Salmos 33:1-22
33 Avananik ta muyubajel ta stojolal Jeova,+ voʼoxuk ti tukʼ avakʼoj abaike.
Yuʼun sta-o xakʼupil kʼoptaik, voʼoxuk ti tukʼ avakʼoj abaike.
2 Tojbeik ta vokol Jeova ta arpa;kʼejintabeik kʼejimoletik* ta stijobil son ti oy lajuneb yakʼile.
3 Kʼejintabeik junuk achʼ kʼejimol;+tojobanik lek stijel li yakʼiltak stijobil sone xchiʼuk avananik ta muyubajel.
4 Yuʼun tukʼ li skʼop+ Jeovaexchiʼuk xuʼ jpat-o koʼontontik skotol li kʼusitik tspase.
5 Skʼanoj li tukʼilale xchiʼuk muʼyuk chtʼujvan kʼalal chchapanvane.+
Noj ta tukʼil kʼanelal yuʼun Jeova li balumile.+
6 Ta smantal Jeova laj yichʼ pasel li vinajele+xchiʼuk ta yikʼal ye ayan skotol li kʼusitik oy tee.*
7 Ta stsob ta jmoj li yaʼlel nabe, xkoʼolaj kʼuchaʼal tsmakbe yok;+tstikʼ ta yavil li voʼ ti xyukʼlajet tajeke.
8 Akʼo xiʼta* Jeova+ skotol li jnaklejetik ta balumile.
Akʼo labaluk sba xilik Dios li jnaklejetik ta balumil ti bu oy kʼusitik lek xchʼie.
9 Yuʼun laj yal mantal, vaʼun lik ayanuk li kʼusitike;+laj yal mantal, laje vaʼi skotol li kʼusitike.+
10 Li Jeovae xtuchʼojbe ta be li kʼusi chopol snopoj tspasik* li mukʼtik lumetike;+xtuchʼojbe ta be kʼusi oy ta yoʼonton tspasik* li jteklumetike.+
11 Pe li tojobtasel yuʼun Jeovae te oy-o sbatel osil;+li kʼusitik snopoj ta yoʼontone chjalij akʼo mi xjelav jaykʼoluk kuxlejal.
12 Xmuyubaj noʼox li mukʼta lum ti jaʼ Sdiosik li Jeovae,+li jteklum ti jaʼ stʼujoj sventa jaʼ xkʼot ta spartee.+
13 Ta vinajel to chkʼelvan tal li Jeovae;chil talel skotol li xnichʼnab krixchanoetike.+
14 Ti bu to nakale,te to yakʼoj tal sat ta stojolal skotol li jnaklejetik ta balumile.
15 Jaʼ spasojbe yoʼonton skotolik;chchajbe ta kʼelel skotol li kʼusitik tspasike.+
16 Mi junuk ajvalil xuʼ xpojat yuʼun li epal soltaroetike;+li jun vinik ti lek xuʼ yuʼune maʼuk chpojat ta skoj ti lek xuʼ yuʼune.+
17 Jecheʼ ta jpat koʼontontik sventa tskoltautik* li kaʼe;+maʼuk ti jpʼel xa skʼoplal tskoltautik ta skoj ti toj tsots yipe.
18 ¡Kʼelavilik! Te oy sat Jeova ta stojolal li buchʼu xiʼtaojike,+li buchʼu spatoj yoʼontonik li ta tukʼil kʼanelal yuʼune,
19 sventa skolta lokʼel li ta lajelalexchiʼuk sventa kuxuluk xkomik li ta yorail tsatsal viʼnale.+
20 Jmalaojtik tajek tskoltautik li Jeovae.
Jaʼ jkoltavanej kuʼuntik xchiʼuk jaʼ j-eskudotik.*+
21 Xmuyubaj koʼontontik ta stojolal,yuʼun jpatoj koʼontontik ta stojolal li xchʼul bie.+
22 Liʼ me oyuk ta jtojolalkutik li tukʼil kʼanelal avuʼune, Kajval Jeova,+yoʼ to jmalaoj chakoltaunkutike.+
Tsʼibetik ta yok vun
^ O «tijbeik sonetik».
^ Literal «skotol li soltaroetik tee».
^ O «ta snopbenik».
^ O «li tojobtasel yuʼunik».
^ O «ti jpastik kanal yuʼun».
^ O «jmakobbailtik».