Salmos 105:1-45
-
Li kʼusitik tukʼik spasoj Jeova ta stojolal li steklumale
105 Albeik kolaval li Jeovae,+ kʼupil kʼoptabeik li sbie,¡akʼik ta ojtikinel ta stojolal jteklumetik li kʼusitik spasoje!+
2 Kʼejintaik, kʼupil kʼoptaik ta kʼejimoletik,*nopbeik* skʼoplal skotol li kʼusitik labalik sba spasoje.+
3 Mukʼibtasbeik skʼoplal li xchʼul bie.+
Akʼo kuxetuk yoʼontonik li buchʼutik tsaʼik Jeovae.+
4 Saʼik li Jeovae+ xchiʼuk li yipe.
Sabeik sat* skotol ora.
5 Teuk me ta ajolik li kʼusitik labalik sba spasoje,li skʼelobiltak juʼelal spasoje xchiʼuk ti kʼu yelan chapanvaneme.+
6 Voʼoxuk li snitilulaloxuk Abraan ti jaʼ yajtunel Diose,+voʼoxuk li xnichʼnaboxuk Jakobe, ti tʼujbiloxuk yuʼun Diose.+
7 Li Dios kuʼuntike jaʼ li Jeovae,+ta spʼejel balumil chkʼot li chapanel yuʼune.+
8 Te ta sjol ta sbatel osil li trato spasoje,+li kʼusi yaloj tspase* te oy-o ta sjol akʼo mi x-echʼ jmil ta kʼol kuxlejal.+
9 Li trato la spas xchiʼuk Abraane+
xchiʼuk li kʼusi laj yalbe ta jamal li Isaake,+
10 kʼot yuʼun kʼuchaʼal jun mantal ta stojolal li Jakobe
xchiʼuk kʼot kʼuchaʼal jun trato ti te oy-o ta stojolal li Israele,
11 xi laj yale: «Chkakʼbot li yosilal Kanaan+sventa chkʼot kʼuchaʼal arextoe».*+
12 Taje jaʼo albatik kʼalal jutebik toʼox tajeke,+jech, jutebik tajek xchiʼuk kʼalal jyanlumetik toʼox li ta jteklume.+
13 Xtal xbatik toʼox ta mukʼtik lumetik,xtal xbatik toʼox ti butik chventainvan jujun ajvalile.+
14 Muʼyuk xakʼ ti x-ilbajinatik yuʼun junuk krixchanoe,+kʼajomal noʼox laj yakʼbe tsots mantal ajvaliletik ta skojik,+
15 xi laj yale: «Mu me kʼusi xapasbeik li buchʼutik tʼujbil kuʼunexchiʼuk mu me kʼusi chopol xapasbeik li j-alkʼopetik kuʼune».+
16 Laj yakʼ taluk tsatsal viʼnal li ta lume;+
muʼyuk xa bu laj yakʼbe tal spanik.*
17 Takbatik jelavel jun vinikti laj yichʼ chonel batel sventa xkʼot ta mosoile, jaʼ li Josee.+
18 Chukbat* yakan ta kadena;+xojbat kadena li ta snukʼe
19 jaʼ to ti kʼot ta pasel li kʼusi yaloje,+jaʼ lekubtasat yuʼun li kʼusi lokʼem ta ye Jeovae.
20 Li ajvalile laj yal mantal sventa xichʼ koltael lokʼel,+koltaat lokʼel yuʼun li ajvalil yuʼun jteklumetike.
21 Laj yakʼbe sventain li snae,laj yakʼ kʼotuk ta ajvalil ta skotol li kʼusitik oy yuʼune,+
22 sventa spas ta mantal* li bankilal j-abteletik ti kʼu yelan tskʼan yoʼontonexchiʼuk sventa xakʼbe xchan pʼijilal li moletik yuʼun ajvalile.+
23 Vaʼun, och batel ta Ejipto+ li Israelexchiʼuk li Jakobe te naki kʼuchaʼal jyanlum li ta yosilal Kame.
24 Li Diose laj yakʼ ti x-epaj tajek li steklumale;+jaʼ mas tsots yip kʼotik, jaʼ mu sta li yajkontratakike,+
25 laj yakʼ ti akʼo sjel yoʼontonik sventa xpʼajbat li steklumale,sventa tsnop tskontrainbeik li yajtuneltake.+
26 La stak batel li yajtunel ti jaʼ li Moisese+xchiʼuk li Aaron+ ti jaʼ xa onoʼox stʼujoje.
27 Laj yakʼik ta ilel li senyailtak tspas ta stojolal j-ejiptoetike,laj yakʼik ta ilel li skʼelobiltak juʼelal ta yosilal Kame.+
28 Laj yakʼ tal ikʼal osil, vaʼun ikʼub li ta jteklume;+muʼyuk la stoy sbaik li chaʼvoʼ viniketik ta sventa li kʼusi albatike.
29 Pasbat ta chʼichʼ li yaʼalikexchiʼuk milbat li xchoyike.+
30 Xkʼulet* ranaetik li ta yosilalike,+kʼalal to ta skuarto ajvaliletik xkʼulet.
31 Laj yal mantal ti akʼo xbat voliatikuk* ta jtiʼvanej vovetike*xchiʼuk ti xbat voliatikuk ta usetik ta sjunul yosilalike.+
32 Laj yakʼ tal bot, muʼyuk laj yakʼ tal voʼxchiʼuk la stak batel saksevul* li ta yosilalike.+
33 La smilbe li steʼel s-uvaike xchiʼuk li steʼel s-igoike,jech xtok, lilijem kom yuʼun li teʼetik ta yosilalike.
34 Laj yalbe mantal kʼulubetik ti akʼo xbat volivanikuke,*mu xa noʼox stakʼ chapel kʼu yepal li chʼiom kʼulubetike.+
35 La slajesik skotol li tsʼiʼlel oy ta osiltikexchiʼuk la slajesik li kʼusitik chlokʼ ta balumile.
36 Vaʼun, la sjip ta lum skotol li ba nichʼonil ta yosilalike,jaʼ li ba ololetike.+
37 Laj yichʼ lokʼel plata xchiʼuk oro li steklumal kʼalal la slokʼes batele;+jech xtok, mi junuk buchʼu kʼunib yuʼunik.
38 Xmuyubaj xa li Ejipto kʼalal lokʼik batele,yuʼun xiʼem ta jyalel ta stojolal li Israele.+
39 Xkʼiet batel tok yuʼun sventa xmakatik+
xchiʼuk laj yakʼ kʼokʼ sventa sakuk xvinaj li ta akʼobaltike.+
40 La skʼanik bekʼet, vaʼun akʼbatik kodornisetik;*+jech-o nojesbat xchʼutik li ta pan chlik tal ta vinajele.+
41 La sjav jpʼej mukʼta ton, vaʼun lokʼ talel voʼ;+te xanav batel ta takixokol balumil kʼuchaʼal ukʼum.+
42 Yuʼun vul ta sjol li kʼusi chʼul yalojbe Abraan ti jaʼ yajtunele.+
43 Jech oxal, xmuyubajik tajek kʼalal la slokʼes li steklumale,+x-avetik noʼox ta muyubajel li buchʼutik stʼujoje.
44 Jaʼ akʼbat yuʼuninik li yosil mukʼtik lumetike;+jaʼ la xrextoinik* li kʼusitik tsots yabtelanojik li yan jteklumetike,+
45 sventa spasik li kʼusi yaloje+xchiʼuk ti xchʼunbeik li smantaltake.
¡Kʼupil kʼoptaik li Jeovae!*
Tsʼibetik ta yok vun
^ O «tijbeik sonetik».
^ O jaʼ van skʼoplal «albeik».
^ O «Saʼik bu oy».
^ Literal «li mantal yaloje».
^ O «apukulale; apartee».
^ Literal «la skʼasbe skotol li steʼel spanike». Jaʼ van skʼoplal li teʼetik ti tstunesik sventa tskʼej spanike.
^ Literal «Akʼbat svokol».
^ Literal «xchuk».
^ O «Xlamamet».
^ O «tsoboltaatikuk».
^ O «xkochetike».
^ O «leb kʼokʼ; saktsel».
^ O «tsoboltavanikuke».
^ O «voychijetik; jaxpekʼetik».
^ O «kʼot ta spukulalik; sparteinik».
^ O «¡Aleluya!». Taje jaʼ skʼan xal ‹¡Kʼupil kʼoptaik Ja!›, li Jae jaʼ skomkom bi li Jeovae.
