Salmos 145:1-21
-
Skʼupil kʼoptael Dios ti jaʼ mukʼul Ajvalile
Son sventa kʼupil kʼoptael, salmo yuʼun David.
א [alef]
145 Dios kuʼun, Ajvalil kuʼun, ta jtoybot akʼoplal,+ta jkʼupil kʼopta abi ta sbatel osil.+
ב [bet]
2 Skotol kʼakʼal ta jkʼupil kʼoptaot;+ta jkʼupil kʼopta abi ta sbatel osil.+
ג [guimel]
3 Toj mukʼ li Jeovae xchiʼuk sta-o tajek kʼupil kʼoptael;+muʼyuk spajeb* li smukʼulale.+
ד [dalet]
4 Tskʼupil kʼoptaik avabteltak li jaykʼol kuxlejal chjelave;chalbeik skʼoplal li kʼusitik apasoj ta ajuʼele.+
ה [e]
5 Chalbeik skʼoplal li avutsilale xchiʼuk li amukʼulale+xchiʼuk ta jnopbe skʼoplal li kʼusitik labalik sba apasoje.
ו [waw]
6 Chalbeik skʼoplal li kʼusitik labalik sba apasoje*xchiʼuk chkalbe skʼoplal li amukʼulale.
ז [sayin]
7 Xmuyubajik chalbeik skʼoplal kʼalal chvul ta sjolik ti toj echʼ xa noʼox li slekil avoʼontone+xchiʼuk ch-avanik ta muyubajel ta skoj li atukʼilale.+
ח [jet]
8 Oy slekil yoʼonton xchiʼuk chkʼuxubinvan li Jeovae,+mu ta aniluk chlik skʼakʼal yoʼonton xchiʼuk toj echʼ xa noʼox tukʼil kʼanelal yuʼun.+
ט [tet]
9 Li Jeovae toj lek yoʼonton ta stojolal skotol+xchiʼuk lek jamal xvinaj xkʼuxul yoʼonton ta skotol li kʼusitik spasoje.
י [yod]
10 Kajval Jeova, skotol li kʼusitik apasoje tsmukʼibtasik akʼoplal+xchiʼuk li buchʼutik tukʼ yakʼoj sbaik ta atojolale tskʼupil kʼoptaikot.+
כ [kaf]
11 Chalbeik skʼoplal li smukʼulal ajvalilal* avuʼune+xchiʼuk chalbeik skʼoplal ajuʼel+
ל [lamed]
12 sventa xojtikin batel krixchanoetik li kʼusitik apasoj ta ajuʼele+xchiʼuk li slekil yutsilal ajvalilal avuʼune.+
מ [mem]
13 Li ajvalilal avuʼune jaʼ jun ajvalilal sventa sbatel osilxchiʼuk li ventainel avuʼune te oy-o akʼo mi x-echʼ jaykʼoluk kuxlejal.+
ס [samek]
14 Li Jeovae ta xik skotol li buchʼutik chyalik xa ta lume+xchiʼuk tstoy likel skotol li buchʼutik nijajtik xae.+
ע [ayin]
15 Skotol te oy satik ta atojolal sventa tskʼanik ti akʼo xakoltae;voʼot chavakʼbe sveʼelik ta yorail.+
פ [pe]
16 Chajam li akʼobexchiʼuk chavakʼbe kʼusi tskʼan yoʼontonik skotol li kʼusitik kuxajtike.+
צ [sade]
17 Skotol ora tukʼ kʼusi tspas* li Jeovae+xchiʼuk oy stukʼil yoʼonton ta skotol li kʼusi tspase.+
ק [kof]
18 Li Jeovae nopol oy ta stojolal skotol li buchʼutik tskʼanbeik vokole,+skotol li buchʼutik tskʼanbeik vokol ta melele.*+
ר [[rex]
19 Chakʼbe kʼusi oy ta yoʼontonik li buchʼutik chiʼtaate;*+chchikintabe kʼalal xvokolet tskʼanik koltaele xchiʼuk tskolta.+
ש [xin]
20 Chichʼik chabiel yuʼun Jeova skotol li buchʼutik skʼanojike,+pe tslajes skotol li buchʼutik toj chopolike.+
ת [taw]
21 Li kee tskʼupil kʼopta li Jeovae;+skotoluk li kʼusitik kuxajtike akʼo skʼupil kʼoptabeik li xchʼul bi ta sbatel osile.+
Tsʼibetik ta yok vun
^ O «mu tabaj ta aʼibel smelolal».
^ O «li ajuʼele».
^ Literal «sbe».
^ O «ta sjunul yoʼontonike».