlaj skʼoplal,xkoʼolaj kʼuchaʼal chʼabal onoʼox.*
17 Pe li tukʼil kʼanelal yuʼun Jeovae te oy-o sbatel osilta stojolal li buchʼutik chiʼtaate,+jech xtok, te oy-o stukʼilal ta stojolal li snitilulalik chtale,+
18 ta sventa li buchʼutik tstsakbeik ta venta li stratoe+xchiʼuk li buchʼutik skʼeloj sbaik lek ta xchʼunbel li smantaltake.
19 Li Jeovae xchotanoj lek ta vinajel li xchotleb sventa ajvalile+xchiʼuk li ajvalilal yuʼune sventainoj skotol.+
20 Kʼupil kʼoptaik Jeova, akotolik ti yaj-anjeloxuke,+ ti toj echʼ xa noʼox ajuʼelike,ti chachʼunbeik li skʼope,+ ti chapasik li kʼusi chale.*
21 Kʼupil kʼoptaik Jeova, akotolik ti yajsoltarooxuke,+li yajtuneloxuk ti chapasbeik li kʼusi tskʼan yoʼontone.+
22 Kʼupil kʼoptaik Jeova, akotolik ti spasbenoxuke,ta skotol ti bu to kʼalal sventainoje.
Akʼo jkʼupil kʼopta li Jeovae.
Tsʼibetik ta yok vun
^ O «mukinale».
^ O «slekil yutsil yoʼonton».
^ O «li jchopoliltike».
^ O «tsmuk».
^ O «li jchopoliltike».
^ Literal «mu xa x-ojtikinat ti bu toʼox tekʼele».
^ Literal «ti chavaʼibeik li kʼusi chlokʼ ta (yechʼomal) yee».