Salmos 58:1-11
-
«Oy jun Dios ti chchapanvan ta balumile»
-
Orasion sventa xichʼbe stojobil li buchʼu toj chopole (6-8)
-
Sventa bankilal jtijson; chapanbil ta sventa «Mu xajines». Salmo yuʼun David. Miktam.*
58 ¿Mi xuʼ van xavalbeik skʼoplal tukʼilal kʼalal te noʼox tsʼijiloxuke?+
¿Mi xuʼ tukʼ xachapanvanik, voʼoxuk ti xnichʼnaboxuk krixchanoetike?+
2 Muʼyuk, yuʼun jaʼ noʼox chanop ta avoʼontonik li kʼusi chopole+xchiʼuk tspuk batel saʼkʼop ta balumil li akʼobike.+
3 Li buchʼutik toj chopolike kʼejpʼujemik* xa onoʼox ta be* kʼalal vokʼike;*jtoybaetik, jloʼlavanejetik xa onoʼox kʼalal jaʼ toʼox vokʼike.
4 Li svenenoalike xkoʼolaj kʼuchaʼal svenenoal chon;+pakʼchikinik* kʼuchaʼal kovra ti tsmak xchikine,
5 ti mu skʼan xchikintabe yechʼomal ye li buchʼu tsvovijesbe sjol chone,mu ventauk kʼu to yelan xtojob ta svovijesbel sjol.
6 Dios kuʼun, ¡lokʼesbo li stanal yeike!
Kajval Jeova, ¡kʼasbo sbakil yolon ye li leonetik taje!*
7 Akʼo sakchʼayikuk batel kʼuchaʼal voʼ ti chmal batele.
Akʼo slapʼun s-arko li Diose xchiʼuk akʼo lomikuk ta lum kʼalal chkʼot ta stojolalik li sflechae.
8 Jechikuk kʼuchaʼal tʼotʼ* ti chtakij kʼalal xkilet batele;jechikuk kʼuchaʼal yol jun ants ti chamem chvokʼ ti muʼyuk chilbe-o sat kʼakʼale.
9 Kʼalal mu to bu chkʼixnaj yuʼun apʼinik li chʼixti xtiltun* skʼakʼale,li Dios ti xkoʼolaj kʼuchaʼal tsatsal ikʼe+ tsmesbe batel li skʼobkʼobtak ti bu yoxik toe xchiʼuk li bu yakal xa chkʼakʼe.
10 Chmuyubaj li buchʼu tukʼe, yuʼun yiloj ti tspak sutel li Diose;+balom* chʼichʼ xa yakanik ta xchʼichʼel li buchʼutik toj chopolike.+
11 Vaʼun, xi chal li krixchanoetike: «Ta melel, tsta smotonik li buchʼutik tukʼ yakʼoj sbaike.+
Yuʼun oy jun Dios ti chchapanvan ta balumile».+
Tsʼibetik ta yok vun
^ O «kʼejevemik; tsʼepʼujemik».
^ O «muʼyuk stukʼilik».
^ Literal «kʼalal ta alajebal toʼox oyike».
^ O «koketik; makal xchikinik».
^ O «li chʼiom leonetik ti xtinlajet sjolike».
^ O «karakol».
^ O «xloklun; xpulpun».
^ O «balem; bonol ta».