Salmos 112:1-10
112 ¡Kʼupil kʼoptaik li Jeovae!*+
א [alef]
Xmuyubaj noʼox li buchʼu xiʼtaoj* Jeovae,+ב [bet]ti tskʼupinbe tajek li smantaltake.+
ג [guimel]
2 Li snitilulale lek xuʼ yuʼunik li ta balumile,ד [dalet]jech xtok, tsta bendision snitilulal li buchʼu tukʼe.+
ה [e]
3 Oy lek kʼusi x-ayan yuʼun xchiʼuk oy lek skʼulejal li ta snaeו [waw]xchiʼuk te oy-o sbatel osil li stukʼilale.
ז [sayin]
4 Chojobaj ta stojolal li buchʼutik tukʼike, xkoʼolaj kʼuchaʼal sakil osil ti chojobaj ta ikʼal osile.+
ח [jet]
Oy slekil yoʼonton, oy xkʼuxul yoʼonton+ xchiʼuk tukʼ.
ט [tet]
5 Lek chbat xkuxlejal li buchʼu ta sjunul yoʼonton* chakʼ ta chʼom li kʼusitik oy yuʼune.+
י [yod]
Tukʼ li kʼusitik tspase.
כ [kaf]
6 Mi jaʼuk bu chichʼ nikesel.+
ל [lamed]
Nabil-o skʼoplal sbatel osil li buchʼu tukʼe.+
מ [mem]
7 Muʼyuk chiʼ ta skoj li chopol aʼyejetike.+
נ [nun]
Staoj-o yav li yoʼontone, spatoj-o yoʼonton ta stojolal Jeova.+
ס [samek]
8 Tsots lek li yoʼontone,* muʼyuk bu chiʼ;+ע [ayin]vaʼun te skʼeloj kʼalal chichʼ tsalel li yajkontratake.+
פ [pe]
9 Mu pʼisbiluk noʼox ti kʼu yelan la spuke; laj yakʼbe li povreetike.+
צ [sade]
Te oy-o sbatel osil li stukʼilale.+
ק [kof]
Chichʼ toybel skʼoplal li stsatsale* xchiʼuk chichʼ kʼupil kʼoptabel.
ר [[rex]
10 Chakʼ venta li buchʼu toj chopole, vaʼun chopol chil.
ש [xin]
Chkʼux stanal ye, vaʼun chchʼay batel skʼoplal.
ת [taw]
Chchʼay skʼoplal kʼusi oy ta yoʼonton li buchʼu toj chopole.+
Tsʼibetik ta yok vun
^ O «¡Aleluya!». Taje jaʼ skʼan xal ‹¡Kʼupil kʼoptaik Ja!›, li Jae jaʼ skomkom bi li Jeovae.
^ O «ta slekil yoʼonton».
^ O «Jpʼel yoʼonton».
^ Literal «li xulube».
