Salmos 16:1-11
Miktam* yuʼun David.
16 Dios kuʼun, chabiun, yuʼun jaʼ te jsaʼoj jnakʼobbail ta atojolal.+
2 Xi kalojbe li Jeovae: «Voʼot Jeovaot, voʼot ti kʼotemot kuʼun ta Snioʼal slekil oʼontonale.
3 Xchiʼuk li buchʼutik chʼul ta balumile,li buchʼutik tsots skʼoplalike, xkuxet tajek koʼonton yuʼunik».+
4 Ch-epaj svokolik li buchʼutik tstsʼakliik batel yan diosetike.+
Mi jaʼuk onoʼox bu ta jtikʼ jba ta yakʼel li matanal chʼichʼ chakʼike,mi jaʼuk bu chlokʼ ta ke li sbi sdiosik xtoke.+
5 Jaʼ jparte kʼotem li Jeovae, jaʼ jrexto* akʼbilun+ xchiʼuk jaʼ jkopa.+
Voʼot chachabi li jparte akʼbilune.
6 Toj lek li kavil kʼu smukʼul avakʼojbune.
Ta melel, jun koʼonton yuʼun li jrexto* jtaoje.+
7 Ta jkʼupil kʼopta li Jeova ti jaʼ stojobtasojune.+
Akʼo mi ta akʼobaltik, tstukʼibtasun li kʼusi ta jnop ta yutil to koʼontone.*+
8 Te oy-o ta koʼonton* li Jeovae.+
Muʼyuk buchʼu xuʼ svuyilanun,* yuʼun te oy ta jbatsʼikʼob.+
9 Jaʼ yuʼun, xkuxet li koʼontone, batsʼi ximuyubaj ta bu noʼox kʼalal.
Jech xtok, jun koʼonton kuxulun.
10 Yuʼun muʼyuk te chaviktaun li ta Mukinale.*+
Muʼyuk chavakʼ batuk ta chʼen* li buchʼu tukʼ chakʼ sba ta atojolale.+
11 Laj xa avakʼbun kil li sbelel kuxlejale.+
Xkuxet tajek koʼonton kʼalal te oyun ta atojolale;*+chakʼ muyubajel sbatel osil kʼalal teun ta abatsʼikʼobe.
Tsʼibetik ta yok vun
^ O «jpukulal; jparte».
^ O «jpukulal; jparte».
^ Literal «li jrinyone».
^ Literal «keloval».
^ O «Muʼyuk buchʼu xitamlajet yuʼun».
^ O jaʼ van skʼoplal «Muʼyuk chavakʼ kʼaʼuk sbekʼtal».
^ Literal «asate».
