Salmos 6:1-10
Sventa bankilal jtijson; laj yichʼ tijel son ta stijobil ti oy yakʼiltak ti ta seminit* yechʼomale. Skʼejimol David.
6 Kajval Jeova, mu ta skʼakʼaluk avoʼonton xavakʼbun mantalxchiʼuk mu ta skapemaluk ajol xatukʼibtasun.+
2 Akʼbun kipal,* Kajval Jeova, yuʼun yantik xa xikʼunib batel.
Poxtaun, Jeova,+ yuʼun solel xtʼelelet* xa li jbakiltake.
3 Jech ta melel, mu xa jnaʼ kʼusi ta jpas+xchiʼuk ta jakʼbot, Kajval Jeova: ¿kʼu to sjalil ta jmala?+
4 Jeova, sutan tal xchiʼuk koltaun;+koltaun ta skoj ti oy tukʼil kʼanelal avuʼune.+
5 Yuʼun muʼyuk xa chalik akʼoplal* li buchʼutik chamemike;¿mi oy buchʼu xuʼ skʼupil kʼoptaot li ta Mukinale?*+
6 Lilub xa tajek ta jikʼ oʼonton;+sjunul akʼobal ta xtʼuxij kuʼun jtem* ta skoj li yaʼlel jsate;*solel chekʼel* ta yaʼlel jsat+ ti bu ta jpuchʼan jbae.
7 Laj xa yip jsat ta skoj li jvokole;+ikʼubem* xa jsat ta skoj li buchʼutik chilbajinikune.
8 Chʼako abaik lokʼel ta jtojolal, akotolik ti toj chopol kʼusi chapasike,yuʼun chaʼibun Jeova ti kʼu yelan xi-avet ta okʼele.+
9 Chaʼi Jeova ti kʼu yelan xivokolet ta jkʼan koltaele;+tstakʼbun j-orasion li Jeovae.
10 Chichʼ kʼexlaltasel skotol li kajkontratake xchiʼuk chibajem chkom yoʼontonik;ta valopat tsutik ta anil ta skoj li kʼexlale.+
Tsʼibetik ta yok vun
^ O «Oyuk xkʼuxul avoʼonton».
^ O «chnik».
^ O «muʼyuk xa tsnaʼikot».
^ O «jvayeb».
^ Literal «stsʼajet ta yaʼlel jsat li jteme».
^ O «kanajtik; noj; losol».
^ O «molibem».