Salmos 136:1-26
136 Albeik kolaval li Jeovae, yuʼun li stuke toj lek;+te oy-o sbatel osil li tukʼil kʼanelal yuʼune.+
2 Albeik kolaval li Dios yuʼun diosetike,+yuʼun te oy-o sbatel osil li tukʼil kʼanelal yuʼune.
3 Albeik kolaval li Bankilal Jpasmantal yuʼunik li jpasmantaletike,yuʼun te oy-o sbatel osil li tukʼil kʼanelal yuʼune.
4 Jaʼ noʼox stuk toj echʼ xa noʼox labalik sba kʼusitik tspas,+yuʼun te oy-o sbatel osil li tukʼil kʼanelal yuʼune.+
5 Ta spʼijil la smeltsan li vinajele,+yuʼun te oy-o sbatel osil li tukʼil kʼanelal yuʼune.
6 Jaʼ la xlichʼan li balumil ta ba voʼe,+yuʼun te oy-o sbatel osil li tukʼil kʼanelal yuʼune.
7 Jaʼ la spas li kʼusitik mukʼtik ti chakʼ xojobale,+yuʼun te oy-o sbatel osil li tukʼil kʼanelal yuʼune,
8 jaʼ la spas li kʼakʼal sventa xakʼ xojobal ta kʼakʼaltike,+yuʼun te oy-o sbatel osil li tukʼil kʼanelal yuʼune,
9 jaʼ la spas li luna* xchiʼuk kʼanaletik sventa xakʼ xojobal ta akʼobaltike,+yuʼun te oy-o sbatel osil li tukʼil kʼanelal yuʼune.
10 Jaʼ la smil li ba nichʼoniletik ta Ejiptoe,+yuʼun te oy-o sbatel osil li tukʼil kʼanelal yuʼune.
11 La slokʼes tal ta Ejipto li Israele,+yuʼun te oy-o sbatel osil li tukʼil kʼanelal yuʼune,
12 la syeʼ skʼob xchiʼuk ta sjuʼel skʼob la spas,+yuʼun te oy-o sbatel osil li tukʼil kʼanelal yuʼune.
13 La xchʼak ta oʼlol* li Tsajal nabe,+yuʼun te oy-o sbatel osil li tukʼil kʼanelal yuʼune.
14 Te jelav ta oʼlol yuʼun li Israele,+yuʼun te oy-o sbatel osil li tukʼil kʼanelal yuʼune.
15 Jikʼav yuʼun ta Tsajal nab li faraon xchiʼuk yajsoltarotake,+yuʼun te oy-o sbatel osil li tukʼil kʼanelal yuʼune.
16 La sbeiltas li steklumal kʼalal te oy ta takixokol balumile,+yuʼun te oy-o sbatel osil li tukʼil kʼanelal yuʼune.
17 La stsal li mukʼtikil ajvaliletike,+yuʼun te oy-o sbatel osil li tukʼil kʼanelal yuʼune.
18 La smil tsatsal ajvaliletik,yuʼun te oy-o sbatel osil li tukʼil kʼanelal yuʼune,
19 la smil li Seone,+ li ajvalil yuʼun j-amorreoetike,yuʼun te oy-o sbatel osil li tukʼil kʼanelal yuʼune,
20 xchiʼuk li Ogue,+ li ajvalil yuʼun Basane,yuʼun te oy-o sbatel osil li tukʼil kʼanelal yuʼune.
21 La spukbe batel ta rextoil* li yosilike,+yuʼun te oy-o sbatel osil li tukʼil kʼanelal yuʼune,
22 kʼot ta xrexto* li Israel ti jaʼ steklumale,yuʼun te oy-o sbatel osil li tukʼil kʼanelal yuʼune.
23 La svulesutik ta sjol kʼalal jaʼo chkat tajek koʼontontike,+yuʼun te oy-o sbatel osil li tukʼil kʼanelal yuʼune.+
24 Jech-o la spojutik lokʼel ta skʼob li kajkontratike,+yuʼun te oy-o sbatel osil li tukʼil kʼanelal yuʼune.
25 Chakʼbe sveʼel skotol li kʼusitik kuxajtike,+yuʼun te oy-o sbatel osil li tukʼil kʼanelal yuʼune.
26 Albeik kolaval li Dios ti chventainvan ta vinajele,yuʼun te oy-o sbatel osil li tukʼil kʼanelal yuʼune.
Tsʼibetik ta yok vun
^ O «u».
^ Literal «Bikʼitik xa la spas».
^ O «pukulalil; parteil».
^ O «spukulal; sparte».
