Salmos 51:1-19
Sventa bankilal jtijson. Skʼejimol David, kʼalal ay kʼoponatuk yuʼun j-alkʼop Natan li David kʼalal xchiʼinoj xa ox ta vayel li Bat-Sebae.+
51 Dios kuʼun, akʼo ta ilel slekil avoʼonton ta jtojolal ta skoj li tukʼil kʼanelal avuʼune.+
Tupʼo jmul ta skoj ti oy tajek xkʼuxul avoʼontone.+
2 Pokun lek ta skoj li jpaltaile*+xchiʼuk sakubtasun ta skoj li jmule.+
3 Yuʼun jnaʼoj lek ti oy jpaltailtake*+xchiʼuk skotol ora te oy ta jnopben li jmule.
4 Laj xa jsaʼ jmul ta atojolal, ta melel laj xa jta jmul ta atojolal;*+laj xa jpas li kʼusi chopol chavil ta asate.+
Jech oxal, tukʼot kʼalal chakʼopoje,tukʼot kʼalal chachapanvane.+
5 ¡Kʼelavil! Oy onoʼox jmul kʼalal livokʼexchiʼuk jpasmulilun xa onoʼox kʼalal la xchiʼinun li jmeʼe.*+
6 ¡Kʼelavil! Lek chavil li buchʼu melel kʼusi oy ta yoʼontone;+Dios, akʼbo yil melel pʼijilal li koʼontone.
7 Sakubtaso lokʼel ta isopo* li jmul sventa sakuk xikome;+pokun sventa masuk to sak xikom kʼuchaʼal li taive.+
8 Akʼo kaʼi ti x-avetik ta muyubajele xchiʼuk ti xkuxet noʼox yoʼontoniksventa ximuyubaj akʼo mi avochʼoj li jbakiltake.+
9 Mu xakʼel* li jmultake+xchiʼuk lokʼeso* skotol li jpaltailtake.*+
10 Dios kuʼun, sakubtasbun koʼonton+xchiʼuk achʼubuk li kʼusi oy ta koʼonton+ sventa skoltaun yoʼ tukʼuk xkakʼ jbae.
11 Mu xajipun lokʼel ta atojolal;xchiʼuk mu xapojbun li achʼul espiritue.
12 Kuxetuk koʼonton avuʼun yan velta ta skoj ti chakoltavane,+tijbun koʼonton sventa oyuk ta koʼonton jchʼunbot amantal.*
13 Chkakʼbe yil abetak li jtoybaetike,+sventa sutik tal ta atojolal li jpasmuliletike.
14 Dios kuʼun, koltaun ta skoj ti oy jmul ta smalel chʼichʼe,+ Dios ti voʼot jkoltavanejot kuʼune,+sventa xmuyubajuk noʼox li ke kʼalal chal batel atukʼilale.+
15 Akʼo kʼopojkun, Kajval Jeova,sventa xuʼ jkʼupil kʼoptaot batel ta ke.+
16 Yuʼun mu xakʼan li milbil matanale, ati tauk xakʼane, chkakʼbot;+mu xakʼupin li skotlej chikʼbil matanale.+
17 Li milbil matanal lek chil Diose jaʼ li buchʼu chopol tajek chaʼi sba ta skoj smule;Dios kuʼun, muʼyuk chapʼaj li buchʼu lilijem tajek chaʼi li yoʼonton xchiʼuk ti vochʼem* tajek chaʼie.+
18 Ta slekiluk avoʼonton xapas kʼusi lek ta stojolal li Sione;vaʼanbo smuroaltak li Jerusalene.
19 Vaʼun, kʼupil sba chavil li matanal chakʼ buchʼutik tukʼe,li chikʼbil matanale xchiʼuk li skotlej matanale;vaʼun chichʼ akʼel tot vakax li ta skajleb amotone.+
Tsʼibetik ta yok vun
^ O «jchopolile».
^ O «jchopoliltake».
^ Literal «jaʼ noʼox ta atojolal la jsaʼ jmul».
^ O «nojun xa onoʼox ta mulil kʼalal la xchiʼinun li jmeʼe».
^ O «Nakʼo asat ta stojolal».
^ O «tupʼo».
^ O «jchopoliltake».
^ Literal «ikun sventa oyuk tajek ta koʼonton».
^ O «tʼusem».