Salmos 31:1-24
Sventa bankilal jtijson.Skʼejimol David.
31 Te jsaʼoj jnakʼobbail ta atojolal, Kajval Jeova.+
Mu me jutebuk xi-akʼat ta kʼexlal.+
Koltaun ta skoj li atukʼilale.+
2 Tsʼetano tal achikin ta jtojolal.*
Laʼ koltaun ta anil.+
Kʼotan ta vits kuʼun sventa te jsaʼ jnakʼobbail,jun tsatsal nakʼobbail sventa spojun.+
3 Yuʼun voʼot li tayal ton kʼotemot kuʼune xchiʼuk voʼot jtsatsal pojobbailot;+ta skoj li abie+ chabeiltasun xchiʼuk chachabiun.+
4 Chakoltaun lokʼel li ta petsʼ ti ta mukul yakʼojike,+yuʼun voʼot li jtsatsal nakʼobbailote.+
5 Chkakʼ ta akʼob li yip jkuxlejale.*+
Apojojun, Kajval Jeova, ti voʼot li Diosot ti melel xanaʼ xakʼopoje.*+
6 Jpʼajoj li buchʼutik jaʼ chichʼik ta mukʼ jecheʼ santoetike, ti mu kʼusi xtunik-oe,yan li voʼone jpatoj koʼonton ta stojolal Jeova.
7 Xkuxet ta jyalel koʼonton yuʼun li tukʼil kʼanelal avuʼune,yuʼun aviloj xa li jvokole;+avakʼoj xa venta li kʼusitik kʼux tajek chkaʼie.
8 Muʼyuk avakʼojun ta skʼob li kajkontratake,yuʼun jaʼ te la avaʼanun ti bu jun koʼontone.*
9 Kajval Jeova, akʼo ta ilel slekil avoʼonton ta jtojolal, yuʼun chkat koʼonton.
Laj xa yip jsat ta skoj li jvokole+ xchiʼuk kʼunib xa sjunul li jbekʼtale.*+
10 Tslajesbun xa jkuxlejal li at-oʼontone+xchiʼuk skomajesojbun xa jayib jabil kuxulun li jikʼ oʼontone.+
Chlaj xa batel kipal ta skoj li jpaltaile;*chkʼunib xa li jbakile.+
11 Spʼajojikun skotol li kajkontratake,+pe mas to li jlakʼnatake.
Jech xtok, chiʼik ta jtojolal li buchʼutik xkojtikine;chjatavik batel ta jtojolal mi laj yilikun ti bu oy krixchanoetike.+
12 Xchʼayojikun xa ta sjolik xchiʼuk ta yoʼontonik,* chamemun xa yileluk;xikoʼolaj kʼuchaʼal vokʼem jarra.
13 Kaʼioj ti ep kʼusitik toj chopol chalik li krixchanoetike;buyuk noʼox batkun, chixiʼ tajek.+
Kʼalal tspas ta jmoj sjolik sventa tskontrainikune,tsnop tsmilikun.+
14 Pe jpatoj koʼonton ta atojolal, Kajval Jeova.+
Xi chkale: «Voʼot Jdiosot».+
15 Te oy ta avok akʼob li jkuxlejale.*
Koltaun lokʼel ta skʼob li kajkontratake xchiʼuk li buchʼutik chilbajinikune.+
16 Akʼo xojobajuk asat ta stojolal li avajtunele.+
Pojun lokʼel ta skoj li tukʼil kʼanelal avuʼune.
17 Kajval Jeova, mu me xkichʼ akʼel ta kʼexlal kʼalal xivokolet ta atojolale.+Akʼo yichʼ akʼel ta kʼexlal li buchʼu toj chopolike;+
akʼo tsʼijluk xkomik ta Mukinal.*+
18 Akʼo umaʼuk xkom li jutkʼopetike,*+li buchʼutik xtoyet chkʼopojik xchiʼuk ti spʼajojik li buchʼutik tukʼ yakʼoj sbaike.
19 ¡Toj echʼ xa noʼox li slekil avoʼontone!+
Anakʼoj* sventa xavakʼbe li buchʼutik xiʼtaojote*+xchiʼuk avakʼoj ta ilel ta stojolal skotol li krixchanoetike, ta stojolal li buchʼutik tsaʼ snakʼobbailik ta atojolale.+
20 Te chanakʼ* ti bu lek nakʼal yoʼ bu oyot+ta skoj li kʼusi chopol snopoj tspasik li krixchanoetike;te chanakʼ li ta nakʼobbail avuʼunta skoj li kʼusi chopol tspasbatike.*+
21 Kʼupil kʼoptabiluk li Jeovae,yuʼun toj labal sba ti kʼu yelan yakʼoj ta ilel tukʼil kʼanelal ta jtojolal+ li ta jteklum ti joyobtabil xae.+
22 Yan li voʼone lixiʼ tajek xchiʼuk xi laj kale:
«Liʼ akʼeloj chlaj jkʼoplale».+
Pe la achikinta ti xivokolet la jkʼan akʼo xakoltaune.+
23 ¡Kʼanik li Jeovae, akotolik ti tukʼ avoʼonton avakʼoj abaik ta stojolale!+
Chchabiat yuʼun Jeova li buchʼutik tukʼ yakʼoj sbaike,+yan li jtoybaetike+ tsots chakʼbe kastigo.
24 Mu xachibajik xchiʼuk tsotsuk avoʼontonik,+akotolik ti apatoj avoʼontonik ta stojolal Jeovae.+
Tsʼibetik ta yok vun
^ O «Nijano aba xchiʼuk chikintabun».
^ O «li tukʼil Diosote».
^ O «jchʼulele».
^ O «ti bu jamalaltike».
^ O «li jchʼute».
^ O «li jchopolile».
^ O «snopbenik».
^ Literal «li koraile».
^ O «jnopkʼopetike; j-epalkʼopetike».
^ O «Akʼejoj».
^ O «chamuk».
^ Literal «ti tsaʼ kʼop ta yokʼike».
