Salmos 54:1-7
-
Tspas orasion sventa tskʼan koltael kʼalal chkontrainate
-
«Jaʼ jkoltavanej kuʼun li Diose» (4)
-
Sventa bankilal jtijson; laj yichʼ tijel son ta stijobil ti oy yakʼiltake. Maskil.* Salmo yuʼun David, jaʼo kʼalal batik ta stojolal Saul li buchʼutik likemik ta Sife, vaʼun xi laj yalbeike: «Te snakʼoj* sba ta jlumalkutik li Davide».+
54 Dios kuʼun, pojun ta skoj li abie+xchiʼuk pakbun jkʼoplal+ li ta ajuʼele.
2 Dios kuʼun, chikintao li j-orasione;+tsʼet chikintao li kʼusi chlokʼ ta kee.
3 Yuʼun chtal stsakikun ta kʼop li kajkontratake,+tskʼan tsmilikun li krixchanoetik ti chʼabal xkʼuxul yoʼontonike.
Muʼyuk chichʼik ta mukʼ li Diose.*+ (Sela).
4 ¡Kʼelavil! Jaʼ jkoltavanej kuʼun li Diose;+te chiʼinbilik yuʼun Jeova li buchʼutik yikojikune.
5 Chakʼbe stoj kajkontratak+ ta skoj li kʼusitik toj chopol spasojike;milo* ta skoj ti tukʼ avakʼoj abae.+
6 Ta sjunul koʼonton chkakʼbot milbil matanal.+
Kajval Jeova, ta jkʼupil kʼopta li abie, yuʼun toj lek.+
7 Yuʼun voʼot chakoltaun lokʼel ta skotol li vokoliletike+xchiʼuk chkil kʼalal chichʼik tsalel li kajkontratake.+