Salmos 38:1-22
Skʼejimol David; sventa svulesobil ta sjol li krixchanoetike.
38 Kajval Jeova, mu ta skʼakʼaluk avoʼonton xavakʼbun mantalxchiʼuk mu ta skapemaluk ajol xatukʼibtasun.+
2 Yuʼun matsʼal xa aflechatak ta yutil to jbekʼtalxchiʼuk kaʼiojbe xa xkʼuxul ti kʼu yelan chavakʼ jvokole.+
3 Ip sjunul jbekʼtal* ta skoj ti ilinemot ta jtojolale.
Muʼyuk xa jun koʼonton* ta skoj ti la jsaʼ jmule.+
4 Yuʼun kʼot xa kʼalal jol li jpaltailtake;*+xkoʼolaj kʼuchaʼal alal ikatsil ti mu xa xlik kuʼune.
5 Tuibem xa xchiʼuk chpojovin xa li jyayijemalta skoj li jbolile.
6 Chkil tajek jvokol xchiʼuk chkat tajek koʼonton;xital xibat noʼox ta skoj at-oʼonton skotol kʼakʼal.
7 Oy kʼusi xtiltun chkaʼi li ta yut jbekʼtale;*ip sjunul li jbekʼtale.+
8 Alubem likom xchiʼuk batsʼi chevbil* xa likom laj kaʼi;xi-avet ta okʼel ta skoj ti chkat koʼontone.
9 Kajval Jeova, aviloj skotol li kʼusi tskʼan koʼontonexchiʼuk aviloj lek ti ta jikʼ koʼontone.
10 Xpʼitpʼun li koʼontone, laj xa li kipalexchiʼuk tupʼ xa batel li jsate.*+
11 Li kamigotake xchiʼuk li jchiʼiltake mu skʼan xchiʼinikun ta skoj li jvokolexchiʼuk nom noʼox yakʼoj sbaik ta jtojolal li buchʼutik lek xkojtikine.
12 Li buchʼutik tskʼan tsmilikune yakʼojik jpetsʼal;li buchʼutik tskʼan chakʼik jvokole chopol chkʼopojik ta jtojolal;+skotol kʼakʼal xkʼuxoj xa stanal yeik ta loʼlavanej.
13 Pe xikoʼolaj kʼuchaʼal pakʼchikin,* yuʼun muʼyuk la jchikinta;+xikoʼolaj kʼuchaʼal umaʼ, yuʼun mi jsetʼuk* likʼopoj.+
14 Xikoʼolaj xa kʼuchaʼal jun vinik ti mu xaʼi kʼoponele,ti muʼyuk kʼusi chlokʼ jsetʼuk* ta ye sventa tspak skʼoplale.
15 Yuʼun jmalaoj ti voʼot chakoltaune, Kajval Jeova,+vaʼun la atakʼbun, Jeova Dios kuʼun.+
16 Yuʼun xi laj kale: «Mu me xmuyubajikuk xa ta jtojolalmi jaʼuk ti xkuxetuk xa yoʼontonik kʼalal mi chʼulpʼij* kakane».
17 Yuʼun jutuk xa mu liyal ta lumxchiʼuk mi jsetʼuk* x-echʼ li kʼusi kʼux chkaʼie.+
18 Laj kal ta jamal li jpaltaile;*+la jvul tajek koʼonton ta skoj li jmule.+
19 Pe toj tsots yipik* xchiʼuk lek xuʼ yuʼunik li kajkontratake,*epajemik li buchʼutik ta jech noʼox spʼajojikune.
20 Chopol tspakbeikun sutel li kʼusi lek jpasojbeike;tskontrainikun sventa mu jaʼuk jpas li kʼusi leke.
21 Kajval Jeova, mu xaviktaun,
Dios kuʼun, mu nomuk xavakʼ aba ta jtojolal.+
22 Laʼ ta anil, laʼ koltaun,Kajval Jeova, voʼot ti jkoltavanejot kuʼune.+
Tsʼibetik ta yok vun
^ Literal «Muʼyuk xa bu lek jutebuk jbekʼtal».
^ Literal «Muʼyuk lekilal ta jbakiltak».
^ O «li jchopoliltake».
^ Literal «Solel xtiltun li jpate».
^ O «vochʼbil».
^ Literal «li slusal jsate».
^ O «jutebuk».
^ O «kok; buchʼu makal xchikin».
^ O «jutebuk».
^ O «tsʼulpʼij».
^ O «jutebuk».
^ O «li jchopolile».
^ Literal «kuxulik».
^ O jaʼ van skʼoplal «Pe epik li buchʼutik ta jech noʼox tskontrainikune».
