Salmos 49:1-20
Sventa bankilal jtijson. Skʼejimol xnichʼnabtak Kore.+
49 Akotolik jteklumetik, chikintaik liʼe.
Akotolik jnaklejetik ta balumil,* tsʼet chikintaik,
2 akotolik li buchʼutik mukʼ akʼoplalike xchiʼuk li buchʼutik bikʼit akʼoplalike,*mi jkʼulej o mi povre.
3 Chlokʼ ta ke li pʼijilalexchiʼuk li kʼusi tsnop koʼontone+ chvinaj ti xaʼibe smelolale.
4 Ta jtsʼet chikinta jun pʼijil loʼil;ta jchapbe skʼoplal li kʼusi chukul ta aʼiel kʼalal ta jtij arpae.
5 ¿Kʼu yuʼun chixiʼ li ta yorail vokolile,+kʼalal joyol ta jpat jxokon xchoplejal* li buchʼutik tsjipikun yaʼiik ta lume?
6 Li buchʼutik spatoj yoʼontonik ta skʼulejalike+xchiʼuk ti tstoy sbaik ta skoj ti toj ep skʼulejalike+
7 mi jaʼuk onoʼox xuʼ yuʼunik tskolta lokʼel li jun xchiʼilikeo ti oy kʼusi xakʼbeik Dios sventa spojik lokʼele+
8 (toj echʼ xa noʼox toyol stojol sventa xichʼ manbel li xkuxlejalike,yuʼun mi jaʼuk onoʼox xtoj yuʼunik)
9 sventa xkuxi sbatel osil xchiʼuk ti mu xbat ta chʼene.*+
10 Skotolik yilojik ti chcham li pʼijil krixchanoe;jmoj chchamik li buchʼutik bolike xchiʼuk li buchʼutik mu snaʼik rasone,+vaʼun yan-o buchʼu chiktabeik li skʼulejalike.+
11 Oy ta yoʼontonik ti teuk-o sbatel osil li snaike,ti teuk-o vaʼal skarpanaik ti jaykʼol kuxlejal ch-echʼe.
Jech yakʼojbe sbi yosilik jech kʼuchaʼal sbi stukike.
12 Pe akʼo mi ichʼbil ta mukʼ li vinike, ta onoʼox xcham;+maʼuk x-echʼ to slekil kʼuchaʼal li chonbolometik ti snaʼ xchamike.+
13 Taje jaʼ sbelel stamojik batel li buchʼutik toj bolike+
xchiʼuk li buchʼutik tstsʼakliik batele, ti lek xa chaʼiik li kʼusitik chalik ti muʼyuk stue. (Sela).
14 Chichʼik milel kʼuchaʼal chij xchiʼuk chbatik li ta Mukinale.*
Jaʼ chchabiatik yuʼun li lajelale;li ta sobe, jaʼ chventainatik yuʼun li buchʼutik tukʼike;+tsakchʼay batel li yav yakanike,+jaʼ tsnainik li Mukinale,*+ maʼuk li spasob mantal ajvalile.+
15 Pe li Diose tspojun lokʼel ta sjuʼel* li Mukinale,*+yuʼun jaʼ chjochun lokʼel. (Sela).
16 Mu xaxiʼ yuʼun mi tspas ta jkʼulej li jun krixchanoe,mi ch-epaj yuʼun li kʼusitik oy ta snae,
17 yuʼun muʼyuk kʼusi chichʼ batel kʼalal chchame;+muʼyuk jmoj chyal batel xchiʼuk li skʼulejale.+
18 Yuʼun lek xa chalbe sba skʼoplal stuk ti kʼu sjalil kuxule.+
(Tskʼupil kʼoptaot krixchanoetik kʼalal chapas ta jkʼuleje).+
19 Pe chcham onoʼox kʼuchaʼal chamemik li smoltotake.
Muʼyuk xa chil-o sakil osil.
20 Pe mi oy jun krixchano ti mu xaʼibe smelolal li kʼusitik taje, akʼo mi ichʼbil ta mukʼ,+maʼuk x-echʼ to slekil kʼuchaʼal li chonbolometik ti snaʼ xchamike.
Tsʼibetik ta yok vun
^ O «kʼusitik oy ta balumil».
^ Literal «xnichʼnab krixchanoetik xchiʼuk xnichʼnab viniketik».
^ Literal «spaltail».
^ O «mukinale».
^ Literal «skʼob».
