Salmos 149:1-9
149 ¡Kʼupil kʼoptaik li Jeovae!*
Kʼejintabeik junuk achʼ kʼejoj li Jeovae;+kʼupil kʼoptaik ta stsobobbail li buchʼutik tukʼ chakʼ sbaike.+
2 Li Israele akʼo kuxetuk yoʼonton ta stojolal li Mukʼul Jpasvanej yuʼune;+li yalabtak Sione akʼo kuxetuk yoʼonton ta stojolal li Ajvalil yuʼune.
3 Akʼo akʼotajikuk ta skʼupil kʼoptabel li sbie+xchiʼuk akʼo skʼupil kʼoptaik ta kʼejimoletik* ta pandereta* xchiʼuk ta arpa.+
4 Yuʼun lek chil steklumal li Jeovae.+
Chakʼ ta ichʼel ta mukʼ li manxoetik kʼalal tskoltae.+
5 Li buchʼutik tukʼ chakʼ sbaike akʼo muyubajikuk ta skoj ti laj yichʼ mukʼibtasbel skʼoplalike;akʼo avanikuk ta muyubajel ta sba stemik.*+
6 Teuk ta yeik li sonetik sventa tskʼupil kʼoptaik li Diosexchiʼuk teuk ta skʼobik jun espada ti chaʼjot yee,
7 sventa tspakbeik sutel li mukʼtik lumetikexchiʼuk chakʼbeik kastigo li jteklumetike,
8 sventa xchukik ta kadena li ajvaliletik yuʼunikexchiʼuk sventa xchukik ta tsatsal kadena li buchʼutik tsots yabtel yuʼunike,
9 sventa chakʼbeik kastigo jech kʼuchaʼal tsʼibabil ta mantale.+
Li kʼusi jun yutsil taje jaʼ tspasik skotol li buchʼutik tukʼ chakʼ sbaik ta stojolale.
¡Kʼupil kʼoptaik li Jeovae!*
Tsʼibetik ta yok vun
^ O «¡Aleluya!». Taje jaʼ skʼan xal ‹¡Kʼupil kʼoptaik Ja!›, li Jae jaʼ skomkom bi li Jeovae.
^ O «stijbeik sonetik».
^ O «chijchij takʼin».
^ O «svayebik».
^ O «¡Aleluya!». Taje jaʼ skʼan xal ‹¡Kʼupil kʼoptaik Ja!›, li Jae jaʼ skomkom bi li Jeovae.