Salmos 29:1-11
Skʼejimol David.
29 Akʼbeik Jeova li kʼusi sta-oe, voʼoxuk li xnichʼnaboxuk buchʼutik tsots yipike,akʼbeik Jeova li kʼusi sta-o ta skoj li smukʼulale xchiʼuk li yipe.+
2 Albeik smukʼulal Jeova ti sta-o ta skoj li sbie.
Alapojuk achʼul kʼuʼik* xakejan abaik ta stojolal* Jeova.
3 Chichʼ aʼibel yechʼomal ye Jeova li ta sba voʼe;xkʼavlajet noʼox yechʼomal ye li mukʼul Diose.+
Te oy Jeova li ta sba epal voʼe.+
4 Toj echʼ xa noʼox tsots li yechʼomal ye Jeovae;+toj echʼ xa noʼox labal sba li yechʼomal ye Jeovae.
5 Tskʼas sedro teʼetik li yechʼomal ye Jeovae;ta melel, tslilin ta kʼasel sedro teʼetik ta Libano+ li Jeovae.
6 Chpʼit yuʼun kʼuchaʼal chʼiom tot vakax li Libanoe*xchiʼuk chpʼit yuʼun kʼuchaʼal jkot chʼiom teʼtikal tot vakax li Sirione.*+
7 Chlokʼ tal sleb kʼokʼ li ta yechʼomal ye Jeovae;+
8 li yechʼomal ye Jeovae chnik yuʼun li takixokol balumile,+li Jeovae chnik yuʼun li takixokol balumil ta Kadese.+
9 Li yechʼomal ye Jeovae chnik yuʼun li teʼtikalchije xchiʼuk chvokʼ yol yuʼun,jech xtok, tʼanal chkom yuʼun li teʼtikaltike.+
Xi chal skotolik li buchʼutik te oy ta stemploe: «¡Albeik smukʼulal li Diose!».
10 Li xchotleb sventa ajvalil li Jeovae te oy ta sba nojelal ta voʼ;*+chotol xa ta xchotleb sventa jaʼuk Ajvalil sbatel osil li Jeovae.+
11 Chakʼbe stsatsal steklumal li Jeovae.+
Li bendision chakʼbe steklumal Jeovae jaʼ li jun oʼontonale.+
Tsʼibetik ta yok vun
^ O jaʼ van skʼoplal «Ta skoj li yutsilal ti toj chʼule, skʼan».
^ O «xavichʼik ta mukʼ».
^ Yaʼeluke, jaʼ skʼoplal li vitstikaltik ta Libanoe.
^ Jaʼ jech yakʼojbeik sbi jsidonetik ta voʼne li vits Ermone. Kʼelo Deuteronomio 3:9.
^ O «mukʼul nab ta vinajel».
